Isajos 22:5 - Библия - Пэ Балтитко Романи чиб (Романэс) 2019

⁵ Палдава́, со исын дывэ́с, ко́ли на джинэ́на, со тэ кэрэ́н, ко́ли пхагирэна саро́ и ґаздэ́лапэ го́дла пэ до́ло дыкхибнаскиро Ра́стыр-Дэвлэ́стыр. Пхагирэна ва́нта, и ґаздэ́лапэ го́дла пэ бэ́рги.

Biblija - Pe Baltitko Romani čib (Romanes) 2019

⁵ Paldavá, so isyn dyvés, kóli na džinéna, so te kerén, kóli phagirena saró i ĥazdélape gódla pe dólo dykhibnaskiro Rástyr-Devléstyr. Phagirena vánta, i ĥazdélape gódla pe bérgi.

Isajos 22:5 Referans Kwoze

Luka 23:30

Тэды ёнэ явэ́на тэ ракирэ́н бэргэнгэ: ‘Пэрэн пэ амэ́ндэ’, и бэргицэнгэ: Ѓаравэн амэн;’”

Mihiejo 7:4

Най фэдэды́р ману́ш лэ́ндыр исын сы́рбы канрало хру́сто, а най чачунэдыр ману́ш исын вострэдыр (чолалэдыр) тыностыр пхусадытконэ хрустэндыр; явдя́ дывэ́с Тырэ́-ракхибнарьенгиро, со Ту явэ́са тэ сэндинэс, акана́ явэ́ла лэ́нгиро конфузо (бу́нто).

Roiben 1:5

Лэ́скирэ намала ячнэ́ рая (ранца), лэ́скирэ вэ́рги зяинэна миштыпнаса, пал-дова́ со Рай Дэвэ́л притасадя Сионоскирэ манушэ́н пир дова́, со ёнэ кэрдэ́ бут чорипэ́н. Лэ́скирэ чхаворэ́ гинэ́ дро пле́но анги́л намалэстэ.

Isajos 37:3

И ёнэ пхэндлэ́ лэ́скэ: “Адя́кэ ракирэ́ла Езэки́я: ‘Бибахтало́ исын дывэ́с, дывэ́с, ко́ли явнэ́ би́да, ка́ра и ладжаипэ́н, сы́рбы, ке́ли чхаворэ́ камэ́на тэ выджа́н да́кирэ лочовя́тыр, нэ нанэ зор датэ тэ биянэ́л.

Isajos 10:6

Мэ бичхава́ва лэс пэ грэхоскиро народо, пэ народо, со прилыя́ Мири́ холы́; Мэ да́ва лэ́скэ припхэныбэ́н, соб (кай) тэ чорэл барэ́ чорибнаса, соб (кай) тэ дорэсэл дорэсыбэ́н, соб (кай) тэ кэрэ́л далэ́ народо́стыр бла́та пэ вули́ца (га́са).

Osija 10:8

И адя́кэ-паць явэ́на розмардэ пэ котэра́ вучэ́ штэ́ты пэ Авено, грэ́хо Израилёскиро. Хру́сты сувьенца и жылта хру́сты пхусаденца выбарьёна пэ лэ́нгирэ алта́ри; ёнэ пхэнэ́на бэргэнгэ: ‘Чхакирэн амэн,’ и бэргицэнгэ: ‘Пэрэн пэ амэ́ндэ.’

Roiben 2:2

Рай Дэвэ́л хасякирдя́ и на потангиндя сарэ́ Яково́скирэ кхэра́: Ёв чхурдыя́ тэлэ́ холя́тыр Юдэя́кирэ-чхакирэ тва́рдыми [зоралэ́ штэ́ты-р.с.], Ёв пхагирдя́ сарэ́са лэн пэ пхув, Ёв чхудя́ магирипэ́н пэ кралипэ́н и лэ́скирэ тхагарьендэ.

Ереме́ё 30:7

Пэ биба́хт (бари би́да), явэ́ла баро́ дава́ дывэ́с, со буты́р дасаво нанэ и на явэ́ла, И адя́кэ-паць явэ́ла пхаро́ Яково́скэ, нэ ёв явэ́ла зракхно;

Isajos 22:1

Ангилпхэныбэ́н пал до́ло [фэ́лда-ю.о.], кай сыс дыкхибэ́н. – Со ту́са, фо́ро, со ту саро́ ґаздыянпэ пэ стрэ́ха (чхаки́н) [кхэр-р.с.]?

Матфеё 24:16

тэды кодолэ́, савэ́ исын дрэ Юдэ́я, мэк тэ нашэ́н дрэ бэ́рги;

Isajos 25:10

Васт Ра́скирэ-Дэвлэ́скиро пасёла пэ дая́ бэ́рга и Моа́во явэ́ла домардо пэ пэ́скиро штэ́то, сыр пхус змарэна ґэрэ́нца дро гнэё.

Isajos 5:5

Палдава́ пхэна́ва тумэ́нгэ, со кэра́ва Мэ Мирэ́ винаградникоса: Мэ лав Пэ́скэ лэ́стыр тыно, и явэ́ла ёв чхучо́, Мэ роспхагирава лэ́скирэ ва́нты, и явэ́на тэ пхагирэн лэс.

Ester 3:15

Мануша́, савэ́н бичхадэ́, сы́гэс гинэ́ крали́скирэ припхэныбнаса, и упхэныбэ́н сыс пхэндло́ и дрэ крали́скири фэлатин Сузы. И кра́ли и Ама́но сыс бэштэ́ и пинэ́, а фо́ро Сузы сыс дрэ баро́ пиридживипэн.

4 Kralip 25:10

И ва́нты трусця́л (кругом) Ерусалимо роспхагирдэ́ Халдеёскирэ халадэ́, савэ́ сыс тэл барыдырэстэ пэ ракхибнарье́ндэ.

4 Kralip 19:3

И ёнэ пхэндлэ́ лэ́скэ: “Адя́кэ ракирэ́ла Езэки́я: ‘Дава́ дывэ́с исын дывэ́с ваш ту́га и ваш напхэныбэн и ваш ладжаипэ́н пхаро́, и кало́, и ладжакирдо́; пал-дова́ со догинэ́ тыкнэмаса кэ кула (выгиибэн) дрэ лочови́ (утроба) дае́нгири, а тэ биянэ́л джувля́кэ нанэ зор.

Isajos 63:3

“Мэ тасадём ґэрэ́нца екхджино́, на сыс Ма́нца нико́н народо́стыр. Мэ тасадём лэн дрэ Мири́ холы́, дро Миро холямипэн, Мэ пэ лэ́ндэ ґаздаваспэ; лэ́нгиро рат прочхудяпэ пэ Мирэ́ и́ди, Мэ замакхцём саро́ Пэ́скиро урибэ́н.

Isajos 63:6

Тэл ґэра́ Мэ чхудём народы дрэ Мири́ холы́, хасякирдём лэн дэ Мири́ холы́, и вычхудём пэ пхув лэ́нгиро рат.”

Езэкилё 7:7

Явдя́ тыри́ кирки до́ля кэ ту, ману́ш, саво́ дживэ́ла пэ пхув! Явэ́ла часо (цы́ро), джа́ла пхаро́ дывэ́с, на явэ́ла тэ розмэкэлпэ ра́дыма пэ бэ́рги.

Софония 1:15

Дава́ Дывэ́с явэ́ла сыр барэ́-холынакиро дывэ́с; пхаро́ и трашано дывэ́с; дывэ́с, ке́ли пэ пхув ячэ́на руи́ны и голоты́ня: дывэ́с кало́ и цёмно, дава́ дывэ́с явэ́ла обчхудо облокэ́нца и ґэнстонэ цямлыпнаса;

Roiben 2:8

Рай Дэвэ́л придуминдэ тэ хасякирэ́л Сионоскирэ-Чхакири ва́нта: Ёв диндькирдя шэло, Ёв на обрикирдя Пэ́скиро васт, соб (кай) тэ на хасякирэ́л, Ёв кэрдя́ адя́кэ, со вало и ва́нта лынэ́ тэ ровэ́н тугатыр, и исын паштэ́ котэрэнца кхэтанэ́.