Isajos 22:4 - Библия - Пэ Балтитко Романи чиб (Романэс) 2019

⁴ Палдава́ Мэ, Исаё, ракира́ва: ‘Ячкирэн ман, мэ ла́ва тэ ровав киркэ ясвэ́нца, на подрикирэн ман, ко́ли обчхорды исын чхай мирэ́-народоскири.’

Biblija - Pe Baltitko Romani čib (Romanes) 2019

⁴ Paldavá Me, Isajo, rakiráva: ‘Jačkiren man, me láva te rovav kirke jasvénca, na podrikiren man, kóli občhordy isyn čhaj miré-narodoskiri.’

Isajos 22:4 Referans Kwoze

Ереме́ё 9:1

О, тэ явэ́л Миро шэро́ пхэрдо́ панингэнца, соб (кай) тэ явэ́н Мирэ́ якха́ сы́рбы ясвэнгири ґаны́нг, соб (кай) Мэ могинавас тэ ровав дывэ́с и рат пал Мирэ́-манушэ́нгиро-чхакиро хасибэ́н.

Матфеё 2:18

“Зан (глос) сыс шундлы дрэ Ра́ма, роибэ́н, ясва и бари годлыма; Рахи́ль ровэла пал пэ́скирэ биятэндэ, ёй на камэ́ла, соб (кай) тэ подрикирэн ла, пал-дова́ со лэн нанэ буты́р.”

Mihiejo 1:8

Палдава́ мэ, Михеё, ява́ва тэ обровав и тэ тугинав ясвэ́нца, мэ джа́ва обрискирдо и нанго; Мэ ява́ва и тэ выинав сыр шакалы, и тэ тугинав ровибнаса сыр страусы.

Ереме́ё 31:15

‘Акэ, со ракирэ́ла Рай Дэвэ́л: “Зан шунэлапэ дрэ Ра́ма, зоралэ́ и киркэ ровибнаса. Э Рахи́ль ровэла пал ла́кирэ биятэндэ, ёй на камэ́ла, соб (кай) тэ подрикирэн ла́киро ду́хо (фа́но), пал-дова́ со ла́тэ нанэ буты́р биятэ́н.”

Ереме́ё 13:17

Нэ ко́ли тумэ́ на явэ́на тэ кандэ́н дава́, то тэды мэ, Ереме́ё, ява́ва тэ ровав дрэ гарадэ́ штэ́ты пал тумаро́ пхутькирибэ́н, и мирэ́ якха́ явэ́на тэ ровэ́н киркэс, пал-дова́ со Ра́скирэ-Дэвлэ́скиро ґурто лыджино криг дрэ наволя (пле́но).

Psalmy 77:2

Мири́ зан исын кэ Дэвэ́л и мэ ява́ва тэ ґодлав кэ Дэвэ́л мирэ́ заня́са и Ёв шунэ́ла ман.

Luka 19:41

И ке́ли Ёв явдя́ пашылэды́р кэ фо́ро, дыкхця́ пэ лэ́стэ и зарондя,

Luka 1:2

ёнэ уджиндлэ́ манушэ́ндыр, савэ́ пэ́рва дыкхнэ́ дова́ пэ́скирэ якхэ́нца и служындлэ (дынариндлэ́) ваш Дэвлэ́скиро лав, адя́кэ ёнэ пирипхэндлэ амэ́нгэ.

Матфеё 26:75

И пририпирдя Пэ́три Исусо́скиро лав; сыр Ёв пхэндя́: “Анги́л, сыр пробагала башно, ту трин мо́лы отпхэнэсапэ Ма́ндыр” И гии яври́, ёв рондя́ киркэс.

Ереме́ё 8:18

Мэ, Ереме́ё, подрикирава миро ду́хо (фа́но), ке́ли мэ тугинава, миро ило́ нашавэла зор андрэ́ ма́ндэ.

Ереме́ё 6:26

“Мирэ́-манушэ́нгири чхаё, чхув пэ пэ́стэ жалобно гоно́, и катынпэ дрэ пра́ска! Зоралэ́с тугин сы́рбы пал екхорэ чхаворэстэ, киркэс обров пал-дова́ со екха́тыр пэрэ́ла (явэ́ла) пэ амэ́ндэ замарибнари”, – пхэндя́ Рай Дэвэ́л.

Ереме́ё 4:19

Миро ди калёла! Миро ди калёла, саро́ миро ило́ дукхала тугатыр! Сыр издрала миро ило́ роибнастыр, ма́нгэ нашты́ тэ явав штыл, пал-дова́ со ту шунэса, миро ди, сыр башавэла ро́го (труба), сыр дэ́на го́дла, кай джа́ла марибэ́н.

Isajos 33:7

Акэ, лэ́нгирэ зоралэ́ мурша́ годлэна пэ вули́цы (га́сы); бичхадэ́ ваш рама́нё (миро) ровэна киркэ ясвэ́нца.

Isajos 15:3

Пэ вули́цы (га́сы) лэ́нгирэ обпхандэнапэ балытконэ гонэса, пэ лэ́нгирэ барэ́ дрома́ [пэ форуня́-р.с.] и пэ стрэхи сарэ́ ровэна, саро́ исын дрэ ясва.

Ереме́ё 9:18

Мэк тэ явэ́н ёнэ сыгэды́р, и мэ тэ ґаздэ́н ёнэ роибэ́н пал амэ́ндэ адя́кэ, соб (кай) тэ прастан (тэ чхувэнпэ) ясва амарэ́ якхэ́ндыр, и соб (кай) амарэ́ цымблэндыр тэ тхадэн (чхувэнпэ) паня́.

Roiben 2:11

Миря якха́ хасёна ясвэндыр, саро́ андра́л ма́ндэ исын дрэ траш, миро кало́ буко (печонка) чхувэ́лапэ яври́ пэ пхув, пир-дова́ со хасёна мирэ́ – манушэ́нгири чхай, пал-дова́ со чхаворэ́ и бияты нашавэна зор пэ вули́цы (га́сы) дро фо́ро.

Езэкилё 27:31

Ёнэ обчхинэна пэ́скирэ бала́ сарэ́са пал ту́тэ, урьена пэ пэ́стэ балытка гонэ́ праскаса, и заровэна пал ту́тэ илэ́скирэ дукхатыр барэ́ роибнаса.

Ester 4:1

Ке́ли Мардохе́ё уджиндя́ саро́, со кэрдя́пэ, ёв роскустя пэ́скирэ и́ди, и чхудя́ пэ пэ́стэ балытко гоно́ (вре́тишчо) и пра́ска; и ёв выгия́ пэ машкира́л фо́ро барэ́ и кирконэ ясвэ́нца, и задыя го́дла.

Езэкилё 21:11

Мэ дыём тэ жужакирэн (тэ вычыстинэн) ла, соб (кай) тэ лав ла дро васт; кадая́ курта́ла кэрды востро (чолалы), жужакирды, соб (кай) тэ лэл ла мулякирибнарискиро васт.