Isajos 21:8 - Библия - Пэ Балтитко Романи чиб (Романэс) 2019

⁸ И загодлыя сыр шчэр (ле́во): “Раё миро! Мэ ракхавас саро́ дывэ́с, и ратенца пэ миро штэ́то мэ ячаваспэ.

Biblija - Pe Baltitko Romani čib (Romanes) 2019

⁸ I zagodlyja syr ščer (liévo): “Rajo miro! Me rakhavas saró dyvés, i ratienca pe miro štéto me jačavaspe.

Isajos 21:8 Referans Kwoze

1 Petr 5:8

Явэ́н трезва (ны́рна), ракхэ́нпэ. Тумаро вэ́рго, на́лачхо, псирэ́ла сыр шчэр (ле́во), саво́ рыкинэла и родэ́ла, конэ́с тэ хал.

Ереме́ё 50:44

Акэ, вэ́рго Вавилоно́скиро, явэ́ла сыр шчэр (ле́во) Иорданоскирэ бэргицэндыр [хашчатыр/логовостыр-ю.о.] проти зорьякирдэ кхэратунэ штэ́ты, нэ Мэ кэра́ва адя́кэ, со ёв екха́тыр нашэла криг Вавилоно́стыр. Кон исын одова́ выкэдыно ману́ш, соб (кай) Мэ сашты́ (могинавас) тэ ґаздав лэс упрэ́ пэ лэ́стэ? Кон исын кадасаво́ сыр сом Мэ? Кон исын муршкано́ тэ пхучэлпэ Ма́ндыр отпхэныбэ́н? И кон исын адасаво́ чхупна́ри (пастырё), саво́ явэ́ла тэ тэрдёл проти Ма́ндэ?’”

Ереме́ё 49:19

Акэ, о Навуходоносо́ро ґаздэ́лапэ сыр шчэр (ле́во) Иорданоскирэ бэргицэндыр проти зорьякирдэ кхэратунэ штэ́ты, и Мэ зачхувава Эдо́мо тэ нашэ́л лэ́скирэ штэтэ́ндыр. И кон исын выкэдыно ману́ш, савэ́с Мэ ґаздыём упрэ́ пэ лэ́ндэ? Пал-дова́ со кон исын адасаво́ сыр Мэ сом? И кон пхучэлапэ отпхэныбэ́н Ма́ндыр? Кон выкхарэла Ман? И кон исын адасаво́ чхупна́ри (пастырё), кон дэ́ла ра́да тэ тэрдёл анги́л Ма́ндэ?

Ереме́ё 25:38

Ёв мэкця́ Пэ́скирэ манушэ́н сы́рбы шчэр (ле́во) пэ́скири гаравипнаскири (логово), палдова́ лэ́нгири пхув яця́ чхучи́ пир дова́, со вэ́рго исын древа́н мижэх и пал Раскири-Дэвлэ́скири бари холы́.”

Ереме́ё 4:7

Шчэр (ле́во) выджа́ла пэ́скирэ хашчатыр и хасякирибнаскиро пэ Наюдытконэ́ манушэ́ндэ: ёв джа́ла пэ́скирэ, штэто́стыр тэ чхучакирэл Юдэякири пхув, соб (кай) фо́рья дрэ Юдэ́я тэ явэ́н чхучэ́, би манушэ́нгиро.

Isajos 62:6

Ерусалимо! Мэ чхудём пэ тырэ́ ва́нты ракхибнарьен, савэ́ ни дывэсэ́ ни раты́ на пириячэна тэ пхэнэ́н лав. Тумэ́, кон пхэнэ́ла пал Дэвлэ́стэ, на пириячэн тэ ракирэ́н!

Isajos 56:10

Лэ́нгирэ ракхибна́рья сарэ́ рискирибна́скирэ исын корорэ́ и бура (нахрата) мануша́ насыклякирдэ; сарэ́ ёнэ сы́рбы джукэла бичибакирэ, джукэла, савэ́ на башэна, джукэла насвалэ, лэн тырдэла тэ совэн.

Isajos 5:29

Годлэла ёв, сыр шчэрица (левица), годлэла сыр шчэр (ле́во); загодлэла, ухтылэ́ла дорэсыбэ́н, и нико́н на отлэла.

Psalmy 127:1

Гилы́ анги́л Кхангири́. Соломоно́скири. Ко́ли Рай Дэвэ́л тэ на ґаздэл Кокоро́ Кхэр, ивья́ (напра́снэс) тэды кэрэ́нас буты́ одолэ́, савэ́ чхувэ́на лэс; ко́ли Рай Дэвэ́л тэ на ракхэлас фо́ро, тэды стрэгари (охранико), саво́ ракхэ́ла, ивья́ кэрэ́лас дава́.

Psalmy 63:6

Миро ди явэ́ла чалы сы́рбы чэкэнэса (тукоса) и тхулыпнаса и мирэ́ ушта́ явэ́на тэ славинэ́н Тут обрадындлэ заня́са,

2 Паралипоменоно 20:24

И ке́ли Юды (Юдэя́кирэ мануша́) явнэ́ пэ вучипэ́н пэ чхучи́ пхув и дыкхнэ́ пэ одолэ́ древа́н бутэ́ манушэ́ндэ, и ґа́да – тру́пы, савэ́ сыс паштэ́ пэ пхув, и нанэ никонэ́с, соб (кай) тэ зракхэлпэ.