Isajos 21:5 - Библия - Пэ Балтитко Романи чиб (Романэс) 2019

⁵ Кэрэ́на сками́нд, росчхувэна похтана, ха́на, пьена. Уштэ́н, раёлэ-тхага́рья, выджа́н по марибэ́н!

Biblija - Pe Baltitko Romani čib (Romanes) 2019

⁵ Keréna skamínd, rosčhuvena pohtana, xána, p'jena. Uštén, rajole-thagárja, vydžán po maribén!

Isajos 21:5 Referans Kwoze

Ереме́ё 51:57

Мэ, Рай Дэвэ́л, матякирава лэ́нгирэ тхагарье́н и манушэ́н, кон дэ́ла годы́, лэ́нгирэ-тхэмэ́скирэ барыдырэ́н, лэ́нгирэ барэ́ ран, и лэ́нгирэ халадэ́н: и ёнэ явэ́на тэ совэн ве́чнэс, и ёнэ на джангадёна (на прошнинэнапэ)”, – ракирэ́ла о Кра́ли, Лэ́скиро Лав исын болыбна́скирэ-янголэ́нгиро Рай Дэвэ́л.

Ереме́ё 51:39

Сыр лэ́нгиро ду́хо (фа́но) ґаздэ́лапэ, Мэ кэра́ва лэ́нгэ свэ́нко и Мэ матякирава лэн, соб (кай) ёнэ тэ радынэ́нпэ зоралэ́с и тэ совэн саро́ ве́ко и тэ на джангадён (тэ на просовэнпэ)”, ракирэ́ла Рай Дэвэ́л.

1 Коринфянэнгэ 15:32

Ко́ли мэ пир манушы́тко годы́ мериндёмпэ зорья́са рискирибна́скирэ мурдалэ́нца дро Ефесо, тэды сави́ исын льго́та (ко́фо) ма́нгэ, ко́ли мулэ́ мануша́ на отджидёна? А ко́ли исын адя́кэ, со ж тэды джа́са тэ хас и тэ пьяс, пал-дова́ со усае́кх амэ мэраса атася́.

Ереме́ё 51:11

Войстринэн (дэн чол) марибны́тка бустя́ (стре́лы) тэ зяинэн, О Рай Дэвэ́л ґаздыя́ ду́хо (фа́но) Мидиякирэ кралье́нгэ. Пал-дова́ со Ёв придуминдя тэ хасякирэ́л Вавило́но. О Рай Дэвэ́л дукхавэла палэ, Ёв отдэ́ла палэ пал Лэ́скири Кхангири́.

Isajos 13:2

Ѓаздэн сцяго (прикхарибэн) пэ откэрды бэ́рга, годлэн, сыкавэ́н лэ́нгэ вастэ́са, соб (кай) ёнэ тэ джа́н дрэ рангири по́рта (вра́ты).

2 Kralip 1:21

Бэ́рги Гелвуякирэ! Мэк тэ на зджал ни роса (пахлын), ни брышы́нд пэ тумэ́ндэ, и, мэк тэ на явэ́л пэ тумэ́ндэ фэ́лды баритконэнца (плодэнца), пал-дова́ со одо́й чхурдыно́ шчы́то зоралэнгиро Саулоскиро, шчы́то, сыр бы ёв тэ на явэ́л помакхно елеёса.

Ереме́ё 46:3

“Кэрэ́н шчы́ты и чхурдыпнытка бустя́ (коп΄и) и джа́н пашылэды́р кэ марибэ́н!