Isajos 21:16 - Библия - Пэ Балтитко Романи чиб (Романэс) 2019

¹⁶ Адя́кэ пхэндя́ ма́нгэ Рай-Дэвэ́л: “Ишчо (инкэ́) бэрш дасаво, сыр бэрш бутяристэ (бутярнэстэ), саво́ кэрэ́ла буты́ пал ловэ́, и саро́ барипэ́н Кидароскиро хасёла.

Biblija - Pe Baltitko Romani čib (Romanes) 2019

¹⁶ Adiáke phendiá mánge Raj-Devél: “Iščo (inké) berš dasavo, syr berš butiariste (butiarneste), savó keréla butý pal lové, i saró baripén Kidaroskiro xasjola.

Isajos 21:16 Referans Kwoze

Isajos 60:7

Сарэ́ Кидароскирэ бакрэ́ скэдынэ́ явэ́на кэ ту; Неваифоскирэ бакрэ́ явэ́на тэ дынаринэ́н ту́кэ; джа́на упрэ́ пэ алта́рё Миро лачхэ́ свэнтонэ́ дыибнаса, и Мэ прославинава кхэр Мирэ́ барипнаса.

Isajos 16:14

Нэ акана́, акэ, со Рай Дэвэ́л пхэндя́: “Пир далэ́ трин бэрша́ сы́рбы бутярнэстэ, конэ́с лынэ́ пэ буты́, бут мануша́ явэ́на тэ дыкхэ́н вучипна́са пэ сла́ва Моавоскири, и на́бут бизорья́кирэ мануша́ ячэ́напэ.”

Psalmy 120:5

Бида ма́нгэ, со мэ сом манушэ́нца кэ Масохо, со мэ джива́ва машки́р Кедароскирэ ша́тры.

Езэкилё 27:21

Аравия, сарэ́ Кидароскирэ тхага́рья, парувэнас ту́са: парувэнас бакрорьенца, бакрэнца, бузнэнца (козлэнца).

Гиленгири (Соломоно́скири) Гилы́ 1:5

Ерусалимо́скирэ чхая́лэ! Мэ сом цьмяно, нэ мэ сом шукарни джувлы́, мэ сом сыр Кидароскирэ ша́тры, мэ сом сыр зачхудэ (завесы) Соломоно́скирэ.

Ереме́ё 49:28

Пал Кидаро и пал кралипэна́ Асороскирэ, савэ́ о Навуходоносо́ро, кра́ли Вавилоно́скиро, розмардя́. Адя́кэ ракирэ́ла Рай Дэвэ́л: “Уштэ́н, джа́н упрэ́ проти Кидаро и лучкирэн манушэ́н [чхавэ́н-р.с.] вастоко́стыр.

Isajos 42:11

Мэк тэ ґаздэл пэ́скири зан чхучи́ пхув ла́кирэ форьенца, кай Кидаро дживэ́ла; мэк тэ радынэ́нпэ одолэ́, кон дживэ́ла пэ бэ́рги, мэк тэ шарэ́н бэргакирэ упралыпнастыр!

Džiibén 25:13

и, ґа́да, Измаилоскирэ-чхавэ́нгирэ лава́, пир лэ́нгиро ро́до, акэ, лэ́нгирэ лава́: англатуно́ Измаилоскиро сыс Наваёфо, пал лэ́стэ Кедаро, Адбее́ло, Мивсамо,

Ióvo 7:1

Ци манушэ́скиро джиибэ́н нанэ саро́ дрэ пхари́ буты́ пэ дая́ пхув? Ци манушэ́скирэ дывэса́ исын на сы́рбы андынаршчыкоскирэ (поробкоскирэ) дывэса́?

1 Паралипоменоно 1:29

Ѓа́да, исын лэ́нгиро ро́до: англатуно́ Измаилоскиро Наваиофо, пал лэ́стэ Кедаро, Адбее́ло, Мивсамо,

Ереме́ё 2:10

Джа́н пал Хитимоскирэ островы, бичхавэн манушэ́н пэ Кидаро и обдуминэн миштэ́с, ци сыс вари-со кадасаво́, сыр кэрдэ́ мануша́: