Isajos 21:10 - Библия - Пэ Балтитко Романи чиб (Романэс) 2019

¹⁰ О, домардо миро, чхаво́ мирэ́ фэлдатыр! Со шундём Ра́стыр-Дэвлэ́стыр, болыбна́скирэ-янголэнгирэстыр, Израилёскирэ Дэвлэ́стыр, дова́ и пхэндём мэ тумэ́нгэ.

Biblija - Pe Baltitko Romani čib (Romanes) 2019

¹⁰ O, domardo miro, čhavó miré feldatyr! So šundjom Rástyr-Devléstyr, bolybnáskire-jangolengirestyr, Izrailjoskire Devléstyr, dová i phendjom me tuménge.

Isajos 21:10 Referans Kwoze

Ереме́ё 51:33

Ѓа́да, исын лав, со ракирэ́ла болыбна́скирэ-янголэ́нгиро Рай Дэвэ́л, Дэвэ́л Израилёскиро: “Чхай Вавилоноскири исын сы́рбы гиваобкэрибнаскири шу́рна, ке́ли исын пора тэ укэдэн [штакирэн-ю.о.] гив: нэ ишчо (инкэ́) на́бут и явэ́ла часо тэ счхинэн (укэдэн) ла́кирэ гива́.”

Mihiejo 4:13

“‘Газдэпэ и обкэр гив, о чхаё Сионо́скири, пал-дова́ со Мэ кэра́ва ту́кэ саструно шынг (ро́го), и Мэ кэра́ва ту́кэ харкунэ́ (меди́тка) ная (копыты), и ту розмарэса пэ котэра́ бут манушы́тка на́цыи,’ и ту отдэса сыр обсвэнцындлэ лэ́нгиро дорэсыбэ́н Ра́скэ-Дэвлэ́скэ, со ёнэ лынэ́ явирэндыр, и лэ́нгиро миштыпэ́н Барэ́ Ра́скэ пир сари́ пхув.”

Матфеё 3:12

Лэ́скиро ґанадытко (лопата) исын дрэ Лэ́скиро васт, и Ёв жужакирэла (чыстинэла) Пэ́скиро шу́рна и скэдэ́ла Пэ́скиро парно́ гив дрэ пиралы́, а пхус хачкирэ́ла яга́са, сави́ на мурдёла.”

4 Kralip 13:7

Иоахазостэ яця́пэ халадэ́н екх пандждэша́ мануша́, савэ́ сыс уклистэ́ пэ грэ́ндэ, дэш марибны́тка вурдына́ и дэш тысёнцы мануша́, савэ́ сыс пэзал, пал-дова́ со вымардя лэн Сирия́киро кра́ли и кэрдя́ лэ́ндыр пра́хо тэ штакирэн ґэрэ́нца.

Avakumo 3:12

Ту ги́ян сы́рбы халадыбэ́н пир пхув дрэ холы́, Ту штакирдян манушы́тка ро́ды дрэ нарадыма.

3 Kralip 22:14

И пхэндя́ Михе́ё: “Тэ явэ́л джидо́ пэ ве́ки Рай Дэвэ́л! Мэ пхэна́ва дова́, со пхэнэ́ла ма́нгэ Рай Дэвэ́л.”

Езэкилё 40:4

И пхэндя́ ма́нгэ адава́ ману́ш: “‘Чхаво́ манушэ́скиро! Дыкх пэ́скрэ якхэ́нца и шун пэ́скрэ канэнца, и прилэ́ илэ́са саро́, со Мэ ява́ва тэ сыкавав ту́кэ, пал-дова́ со тут яндлэ́ ваш одова́, соб (кай) мэ тэ сыкавав ту́кэ дава́ саро́, со ту дыкхэ́са, пхэн зоралэ́с Израилёскирэ кхэрэ́скэ.”

Isajos 28:28

Вымелинэна маро́, нэ на розмарэна лэс и лыджа́на пир лэ́стэ обмарибнытка ро́ты лэ́нгирэ грэнца и на роскхосэна (на ростринскирэна) лэс.

Ереме́ё 23:28

О проро́ко, савэ́стэ исын суно́, мэк ёв тэ роспхэнэл суно́, нэ кодова́, савэ́стэ исын Миро лав, мэк ёв тэ роспхэнэл Миро лав чачунэ́с. Саво́ исын кхэтаныпэн машки́р пхус и зя́рка?” – ракирэ́ла Рай Дэвэ́л.

Amoso 3:8

Шчэр лыя́ тэ рыкинэл – кон на явэ́ла тэ дарэл? О Рай Дэвэ́л пхэндя́ – кон на явэ́ла тэ ангилпхэнэл?