Isajos 20:6 - Библия - Пэ Балтитко Романи чиб (Романэс) 2019

⁶ И пхэнэ́на дро дова́ дывэ́с мануша́, савэ́ одо́й дживэ́нас: “Акэ, савэ́ исын одолэ́, пэ конэ́стэ исыс амари́ наде́я, кэ кон прастандыям пал подрикирибэ́н, соб (кай) тэ зракхаспэ Асирия́кирэ крали́стыр! И сы́рбы амэ зракхасапэ?”

Biblija - Pe Baltitko Romani čib (Romanes) 2019

⁶ I phenéna dro dová dyvés manušá, savé odój dživénas: “Ake, savé isyn odolé, pe konéste isys amarí nadiéia, ke kon prastandyjam pal podrikiribén, sob (kaj) te zrakhaspe Asirijákire kralístyr! I sýrby ame zrakhasape?”

Isajos 20:6 Referans Kwoze

Юдэ́нгэ 2:3

нэ сыр тэды амэ менинаса ка́ра, ко́ли амэ на приласа илэ́са дасаво баро́ зракхибэ́н, саво́ англэды́р пхэндя́ Дэвэ́л, и допхэндлэ амэ́нгэ одолэ́, кон кокоро́ шундя́ Лэ́стыр;

1 Фесалоникийцэнгэ 5:3

Ке́ли мануша́ явэ́на тэ ракирэ́н: “Рама́нё исын и на трэй тэ дарэс ни со́стыр”, сыр екха́тыр (сра́зу) явэ́ла пэ лэ́ндэ хасибэ́н, сыр дукха́ джувля́тэ, сави́ мэнчынэлапэ, ке́ли биянэ́ла тыкнэ́ биято́с, и нико́н лэ́ндыр на менинэла хасибэ́н.

Матфеё 23:33

Тумэ́ сан сапа, ро́до сапитко, сыр тумэ́нгэ тэ нашэ́н сэндостыр дро лю́но (адо)?

Ереме́ё 47:4

Пал-дова́ со явэ́ла дывэ́с тэ вымарэн сарэ́ Филистимлянэн, тэ ячкирэн Ти́ро и Сидоно сарэ́са би помогибнаскиро, савэ́ ячэ́напэ. Рай Дэвэ́л ячкирэ́ла нисоса Филистимлянэн, савэ́ ячнэ́пэ островостыр Кафторостыр.

Isajos 28:17

Мэ кэра́ва адя́кэ, со явэ́на тэ меринэн сэндоса и чачипна́са; бара́ хасякирэна штэ́то, кай хохаибэ́н гарадяпэ, пани́ зачхувэла дава́ штэ́то.

Isajos 10:3

Со тумэ́ явэ́на тэ кэрэ́н дро дывэ́с, саво́ явэ́ла, ко́ли явэ́ла дура́л тумаро́ хасибэ́н? Кэ кон подджана тумэ́ тэ подэн васт, кай ячкирэна тумаро́ барвалыпэ́н?

Ióvo 22:30

И адя́кэ-паць Ёв выракхэла и кодолэ́н, кон исын бибангипнаскирэ, и Ёв выракхэла тумэн, ко́ли тумэ́ндэ нанэ банг (вина) пэ васта́”

Ióvo 6:20

ёнэ ладжана пэ́скирэ патяибнастыр; ёнэ явэ́на одо́й, и лэ́ндэ саро́ пирипэнтындяпэ дрэ годы́.

Ереме́ё 4:30

И ту, росчордо Ерусалимо, со ту явэ́са тэ кэрэ́с? Мэк ту и тэ урье́спэ дро куч лоло́ плашчо, мэк ту и тэ шукарьякирэс пэс гожонэ вянкэнца сувнака́стыр, мэк ту и тэ подмакхэс пэ́скирэ якха́ макхлуняса (краскаса), нэ ивья́ (напра́снэс) ту саро́ гожакирэса пэс, Тырэ́ дро́га мала́ дыкхэ́на вучипна́стыр пэ ту́тэ, ёнэ родэ́на тэ мулякирэ́н тут.

Ереме́ё 30:1

Лав, саво́ явдя́ кэ Ереме́ё, Ра́стыр-Дэвлэ́стыр, ракири́:

Ереме́ё 30:7

Пэ биба́хт (бари би́да), явэ́ла баро́ дава́ дывэ́с, со буты́р дасаво нанэ и на явэ́ла, И адя́кэ-паць явэ́ла пхаро́ Яково́скэ, нэ ёв явэ́ла зракхно;

Ереме́ё 31:1

“Дро долэ́ дывэса́’, – ракирэ́ла Рай Дэвэ́л,’ – Мэ ява́ва Дэвэ́л ваш сарэ́ кхэри́тка ро́ды (пле́ми) Израилёстыр и ёнэ явэ́на Мирэ́ мануша́.”