Isajos 20:3 - Библия - Пэ Балтитко Романи чиб (Романэс) 2019

³ И пхэндя́ Рай Дэвэ́л: “Сыр Миро писха́ри (рабо) Исаё псирэлас нанго и пиранго трин бэрш, соб (кай) тэ сыкавэ́л и тэ дэл ангилпхэныбэ́н пал Еги́пто и Эфиопия,

Biblija - Pe Baltitko Romani čib (Romanes) 2019

³ I phendiá Raj Devél: “Syr Miro pishári (rabo) Isajo psirelas nango i pirango trin berš, sob (kaj) te sykavél i te del angilphenybén pal Jegípto i Efiopija,

Isajos 20:3 Referans Kwoze

Isajos 8:18

Акэ, мэ пэ́скирэ чхаворэнца, савэ́н дыя́ ма́нгэ Рай Дэвэ́л, сыр припхэныбэ́н и ангилпхэныбэ́н дро Израилё Ра́стыр-Дэвлэ́стыр, болыбна́скирэ-янголэскирэстыр, Саво́ дживэ́ла пэ бэ́рга Сио́но.

Isajos 43:3

Пал-дова́ со Мэ сом Рай Дэвэ́л, тыро́ Дэвэ́л, Свэ́нто Израилёскиро, Зракхибнари тыро́; Мэ Еги́пто, Ефиопия, Савея (Шэба) отдыём пал ту́тэ, соб (кай) тэ выкинав тут.

Isajos 37:9

И шундя́ ёв пал Тиргакостэ, Ефиопиякирэ крали́стэ. Лэ́скэ пхэндлэ́: “Акэ, ёв гия́ тэ марэ́лпэ ту́са.” Сыр ёв шундя́ дава́, то ёв бичхадя́ кэ Езэки́я и пхэндя́:

Čysly 14:34

пир штарэ́-дэшэнгиро-дывэсэнгиро прогиибэн, дрэ савэ́ тумэ́ обдыкхнэ пхув, тумэ́ лыджа́на ка́ра пал тумарэ́ грэ́хи штардэша́ бэрш, бэрш пал дывэ́с, соб (кай) тумэ́ тэ джинэ́н, со исын дасаво тэ явэ́н одолэнца манушэ́нца, савэ́н Мэ мэкцём.

Езэкилё 4:3

Лэ пэ́скэ саструны пхал и чхув ла сыр саструны ва́нта машки́р ту́тэ и машки́р фо́ро, и дыкх пэ фо́ро. Пэ фо́ро ґаздэ́напэ вэ́рги, а акана́ ту кэр, сыр ёнэ. Кадава́ явэ́ла ґерты́к (сыкаибэ́н) Израилёскирэ кхэрэ́скэ.

Езэкилё 12:6

Анги́л лэ́нгирэ якха́ лэ миштыпэ́н пэ псико́, лы́джа криг лэс раты́, закэр тыро́ муй, соб (кай) тэ на дыкхэ́с пхув, долэ́стыр, со Мэ чхудём тут ґертыкаса Израилёскирэ кхэрэ́скэ пал би́да.”

Езэкилё 30:6

Адя́кэ ракирэ́ла Рай Дэвэ́л, Дэвэ́л: “Пэрла Египто́скиро подрикирибэ́н, ёв на явэ́ла тэ пхутёл пэ́скирэ зорья́са, пэрла Лэ́скиро пхутькирибэ́н. Мигдолостыр кэ/ жы́ко Сиена явэ́на тэ пэрэ́н дрэ лэ́стэ куртала́тыр”, – пхэндя́ Рай Дэвэ́л, Дэвэ́л.

Заха́рия 3:8

Вышу́н, Ису́се, баро́ раша́й, ту и кхардэ́ пша́ла тырэ́, савэ́ бэшэна анги́л ту́тэ, мурша́, савэ́ исын славутна: акэ, Мэ лыджа́ва дынари́с Мирэс, отбарьякирибэн.

Isajos 19:4

И отда́ва Мэ Египтянэн дрэ захалэ крали́скирэ васта́; захало кра́ли явэ́ла хула́й лэ́нгиро”, – ракирэ́ла Рай Дэвэ́л, Рай Дэвэ́л, болыбна́скиро-янголэ́нгиро.

Ереме́ё 13:1

Адя́кэ пхэндя́ ма́нгэ Рай Дэвэ́л: “Джа́ и кин пэ́скэ кусты́к ґандладэстыр (лёностыр), и причху́в ла пашы́л пэ́скиро трушу́л (маса́); нэ на бол ла дрэ пани́.

Езэкилё 4:1

Ту, Манушэ́скиро чхаво́, лэ пэ́скэ кирпичо (цэгло), чхув лэс анги́л ту́тэ. Кэр пэ лэ́стэ чэртёжо (патри́н) фороскэ Ерусалимоскэ.

Езэкилё 30:4

Курта́ла явэ́ла пэ Еги́пто, траш явэ́ла дрэ Ефиопия, ко́ли явэ́на тэ пэрэ́н дро Еги́пто домардэ́ мануша́, ко́ли залэна лэ́скиро барвалыпэ́н, роспхагирэна лэ́скирэ фундаменты тэл ва́нты.

Софония 2:12

Тумэн, Эфиопы, адя́кэ-паць пэкавэла Мири́ курта́ла.