Isajos 2:8 - Библия - Пэ Балтитко Романи чиб (Романэс) 2019

⁸ Пхэрдия лэ́нгири пхув идолэнца: ёнэ мангэ́нпэ долэ́скэ, со кэрдэ́ лэ́нгирэ васта́, долэ́скэ, со кэрдэ́ лэ́нгирэ ангушта.

Biblija - Pe Baltitko Romani čib (Romanes) 2019

⁸ Pherdija léngiri phuv idolenca: jone mangénpe doléske, so kerdé léngire vastá, doléske, so kerdé léngire angušta.

Isajos 2:8 Referans Kwoze

Sykadyipén 9:20

И яви́р ману́ш, савэ́ на сыс мулякирдэ́ кадалэ́ франсэнца, аж на рискирдэ́ палэ долэ́стыр, со ёнэ кэрдэ́ пэ́скирэ вастэ́нца. Ёнэ на пириячнэ тэ бандякирэн шэрэ́ налачхэ́ духэнгэ, хоханэ́ дэвлэнгэ сувнака́стыр, рупэ́стыр и харкома́тыр, барэ́стыр и каштэ́стыр, савэ́ на могинэ́на ни тэ дыкхэ́н, ни тэ шунэ́н, ни тэ псирэ́н.

Ереме́ё 2:28

Нэ кай исын тумарэ́ дэвлорэ́, со тумэ́ кэрдэ́ ваш пэ́скэ? Мэк ёнэ тэ уштэ́н, и мэк ёнэ тэ зракхэн тумэн, сыр исын пхаро́ тумэ́нгэ! Пал-дова́ со ту́тэ, Юдэ́я, исын ада́кицы дэвлорэ́, кицы́ исын фо́рья!

Isajos 37:19

И чхурдынэ́ дрэ яг лэ́нгирэ дэвлорэ́, нэ далэ́ сыс на дэвэла́, а буты́, сави́ кэрдэ́ васта́ манушэ́скирэ, кашт и бар, палдава́ хасякирдэ́ лэн.

Apostolengiri Butý 17:16

И пака Па́вли ужакирдя лэн дрэ Афины, ёв дивиндяпэ и пиридживэлас, дыкхи́, со дро фо́ро сыс пхэрдо́ и́долы.

Osija 14:3

Лэн пэ́са мангипнытка лава́ и рисён палэ кэ Рай Дэвэ́л, ракирэ́н Лэ́скэ: “Отмэк амэ́нгэ саро́ чорипэ́н и прилэ́ амэн ласкаса, соб (кай) амэ́нгэ тэ янас свэ́нта дыибэна́ амарэ́ уштэндыр.”

Osija 13:2

Акана́ ёнэ кэрэ́на грэ́хи бутэды́р и барэды́р, и ёнэ кэрдэ́ ваш пэ́скэ вычхудэ́ муя́, и́долы рупэ́стыр пир пэ́скиро джиныбэ́н, сарэ́ кадалэ́ статулы кэрдэ́ графарья (спецы тэ рисынэн) дрэ вастытка бутя́. И ёнэ пхэнэ́на: ‘мэк мануша́, кон янэ́ла свэ́нто дыибэ́н, тэ чамудэн гуруворэ́н.’

Osija 12:11

На дыкхи́ пэ дова́, со Галаа́до кэрэ́ла намиштэс (и́долы) сыр Авено, и лэ́скирэ мануша́ ячэ́напэ (кончынэна) нисоса, на дыкхи́ пэ дава́, со ёнэ янэ́на гурувэ́н сыр свэ́нто дыибэ́н дро Гилгало, нэ лэ́нгирэ алтарьендыр явэ́на руи́ны машки́р лесьни фэлдэнгирэ.

Ереме́ё 11:13

Пал-дова́ со кицы́ исын ту́тэ тырэ́ фо́рья, Юдэ́я, ада́кицы ту́тэ исын тырэ́ дэвлорэ́; кицы́ исын вули́цы (га́сы) дро Ерусалимо, ада́кицы тумэ́ чхудэ́ алта́ри пэ ладж, алта́ри, соб (кай) тэ хачкирэ́н дро́га смо́лы Ваалоскэ.

Isajos 57:5

Савэ хачкирибнаса, тырдэнапэ кэ и́долы тэл кажно кашт барэ́ ранденца; савэ́ замарэна чхаворэ́н пашы́л сыгна рэкицы, машки́р бэ́рги.

Isajos 17:8

Ёв на явэ́ла тэ дыкхэ́л пэ алта́ри, со исын буты́ лэ́скирэ вастэнгири, ёв на явэ́ла тэ дэл паты́в, со кэрдэ́ лэ́скирэ ангушта (пальцы), ци пэ каштунэ и́долы Астартакирэ ци кхамитка (Ваалоскирэ).

2 Паралипоменоно 27:2

И кэрдя́ ёв лачхэ́с дрэ Ра́скирэ-Дэвлэ́скирэ якха́ адя́кэ-паць, сыр кэрдя́ Ози́я, лэ́скиро дад; екх со ёв на загия́ дрэ Ра́скирэ-Дэвлэ́скири Кхангири́; нэ и мануша́ на мэкнэ́ тэ кэрэ́н грэ́хи.

Яви́р Зако́но 4:28

И тумэ́ явэ́на одо́й тэ дынаринэ́н дэвлорэ́нгэ, савэ́ кэрдэ́ манушэ́нгирэ васта́ каштэ́стыр и барэстыр, савэ́ на дыкхэ́на и на шунэ́на, и на ха́на, и на сунгавэна.

Osija 8:6

И дава́ гуруворо адя́кэ-паць Израилёстыр: графа́ри (спецо тэ рисынэл) вычхиндя дава́, и палдава́ ёв исын на дэвэл. Кадава́ гуруворо Самариякиро явэ́ла пхагирдо́ пэ котэра́.

3 Kralip 16:7

Нэ пирда́л Иуёстэ, чхавэ́стэ Ананискирэстэ, анги́л сыс пхэндло́ лав Ра́скирэ-Дэвлэ́скиро пал Ваасастэ, и пал кхэр лэ́скиро, и пал саро́ фуипэ́н, саво́ ёв кэрдя́ анги́л якха́ Ра́скирэ-Дэвлэ́скирэ, холякири Лэс пэ́скирэ вастэнгирэ рэндэ́нца, ёв кэрдя́ дова́-паць со анги́л лэ́стэ кэрдя́ Еровоамоскири сэ́м΄я (ири́), палсо́ ёв замардо сыс.

Isajos 26:13

Раё Дэ́вла, Дэ́вла амаро́! Сыс кэ амэ и яви́р тхага́рья, нэ пир Ту́тэ амэ шарасас Тыро́ лав.

Isajos 40:19

Спецо тэ вычхинэл кэрэ́ла идоло, сувнакунари учхакирэ́ла лэс сувнака́са, прикэрэла кэ ёв руповэ зандирорья (цэпочки).

Isajos 41:29

Чачэс, ёнэ сарэ́ ничы́ на мол; лэ́нгирэ бутя́ нисо́, а лэ́нгирэ выбиладэ муя́ (истуканы), исын балва́л и чхучипэн.

Ереме́ё 1:16

И Мэ выпхэнава Миро пхаро́-сэндякирибэн пэ лэ́ндэ пал саро́ лэ́нгиро фуипэ́н, пал-дова́ со ёнэ ячкирдэ́ Ман, и ёнэ тхувлякирдэ дро́га смо́лы явирэ дэвлорорэнгэ, и ёнэ дынэ́ паты́в идолэ́нгэ, со кэрдэ́ лэ́нгирэ васта́.

4 Kralip 17:10

И чхудэ́ пэ́стэ статулы и формы Астартакэ пэ кажно вучи́ бэ́рга и тэл кажно зэлэно кашт.

4 Kralip 17:16

И ячкирдэ́ сарэ́ припхэныбэна́ Ра́скирэ-Дэвлэ́скирэ, пэ́скирэ Дэвлэ́скирэ, и кэрдэ́ пэ́скэ вычхудэ́ муя́ дуе́н гурувэ́н, и кэрдэ́ дэмбитко вешоро, и мангнэпэ сарэ́ духэнгэ болыбнаскирэнгэ, и дынариндлэ́ Ваалоскэ.

Mihiejo 5:12

Мэ хасякира́ва човаханыпэн тырэ́ вастэ́стыр, и тумэ́ндэ на явэ́на буты́р джиныбнаскирэ/драбакирибнаскирэ пир чэргэня́.