Isajos 2:5 - Библия - Пэ Балтитко Романи чиб (Романэс) 2019

⁵ О, Яково́скиро кхэр! Явэ́н, ява́са тэ псирас дро Ра́скирэ-Дэвлэ́скиро дуд (свэ́то).

Biblija - Pe Baltitko Romani čib (Romanes) 2019

⁵ O, Jakovóskiro kher! Javén, javása te psiras dro Ráskire-Devléskiro dud (svéto).

Isajos 2:5 Referans Kwoze

Эфесянэнгэ 5:8

Вари-ке́ли тумэ́ са́нас дро калыпэ́н (тёмныма), а какана́ тумэ́ сан дуд дрэ Растэ-Дэвлэ́стэ: дживэ́н сыр дудэ́скирэ (свэто́скирэ) чхавэ́,

1 Ian 1:7

А ко́ли амэ псираса дро Дэвлэ́скиро дуд, адя́кэ-паць сыр Христо́со исын дуд, тэды амэ́ндэ исын кхэтаныпэн екх екхэ́са, и Исусо́скиро Христосо́скиро рат, Лэ́скирэ чхавэ́скиро, жужакирэла (чыстинэла) амэн кажнонэ́ грэхэ́ндыр.

Luka 1:79

тэ свэнцынэл пэ одолэ́ндэ, савэ́ дживэ́на дро калыпэ́н (цямлыпэ́н) и дрэ дар мэрибна́стыр, соб (кай) тэ джа́н амарэ́ ґэра́ пир дром кэ рама́нё (миро).”

1 Ian 1:5

И, ґа́да, пал со исын мавлы́н (малва), сави́ амэ шундя́м Чхавэстыр и пхэна́са тумэ́нгэ: Дэвэ́л исын дуд (свэ́то) и нанэ нисаво́ калыпэ́н дрэ Лэ́стэ.

Isajos 58:1

“Кхар зоралэ́ заня́са, на андырша; ґа́здэ тыри́ зан сыр ро́го (труба), сыка́в Мирэ́ народоскэ пэ лэ́скирэ налачхэ́ рэ́нды, сыка́в Яково́скирэ кхэрэ́скэ пэ лэ́скирэ грэ́хи.

Isajos 2:3

И джа́на бут народэнгирэ мануша́ и пхэнэ́на: “Явэ́н, ґаздасапэ пэ Ра́скирэ-Дэвлэ́скири бэ́рга, дро Яково́скирэ-Дэвлэ́скиро Кхэр, Ёв высыклякирэла амэн, и амэ ява́са тэ псирас Лэ́скирэ дромэ́нца,” пал-дова́, со выджа́ла Зако́но Сионо́стыр, а лав Ра́скирэ-Дэвлэ́скиро – Ерусалимо́стыр.

Psalmy 89:15

Чачипэ́н и чачуно́ сэ́ндо рикирэ́на Тыро́ троно, лачхэ́-илы́ткима и патяибэ́н джа́на анги́л Ту́тэ.

Psalmy 36:10

Пал-дова́ со Ту сан Екх, Кон дэ́ла джиибэ́н сарэскэ, Тыро́ дуд дэ́ла дуд амарэ́ джиибнаскэ.

Psalmy 89:16

Бахталэ́ исын мануша́, савэ́ джинэ́на ра́дыма Тырэ́ заня́тыр (глося́тыр): ёнэ дживэ́на пир дуд (свэ́то), саво́ джа́ла Ту́тыр.