Isajos 2:20 - Библия - Пэ Балтитко Романи чиб (Романэс) 2019

²⁰ Дро дова́ дывэ́с ману́ш вычхурдэла пэ́скирэ и́долы, рупувэ́ и сувнакунэ́, савэ́ кэрдя́, соб (кай) тэ мангэ́лпэ лэ́нгэ,

Biblija - Pe Baltitko Romani čib (Romanes) 2019

²⁰ Dro dová dyvés manúš vyčhurdela péskire ídoly, rupuvé i suvnakuné, savé kerdiá, sob (kaj) te mangélpe lénge,

Isajos 2:20 Referans Kwoze

Isajos 30:22

Тэ́ньци тумэ́ ґалёна, со на́лачхо исын идолэнгиро укэдыибэн тырэ́ рупэ́стыр и тырэ́ сувнака́стыр; ту чхурдэса пэ́скирэ и́долы, сыр магирипэ́н, и пхэнэ́са лэ́нгэ: “Джа́н криг адатхы́р.”

Isajos 31:7

Дро дова́ дывэ́с вычхурдэла кажно ману́ш пэ́скирэ руповэ и сувнакунэ́ и́долы, савэ́ васта́ тумарэ́ кэрдэ́ пэ грэ́хо тумэ́нгэ.

Osija 14:8

Ёнэ, савэ́ явэ́на тэ дживэ́н тэл Мири́ зэр (засенка), рисёна и ёнэ явэ́на тэ отджидён сы́рбы гив, и явэ́на тэ барьён сы́рбы винаграды́тко кашт. Ёнэ явэ́на лачхэ́с тэ пахнисон сы́рбы мол (вино) Ливаностыр.”

Isajos 46:6

Мануша́ дорэсэ́на сувнака́й кисыкатыр, ублавэна руп и кхарэ́на манушэ́с, соб (кай) ёв тэ кэрэ́л лэ́стыр дэвлэс; мангэ́нпэ дэвлэскэ и пэрэ́н пэ чанга́ анги́л лэ́стэ.

Isajos 46:1

Пыя́ Вило [Бэл-ю.о.], пыя́ Нево; лэ́нгирэ и́долы пасёна пэ грэ́ндэ и гурувэндэ, пхаро́ лэ́нгэ дава́ тэ лыджа́н кхинэ мурдалэ́нгэ!

Левито 11:19

бутяностыр (цаплятыр), зуёстыр лэ́скирэ родоса, удодостыр и нетопырёстыр (вурняибнытконэ кар-мусостыр).

Luka 23:30

Тэды ёнэ явэ́на тэ ракирэ́н бэргэнгэ: ‘Пэрэн пэ амэ́ндэ’, и бэргицэнгэ: Ѓаравэн амэн;’”

Isajos 17:8

Ёв на явэ́ла тэ дыкхэ́л пэ алта́ри, со исын буты́ лэ́скирэ вастэнгири, ёв на явэ́ла тэ дэл паты́в, со кэрдэ́ лэ́скирэ ангушта (пальцы), ци пэ каштунэ и́долы Астартакирэ ци кхамитка (Ваалоскирэ).

Isajos 40:19

Спецо тэ вычхинэл кэрэ́ла идоло, сувнакунари учхакирэ́ла лэс сувнака́са, прикэрэла кэ ёв руповэ зандирорья (цэпочки).

Езэкилё 7:19

Пэ́скиро руп вычхурдэна ёнэ пэ вули́ца (га́са), сувнака́й на явэ́ла лэ́нгэ трэй. Лэ́нгирэ руп и сувнака́й на зракхэна лэн дро дывэ́с, ко́ли явэ́ла Ра́скирэ-Дэвлэ́скиро холямипэн. Ёнэ на чаравэна лэ́нца лэ́скиро ди, и на пхэрдякирэна лэ́нца пэ́скиро пэр, пал-дова́ со руп и сувнака́й долыджинэ лэн кэ чорипэ́н.

Езэкилё 14:6

Палдава́ пхэн Израилёскирэ кхэрэ́скэ: “Адя́кэ ракирэ́ла Рай Дэвэ́л, Дэвэ́л: ‘Рисён кэ Дэвэ́л рисён криг тумарэ́ кэрдэ́ дэвлорэндыр, рискирэ́н тумарэ́ муя́ сарэ́ тумарэ́ джунгалыпнастыр (брыткиматыр)!

Езэкилё 36:25

И Мэ брызгинава тумэн жужэ́ пане́са, тумэ́ жужакирэнапэ сарэ́ тумарэ́ магирипнастыр, Мэ жужакирава тумэн сарэ́ тумарэ́ идолэндыр.

Džiibén 35:4

И отдынэ́ Яково́скэ сарэ́н чужонэ́ дэвлорэ́, савэ́ сыс дрэ лэ́нгирэ васта́; чэня, савэ́ сыс дрэ лэ́нгирэ кана́, и заґанадя Яково лэн тэл дэмбо, саво́ сыс пашы́л Сихе́мо.

Ekliesiastos 3:6

часо тэ родэ́н, и часо тэ нашавэн; часо тэ ракхэ́н, и часо тэ чхурдэ́н криг;

Isajos 10:3

Со тумэ́ явэ́на тэ кэрэ́н дро дывэ́с, саво́ явэ́ла, ко́ли явэ́ла дура́л тумаро́ хасибэ́н? Кэ кон подджана тумэ́ тэ подэн васт, кай ячкирэна тумаро́ барвалыпэ́н?

Софония 2:11

О Рай Дэвэ́л явэ́ла трашано ваш лэ́нгэ; пал-дова́ со Ёв розмарэла сарэ́ дэвлорэн пэ пхув; мануша́ явэ́на тэ дэн паты́в Лэ́скэ, кажно ману́ш пэ пэ́скиро штэ́то, и пэ островы (джипа́) сарэ́ манушэ́нгирэ-родэнгирэ.