Isajos 2:12 - Библия - Пэ Балтитко Романи чиб (Романэс) 2019

¹² Пал-дова́ со джа́ла дывэ́с Ра́скирэ-Дэвлэ́скиро, болыбна́скирэ-янголэ́нгиро пэ саро́ пхутькирдо и пэ саро́ ґаздыно́, саро́ ґаздыно́, саро́ дава́ явэ́ла ладжакирдо́.

Biblija - Pe Baltitko Romani čib (Romanes) 2019

¹² Pal-dová so džála dyvés Ráskire-Devléskiro, bolybnáskire-jangoléngiro pe saró phut'kirdo i pe saró ĥazdynó, saró ĥazdynó, saró davá javéla ladžakirdó.

Isajos 2:12 Referans Kwoze

Малахия 4:1

Пал-дова́ со, акэ, сыг явэ́ла дывэ́с, саво́ явэ́ла тэ хачкирэл саро́ сы́рбы бов, и сарэ́ пхутькирдэ́ и начачунэ (злыдня) мануша́ явэ́на сыр чхучо́ пхус; и дава́ дывэ́с, со явэ́ла, похачкирэла лэн адя́кэ, – ракирэ́ла янголэ́нгирэ-болыбна́скиро Рай Дэвэ́л, – “Со на ячэ́лапэ ни рукх (корнё), ни рандь (вэтка).

Isajos 23:9

Рай Дэвэ́л, болыбна́скирэ-янголэ́нгиро, припхэндя́ дава́, соб (кай) тэ на пхутёл нисаво́ барипэ́н, соб (кай) тэ ладжан сарэ́, кон прилэ́ла паты́в пэ пхув.

Luka 14:11

пал-дова́ со кажно, кон ґаздэ́ла пэс, лэс Дэвэ́л чхувэ́ла тэлэды́р, а кон чхувэ́ла пэс тэлэды́р, кодолэ́с Дэвэ́л ґаздэ́ла вучэды́р.’”

Pritčy 16:5

Кажно (сва́ко) пхутькирдо илэ́са ману́ш исын джунгало́ (брыдинэла) Ра́скэ-Дэвлэ́скэ, мэк ёнэ исын дро екх васт екх екхэ́са, мэ совлахава: ние́кх на нашэла бибангипнаскиро.

Jakov 4:6

Нэ Дэвэ́л дэ́ла барэды́р бахтякирибэ́н. Пал-дова́ со и исын пхэндло́: “Дэвлэ́скэ исын на дро́га пхутькирдэ́, а Ёв бахтякирэ́ла напхутькирдэ манушэ́н.”

1 Фесалоникийцэнгэ 5:2

пал-дова́ со тумэ́ лачхэ́с джинэ́на, со дывэ́с, ке́ли явэ́ла Христо́со, нико́н на джинэ́ла, Ёв явэ́ла сыр чор ратя́киро.

1 Коринфянэнгэ 5:5

тэ отдэ́н адасавэ́ манушэ́с налачхэскэ тэ мэнчынэл лэс лэ́скири лоч (плоть), сави́ исын дро грэ́хо, соб (кай) тэ зракхэн лэ́скиро ду́хо (фа́но) дро Ра́скирэ-Дэвлэ́скиро дывэ́с, амарэ́ Исусо́скиро Христосо́скиро.

Матфеё 23:12

Нэ дова́, кон ґаздэ́ла пэс, лэс Дэвэ́л чхувэ́ла тэлэды́р, а кон чхувэ́ла пэс тэлэды́р, кодолэ́с Дэвэ́л ґаздэ́ла вучэды́р.

Малахия 4:5

Акэ, Мэ бичхава́ва тумэ́нгэ пророко́с Илияс анги́л, сыр явэ́ла баро́ дывэ́с, и трашано (дарано) Ра́скирэ-Дэвлэ́скиро.

Amoso 5:18

Бида явэ́ла пэ тумэ́ндэ, кон древа́н камэ́ла, соб (кай) тэ явэ́л дывэ́с Ра́скирэ-Дэвлэ́скиро! Саво́ лачхипэ́н тумэ́ ужакирэ́на дывэсэ́стыр Ра́скирэ-Дэвлэ́стыр? Дава́ ж явэ́ла калыпэ́н, а на дуд.

Езэкилё 13:5

Дрэ пропхагирибэна (проломы) дрэ ва́нта тумэ́ на джа́на, и на чхудэ́ ва́нта анги́л Израилёскиро Кхэр, соб (кай) тэ явэ́н тэрдэ́ тумэ́ дро марибэ́н дро Ра́скирэ-Дэвлэ́скиро дывэ́с.

Ереме́ё 46:10

Пал-дова́ со дава́ исын дывэ́с Ра́скирэ-Дэвлэ́скиро, болыбна́скирэ-янголэ́нгиро дывэ́с, со Рай Дэвэ́л рискирэ́ла (отдэ́ла) палэ фуипэ́н, соб (кай) тэ отхал (отдэ́л) палэ (рискирэ́л фуипэ́н) пэ Пэ́скирэ вэргэ́ндэ. Э курта́ла явэ́ла тэ чхинэл и ёй чалёла, и ёй матёла лэ́нгирэ ратэстыр. Пал-дова́ со Рай Дэвэ́л, болыбна́скирэ-янголэ́нгиро Дэвэ́л прилэ́ла свэ́нто дыибэ́н дрэ паш-рати́тко (севе́рно) пхув пашы́л рэка (лэнь) Евфрато.

Isajos 24:21

И явэ́ла дро дова́ дывэ́с: зджа́ла Рай Дэвэ́л тэ кэрэ́л ка́ра пэ налачхэ́ ду́хи, савэ́ исын дро болыбэ́н и пэ пхувитконэ кралье́ндэ, савэ́ исын пэ пхув.

Isajos 24:4

Тангинэла, ровэла пхув; пыя́ духо́са, на радынэ́лпэ баро́ свэ́то, дрэ биба́хт (би́да) исын мануша́, савэ́ ґаздэнаспэ пэ пхувья́киро народо.

Isajos 13:9

Акэ, явэ́ла Ра́скирэ-Дэвлэ́скиро дывэ́с, захало, барэ́ хачкирдэ́ холямипнаса, соб (кай) тэ кэрэ́л пхувья́тыр чхучи́ пхув, тэ хасякирэ́л пэ ла́тэ ла́кирэ грэхитконэ́ манушэ́н.

Isajos 13:6

Ровэ́н, джа́ла Ра́скирэ-Дэвлэ́скиро дывэ́с, джа́ла, сыр зор, сави́ пхагирэ́ла саро́, Сарэзорьякирэстыр.

2 Kralip 22:28

Тэлякирдэ манушэ́н Ту зракхэ́са, и дыкхибнаса Пэскирэса Ту тэлякирэса пхутькирдэн.

Ióvo 24:1

Со́скэ Сарэзорья́киро Дэвэ́л на упхэндя часы тэ сэндякирэ́л? Со́скэ кодолэ́, кон джинэ́ла Лэс, на дыкхэ́на Лэ́скирэ дывэса́, со Ёв выкэдыя́ ваш сэ́ндо?

Psalmy 131:1

Гилы́ анги́л Кхангири́. Давидоскири. Раё Дэ́вла! Миро ило́ на пхутёла и мирэ́ якха́ на дыкхэ́на барипнаса. И мэ адя́кэ-паць на залавапэ рэндэ́нца, со исын на пир зор ма́нгэ ци долэса, со исын дивно ма́нгэ.

Isajos 42:15

Шутькирава Мэ бэ́рги и бэ́ргицы, вышутькирава сари́ чар, со барьёла пэ лэ́ндэ; вышутькирава рэ́ки (лэня́) и ґанынга́.

Isajos 61:2

Соб (кай) тэ пхэна́в пал лачхо́ бэрш Ра́скирэ-Дэвлэ́скиро, пал дывэ́с, ко́ли пхэрдёла холы́ амарэ́ Дэвлэ́скири, тэ подрикирав сарэ́н, дрэ конэ́стэ исын ту́га (тугинэла).

Ереме́ё 30:7

Пэ биба́хт (бари би́да), явэ́ла баро́ дава́ дывэ́с, со буты́р дасаво нанэ и на явэ́ла, И адя́кэ-паць явэ́ла пхаро́ Яково́скэ, нэ ёв явэ́ла зракхно;

Mihiejo 2:3

Палдава́ адя́кэ ракирэ́ла Рай Дэвэ́л: “Акэ, Мэ придуминава кадасави биба́хт проти кадая́ сэ́м΄я (ири́), со тумэ́ на могинэ́на (на саштынэна) тэ дурьякирэн (тэ злэн) далэ́ бибахтятыр тумарэ́ мэня; и тумэ́ на явэ́на тэ задэнпэ, (тэ псирэ́н маму́й); пал-дова́ со дава́ часо исын бибахтало́.

Mihiejo 5:11

И Мэ хасякира́ва фо́рья пэ тумари́ пхув, и Мэ равава кэ руи́ны сарэ́ тырэ́ зоралэ́ ва́нты (форты) (укреплении).

Софония 1:16

дро дова́ дывэ́с явэ́на тэ пхурдэ́н дро ро́го (труба) и явэ́ла марибны́тко годлыма проти фо́рья зоралэ́ вантэнца и проти вучэ́ вучардя (башни).

Софония 3:11

Дро дова́ Дывэ́с тумэ́, Мирэ́ мануша́лэ, на явэ́на тэ ладжан ни савэ́ тумарэ́ рэндэ́ндыр, дрэ савэ́ тумэ́ кэрдэ́ чорипэ́н проти Ма́ндэ; адя́кэ, сыр тэ́ньчи Мэ ла́ва криг тумарэ́ машкиралыпнастыр кодолэ́н, кон древа́н радынэ́лапэ пэ́скирэ пхутькирибнастыр, и буты́р тумэ́ на явэ́на тэ задэнпэ пэ Мири́ свэ́нто бэ́рга.

Psalmy 18:28

пал-дова́ со Ту зракхэ́са одолэ́н, кон страдынэла. Нэ Ту бандякирэса одолэ́н, кон ґаздэ́ла накх.

Psalmy 37:13

Рай Дэвэ́л салапэ лэ́стыр, пал-дова́ со фуе́-манушэ́скиро дывэ́с явэ́ла сы́гэс ваш хасибэ́н.

Psalmy 94:2

Газдэ Пэс, Ту, Сэнда́ри, пир сари́ пхув, сэндякир чачунэ́с пхутькирдэн.

Isajos 5:15

Пэрэ́ла ману́ш пэ чанга́, поддэлапэ мурш, пхутькирдэнгирэ якха́ змэкэнапэ тэлэ́ зачхакирэнапэ.

Isajos 10:12

Явэ́ла адя́кэ: ко́ли Рай Дэвэ́л кэрэ́ла саро́ Пэ́скиро рэ́ндо пэ бэ́рга Сио́но, и дро Ерусалимо, ёв пхэнэ́ла: “Подыкхава Мэ пэ Асирия́кирэ крали́стэ, пэ пхутькирдо лэ́скиро ило́, пэ якха́ лэ́скирэ, савэ́ исын вучэ́с ґаздынэ́.

Isajos 10:33

Акэ, Рай Дэвэ́л, Рай Дэвэ́л, болыбна́скиро-янголэ́нгиро, счхинэла даранэ зорья́са вэ́тки каштэндыр, пхутькирдэ́ явэ́на чингирдэ, вучэ́ пэрэ́на пэ пхув.

Isajos 13:11

Мэ отхава (отда́ва) палэ свэтоскэ пал налачхэ́ рэ́нды, а грэхитконэ́ манушэ́нгэ – пал лэ́нгирэ грэ́хи; Мэ хасякира́ва пхутькирибэ́н кодолэнгиро, кон древа́н задэлапэ, Мэ хасякира́ва пхутькирибэ́н кодолэнгиро, кон притасавэла чорорэн.

Isajos 14:15

Нэ ту сан чхурдыно́ дро лю́но (адо), дро лэ́скиро хорипэ́н.

Isajos 40:23

Дро нисо́ Ёв пирикэрэла тхагарьен (князьен), сыр вари-со чхучо́ кэрэ́ла ёв пхувья́кирэ сэндарьен.

Ереме́ё 12:9

Миро миштыпэ́н яця́ сыр чириклы, савья́ сашты́ тэ розрискирэс, рискирибна́скирэ чирикля́ кружынэнапэ (крэнжынэнапэ) тэ пэрэ́н пэ ла́тэ. Джа́н, скэдэ́нпэ, сарэ́ мурдала́ пэ фэ́лда, янэ́н лэн тэ хан.

Ереме́ё 13:9

“Адя́кэ пхэндя́ Рай Дэвэ́л: ‘Пир дова́ Мэ хасякира́ва Юдэя́киро пхутькирибэ́н, и адя́кэ-паць Ерусалимоскиро зорало́ (баро́) пхутькирибэ́н.

Ереме́ё 50:31

‘Акэ, Мэ сом проти ту́тэ, пхутькирдо Вавило́но!’, – ракирэ́ла Рай Дэвэ́л, болыбна́скирэ-янголэ́нгиро; пал-дова́ со тыро́ дывэ́с явдя́, соб (кай) Мэ пхарэ́с тэ сэндякирав тут.