Isajos 2:11 - Библия - Пэ Балтитко Романи чиб (Романэс) 2019

¹¹ Проджа́ла манушэ́скиро пхутькирибэ́н, пэрэ́ла манушэ́нгиро вучипэ́н, екх Рай Дэвэ́л явэ́ла вучо́ дро дова́ дывэ́с.

Biblija - Pe Baltitko Romani čib (Romanes) 2019

¹¹ Prodžála manušéskiro phut'kiribén, peréla manušéngiro vučipén, jekh Raj Devél javéla vučó dro dová dyvés.

Isajos 2:11 Referans Kwoze

Psalmy 18:27

Чыстонэ-илэскирэнца Ту сан лачхо́; фрэнтонэнца Ту сан годя́са пэ стрэ́га,

Isajos 2:17

Пэрэ́ла манушэ́скиро пхутькирибэ́н, пэрэ́ла манушэ́нгиро вучипэ́н, екх Рай Дэвэ́л явэ́ла вучо́ дрэ дова́ дывэ́с.

Малахия 4:1

Пал-дова́ со, акэ, сыг явэ́ла дывэ́с, саво́ явэ́ла тэ хачкирэл саро́ сы́рбы бов, и сарэ́ пхутькирдэ́ и начачунэ (злыдня) мануша́ явэ́на сыр чхучо́ пхус; и дава́ дывэ́с, со явэ́ла, похачкирэла лэн адя́кэ, – ракирэ́ла янголэ́нгирэ-болыбна́скиро Рай Дэвэ́л, – “Со на ячэ́лапэ ни рукх (корнё), ни рандь (вэтка).

Isajos 24:21

И явэ́ла дро дова́ дывэ́с: зджа́ла Рай Дэвэ́л тэ кэрэ́л ка́ра пэ налачхэ́ ду́хи, савэ́ исын дро болыбэ́н и пэ пхувитконэ кралье́ндэ, савэ́ исын пэ пхув.

Isajos 13:11

Мэ отхава (отда́ва) палэ свэтоскэ пал налачхэ́ рэ́нды, а грэхитконэ́ манушэ́нгэ – пал лэ́нгирэ грэ́хи; Мэ хасякира́ва пхутькирибэ́н кодолэнгиро, кон древа́н задэлапэ, Мэ хасякира́ва пхутькирибэ́н кодолэнгиро, кон притасавэла чорорэн.

Isajos 12:4

И пхэнэ́на тумэ́ дро дова́ дывэ́с: “Барьякирэ́н Рас-Дэвлэ́с, прикхарэн Лэ́скиро лав, роспхэнэ́н дрэ народы пал Лэ́скирэ рэ́нды (де́лы); рипирэ́н, со баро́ исын Лэ́скиро лав.

Mihiejo 4:6

“Дро дова́ дывэ́с”, – ракирэ́ла Рай Дэвэ́л, – “Мэ кэдава кхэтанэ́ кодолэ́н, савэ́ исын лангалэ, и Мэ скэда́ва кодолэ́н, савэ́н лыджинэ́ дро пле́но, и кодолэ́н, савэ́н Мэ притасадём (яндём би́да).

Osija 2:18

Пэ дова́ дывэ́с Мэ чхува́ва завето ваш лэ́нгэ фэлдытконэ мурдалэ́нца (зверенца), болыбнытконэ чирикленца и цапненца (ползучонэ джидыпнэнгэ), савэ́ ползынэна пир пхув. И Мэ пхагирава лу́ко и курта́ла, соб (кай) ёнэ тэ на явэ́н пэ доя́ пхув, и Мэ кэра́ва адя́кэ, соб (кай) ёнэ тэ пасён би дара́киро, и соб (кай) тэ на явэ́л марибэ́н.

Езэкилё 39:22

Палдава́ явэ́ла тэ джинэ́л Израилёскиро кхэр, со Мэ сом лэ́нгиро Рай Дэвэ́л, Дэвэ́л, лэ́нгиро Дэвэ́л далэ́ дывэсэ́стыр и дурэды́р.

1 Petr 5:5

Адя́кэ-паць, тэрнэ́ мануша́лэ, кандэ́н пэ́скирэ годэпхурэн, явэ́н ковлэ́-илы́тка екх кэ екх, на шарэ́н пэс екх анги́л явирэ́стэ, пал-дова́ со Дэвэ́л исын проти одолэ́ндэ, кон гинэ́ла пэс вучэды́р явирэндыр, а одолэ́нгэ, кон на шарэла пэс, Ёв дэ́ла васт.

2 Коринфянэнгэ 10:17

А одова́, кон шарэлапэ, мэк ёв тэ шарэлпэ долэса, со Рай Дэвэ́л кэрдя́.

2 Коринфянэнгэ 10:5

хоханэ́ допхэныбэна и саро́, со пхутёла проти Дэвлэ́скиро дынарибэ́н; амэ пхандаса кажно годя́кири мы́сля, соб (кай) тэ явэ́л кандуны Христосо́скэ;

Luka 18:14

Мэ пхэна́ва тумэ́нгэ, ёв гия́ кхэрэ́ буты́р чачунэса, пал-дова́ со Дэвэ́л буты́р отмэкця́ лэ́скирэ грэ́хи, сыр кодова́ Фарисеё. Пал-дова́ со кажно ману́ш, кон ґаздэ́ла пэс кокоро́, Дэвэ́л чхувэ́ла лэс тэлэды́р, а кон чхувэ́ла пэс кокоро́ тэлэды́р, кодолэ́с Дэвэ́л ґаздэ́ла вучэды́р.”

Заха́рия 9:16

И зракхэ́ла лэн Рай Дэвэ́л, лэ́нгиро Дэвэ́л дро дова́ дывэ́с, сыр бакрэ́н Пэ́скирэ ґуртостыр; пал-дова́ со сыр куч бара́ пэ крали́тко стадык (коро́на), ёнэ явэ́на тэ зяинэн пэ Лэ́скири пхув.

Софония 3:16

Дро дова́ дывэ́с явэ́ла пхэндло́ Ерусалимоскэ: “На дар, Сио́но, мэк тэ на пэрэ́н тэлэ́ тырэ́ васта́ сыр бизорья́кирэ”.

Софония 3:11

Дро дова́ Дывэ́с тумэ́, Мирэ́ мануша́лэ, на явэ́на тэ ладжан ни савэ́ тумарэ́ рэндэ́ндыр, дрэ савэ́ тумэ́ кэрдэ́ чорипэ́н проти Ма́ндэ; адя́кэ, сыр тэ́ньчи Мэ ла́ва криг тумарэ́ машкиралыпнастыр кодолэ́н, кон древа́н радынэ́лапэ пэ́скирэ пхутькирибнастыр, и буты́р тумэ́ на явэ́на тэ задэнпэ пэ Мири́ свэ́нто бэ́рга.

Mihiejo 5:10

“И явэ́ла адя́кэ дро дова́ дывэ́с”, – ракирэ́ла Рай Дэвэ́л, – “со Мэ хасякира́ва Тырэ́ грэн тырэ́н машкиралыпнастыр, и Мэ розмарава пэ котэра́ тырэ́ марибны́тка вурдэна́.

Авдиёс 1:8

“Дро дова́ дывэ́с явэ́ла адя́кэ, – ракирэ́ла Рай-Дэвэ́л, – со Мэ хасякира́ва и годэ́ манушэ́н Эдомостыр, и барэ́ годярьен Исаво́скирэ бэрга́тыр.

Amoso 9:11

Дро дова́ дывэ́с Мэ нэвэ́стыр ґазда́ва ша́тра Давидоскири, со пыя́. И Мэ закэрава пхагирдэ́ штэ́ты, и Мэ чхува́ва нэвэ́стыр саро́ дрэ ла́тэ, сыр сыс дрэ ґаратунэ́ дывэса́;

Ioil 3:18

И явэ́ла адя́кэ дро дова́ дывэ́с, со нэви́ мол (вино) явэ́ла тэ тхадэл бэргэндыр, и тхуд явэ́ла тэ чхувэлпэ бэргицэндыр, и панескирэ ровицы (хохоёрэ́) дрэ Юдэ́я явэ́на пхэрдэ́ пане́са, а фонтано (фолахар) явэ́ла тэ чхувэ́л пхэрдэ́с пани́ Ра́скирэ-Дэвлэ́скирэ Кхэрэскир и ёв явэ́ла тэ дэл пани́ пэ до́ло Ситимо.

Osija 2:21

И явэ́ла адя́кэ дро дова́ дывэ́с, со Мэ ушунава [отпхэнава-ю.о.], – ракирэ́ла Рай Дэвэ́л, – и Мэ шунава болыбэ́н, и ёв явэ́ла тэ шунэ́л пхув.

Osija 2:16

И явэ́ла адя́кэ пэ дро дова́ дывэ́с, – ракирэ́ла Рай Дэвэ́л, – ‘со ту явэ́са тэ кхарэс Ман: ‘Миро ром,’ и ту на явэ́са буты́р тэ кхарэс Ман ‘Ваали’,

Езэкилё 39:11

“Явэ́ла дро дова́ дывэ́с: Мэ да́ва Гогаскэ штэ́то ваш мэрибэ́н дро Израилё: до́ло, кай проджа́на мануша́, пэ васто́ко морёстыр (дэрьявэстыр); дава́ штэ́то явэ́ла тэ зарикирэл кажнонэс, кон тэ на джа́лас пашы́л одо́й; гаравэна одо́й Гогас и саро́ лэ́скиро-халадыбэ́н; явэ́на тэ кхарэ́н дава́ штэ́то, Гогаскирэ халадэ́нгиро табороскиро до́ло.

Езэкилё 38:19

Дро Миро зэвлыныпэ́н, дрэ Мири́ холы́, Мэ пхэндём: “Чачо́, зоралэ́с явэ́ла тэ издрал Израилёскири пхув.

Езэкилё 38:14

Палдава́ пхэн пир лав ангилпхэныбэ́н, манушэ́скиро чхава, пхэн пэ Гогастэ: ‘Адя́кэ ракирэ́ла Рай Дэвэ́л, Дэвэ́л: Чачо́, дро кодова́ дывэ́с, ко́ли миро народо, Израилё, явэ́ла тэ дживэ́л би дара́киро, ту ґалёса дава́.

Ереме́ё 9:24

нэ мэк ёв, кон барьякирэ́ла пэс, тэ шарэлпэ (тэ барьякирэл пэс) далэ́са, со ёв ґалёла и, со ёв джинэ́ла Ман; пал-дова́ со дава́ Мэ сом, Рай Дэвэ́л, Кон сыкавэ́ла дро́го ла́ска, чачуно́ сэ́ндо и чачипэ́н пэ пхув. Пал-дова́ со Мэ зоралэ́с радынавпэ сарэ́стыр далэ́стыр”, – ракирэ́ла Рай Дэвэ́л.

Isajos 52:6

Палдава́ уджинэла Миро народо Миро лав, палдава́ уджинэла дро дова́ дывэ́с, со Мэ сом Одова́, Кон пхэндя́: Акэ, Мэ сом!”

Isajos 37:23

Конэ́с ту кошэсас и калякирэсас? Пэ конэ́стэ годлэсас и пэ конэ́стэ ґаздыян тырэ́ якха́ адя́кэ вучэ́с? Пэ Свэнтонэ́ Израилёскирэ Дэвлэ́стэ.

Isajos 30:23

И Ёв дэ́ла ту́кэ брышы́нд, ко́ли засеинэса фэ́лда и маро́, саво́ янэ́ла пхув сыр барьякирдо́ (пло́до), лачхо́ маро́ дэ́ла ту́кэ; тырэ́ гурува лэ́на тэ чаравэнпэ дро дова́ дывэ́с пэ лачхэ́ фэ́лды.

Isajos 29:18

Дро дова́ дывэ́с кашукэ мануша́ шунэ́на лава́ лылварьятыр, корорэнгирэ якха́ лэ́на тэ дыкхэ́н.

Isajos 28:5

Дро дова́ дывэ́с Рай Дэвэ́л, болыбна́скирэ-янголэ́нгиро, явэ́ла гожонэ вянкаса и шукаронэ диадэмаса ваш ячаибэ́н Лэ́скирэ народо́стыр.

Isajos 26:1

Дро дова́ дывэ́с явэ́на тэ бага́н дая́ гилы́ пэ пхув Юдаскири: “Зорало́ фо́ро исын амэ́ндэ; на дыя́ Ёв амэ́нгэ ва́нты и вало, а дыя́ зракхибэ́н.

Isajos 25:9

И пхэнэ́на дрэ дова́ дэвэс: “Акэ, Ёв исын амаро́ Дэвэ́л! Пэ Лэ́стэ сыс амаро́ лачхо́ ужакирибэ́н и Ёв зракхця́ амэн! Кадава́ исын Рай Дэвэ́л; пэ Лэ́стэ сыс амаро́ лачхо́ ужакирибэ́н; ла́са тэ радынаспэ Лэ́скирэ Зракхибнастыр.”

Isajos 12:1

И пхэнэ́са дрэ дова́ дывэ́с: “Барьякирава мэ Тут, Раё Дэ́вла; Ту холясоса пэ ма́ндэ, нэ пирияця́ Тыри́ холы́, Ту потангиндян ман.

Isajos 4:1

И ухтылэнапэ дро дова́ дывэ́с эфта́ (битринэ́нгиро дэш) джувля́ пал екхэ муршэстэ и пхэнэ́на: “Пэ́скиро маро́ ява́са тэ хас, дрэ пэ́скиро урибэ́н ява́са тэ псирас, нэ дэ, соб (кай) тэ кхараспэ пир тыро́ лав, лэ криг ладж амэ́ндыр.”

2 Фесалоникийцэнгэ 1:10

дро дова́ дывэ́с, ке́ли Ёв явэ́ла, соб (кай) Ёв тэ явэ́л славиндло машки́р Пэ́скирэ свэнтонэндэ и машки́р сарэ́ндэ, кон упатяндыя, пал-дова́ со тумэ́ упатя́ндынэ амарэ́ допхэныбнаскэ.

2 Kralip 22:28

Тэлякирдэ манушэ́н Ту зракхэ́са, и дыкхибнаса Пэскирэса Ту тэлякирэса пхутькирдэн.

Psalmy 20:8

Вари-савэ́ патя́на дрэ марибны́тка вурдэна́ и вари-савэ́ дрэ грэ́ндэ, нэ амэ ява́са тэ рипирас амарэ́ Ра́скирэ-Дэвлэ́скиро лав, амарэ́ Дэвлэ́скиро.

Psalmy 46:10

Кон кэрэ́ла адя́кэ, со марибэна кэ пхувья́кирэ яго́ры (краи́) кончынэнапэ, Ёв пхагирэ́ла лу́ко и пхагирэ́ла чхурдыпнытко буст (коп΄е) пэ котэра́; Ёв хачкирэ́ла сарэ́са яга́са марибны́тка вурдэна́.

Pritčy 30:13

Исын ро́до, кай ла́кирэ манушэ́ндэ, исын пхутькирдэ́ якха́. Сыр вучэ́с ґаздэ́напэ лэ́нгирэ цымблы (ресницы)?

Isajos 23:9

Рай Дэвэ́л, болыбна́скирэ-янголэ́нгиро, припхэндя́ дава́, соб (кай) тэ на пхутёл нисаво́ барипэ́н, соб (кай) тэ ладжан сарэ́, кон прилэ́ла паты́в пэ пхув.

Isajos 30:18

Палдава́ Рай Дэвэ́л ишчо (инкэ́) ничи́ на кэрэ́ла (ужакирэ́ла), соб (кай) Ёв тэ потангинэл тумэн, ужакирэ́ла, соб (кай) тэ тангинэ́л тумэн; Рай Дэвэ́л исын Дэвэ́л чачипна́скиро; бахталэ́ сарэ́, конэ́стэ исын наде́я пэ Лэ́стэ!

Mihiejo 2:3

Палдава́ адя́кэ ракирэ́ла Рай Дэвэ́л: “Акэ, Мэ придуминава кадасави биба́хт проти кадая́ сэ́м΄я (ири́), со тумэ́ на могинэ́на (на саштынэна) тэ дурьякирэн (тэ злэн) далэ́ бибахтятыр тумарэ́ мэня; и тумэ́ на явэ́на тэ задэнпэ, (тэ псирэ́н маму́й); пал-дова́ со дава́ часо исын бибахтало́.

Psalmy 18:28

пал-дова́ со Ту зракхэ́са одолэ́н, кон страдынэла. Нэ Ту бандякирэса одолэ́н, кон ґаздэ́ла накх.

Psalmy 46:11

Явэ́н штыл и уджинэ́н: со мэ сом Дэвэ́л. Ман явэ́на тэ барьякирэ́н кэ вучипэ́н на́цыи, Ман явэ́на тэ барьякирэ́н кэ вучипэ́н сарэ́, кон исын пэ пхув.

Psalmy 94:2

Газдэ Пэс, Ту, Сэнда́ри, пир сари́ пхув, сэндякир чачунэ́с пхутькирдэн.

Pritčy 16:5

Кажно (сва́ко) пхутькирдо илэ́са ману́ш исын джунгало́ (брыдинэла) Ра́скэ-Дэвлэ́скэ, мэк ёнэ исын дро екх васт екх екхэ́са, мэ совлахава: ние́кх на нашэла бибангипнаскиро.

Isajos 10:12

Явэ́ла адя́кэ: ко́ли Рай Дэвэ́л кэрэ́ла саро́ Пэ́скиро рэ́ндо пэ бэ́рга Сио́но, и дро Ерусалимо, ёв пхэнэ́ла: “Подыкхава Мэ пэ Асирия́кирэ крали́стэ, пэ пхутькирдо лэ́скиро ило́, пэ якха́ лэ́скирэ, савэ́ исын вучэ́с ґаздынэ́.

Isajos 14:15

Нэ ту сан чхурдыно́ дро лю́но (адо), дро лэ́скиро хорипэ́н.

Isajos 40:23

Дро нисо́ Ёв пирикэрэла тхагарьен (князьен), сыр вари-со чхучо́ кэрэ́ла ёв пхувья́кирэ сэндарьен.

Ереме́ё 12:9

Миро миштыпэ́н яця́ сыр чириклы, савья́ сашты́ тэ розрискирэс, рискирибна́скирэ чирикля́ кружынэнапэ (крэнжынэнапэ) тэ пэрэ́н пэ ла́тэ. Джа́н, скэдэ́нпэ, сарэ́ мурдала́ пэ фэ́лда, янэ́н лэн тэ хан.

Дание́лё 4:34

[37] Акана́ мэ сом, о Навуходоносо́ро, шарава, ґазда́ва и патывакирава Крали́с Болыбнаскирэс, Савэскирэ рэ́нды сарэ́ исын чачунэ́ и дрома́ чачипнаскирэ, и Саво́ зорало́ исын, соб (кай) тэ чхувэ́л тэлэ́ кодолэ́н, савэ́ псирэ́на пхутькирибнаса.