Isajos 19:4 - Библия - Пэ Балтитко Романи чиб (Романэс) 2019

⁴ И отда́ва Мэ Египтянэн дрэ захалэ крали́скирэ васта́; захало кра́ли явэ́ла хула́й лэ́нгиро”, – ракирэ́ла Рай Дэвэ́л, Рай Дэвэ́л, болыбна́скиро-янголэ́нгиро.

Biblija - Pe Baltitko Romani čib (Romanes) 2019

⁴ I otdáva Me Jegiptianen dre zahale kralískire vastá; zahalo králi javéla xuláj léngiro”, – rakiréla Raj Devél, Raj Devél, bolybnáskiro-jangoléngiro.

Isajos 19:4 Referans Kwoze

Isajos 20:4

адя́кэ лыджа́ла Асирия́киро кра́ли заухтылдэ манушэ́н пленонэн Египто́стыр, манушэ́н, савэ́ пиритрадынэ Ефиопиятыр; лыджа́ла тэрнэн и пхурэн, ёнэ джа́на нангэ и пирангэ, соб (кай) тэ ладжакирэн Еги́пто.

Езэкилё 29:19

Палдава́ адя́кэ ракирэ́ла Рай Дэвэ́л, Дэвэ́л: “А́кэ, Мэ да́ва Навуходоносороскэ, Вавилоно́скирэ крали́скэ, Египто́скири пхув, соб (кай) ёв тэ залэл ла́киро барвалыпэ́н, тэ обчорэл ла тэ чорэл дова́, со ёй чордя, дава́ явэ́ла награда (мазу́ри) лэ́скирэ халадэнгэ.

Ереме́ё 46:26

И Мэ выдава лэн дро васта́ одолэнгирэ, савэ́ родэ́на лэ́нгиро ди, дро крали́скиро Навуходоносороскиро Вавилоно́стыр и дро васта́ лэ́скирэ дынарьенгирэ. Нэ пало́ дава́ мануша́ явэ́на тэ дживэ́н дро Еги́пто сыр дрэ ґаратунэ́ дывэса́”, – ракирэ́ла Рай Дэвэ́л.

Isajos 19:2

“Мэ ґазда́ва Египтянэн пэ Египтянэндэ, явэ́на тэ марэ́нпэ пшал пшалэса, мал малэса, фо́ро фороса, кралипэ́н кралипнаса.

Psalmy 31:8

Мэ ява́ва лошало (весёло) и ява́ва тэ радынавпэ Тырэ́ лачхэ́-илыткиматыр; со Ту придыкхцянпэ, сыр мэ хава мэ́ньки, со Ту уджиндян, со́стыр миро ди страхандёла,

1 Kralip 23:7

И роспхэндлэ́ Сауло́скэ, со Дави́до явдя́ дро Кеилё, и Са́уло пхэндя́: “Дэвэ́л отдыя́ лэс дро мирэ́ васта́, пал-дова́ со ёв запхандя пэс, загии дро фо́ро вударэнца и шыбэрэнца (запорэнца).”

Езэкилё 30:12

И Мэ вышутькирава рэ́ки (лэня́), и отда́ва пхув дрэ захалэ-манушэ́нгирэ васта́, явирэ-пхувьенгирэ манушэ́нгирэ вастэ́са Мэ кэра́ва, соб (кай) тэ явэ́л кадая́ пхув и саро́, со исын пэ ла́тэ, чхучэ́ (пусто). Мэ, Рай Дэвэ́л, Дэвэ́л, пхэндём дава́.

Naumo 3:10

Нэ лэс лыджинэ́ криг, и ёв гия́ дро пле́но, лэ́скирэ биятэ́н адя́кэ-паць розмардэ пэ котэра́ пэ трушулытка ґасы (вули́цы). Ёнэ, Асирийцы, чхурдынэ́ жре́биё пал лэ́скирэ манушэ́ндэ, савэ́ сыс дрэ паты́в и сарэ́ лэ́скирэ барэ́ рая сыс пхандлэ зандирьенца.

Isajos 20:3

И пхэндя́ Рай Дэвэ́л: “Сыр Миро писха́ри (рабо) Исаё псирэлас нанго и пиранго трин бэрш, соб (кай) тэ сыкавэ́л и тэ дэл ангилпхэныбэ́н пал Еги́пто и Эфиопия,