Isajos 19:3 - Библия - Пэ Балтитко Романи чиб (Романэс) 2019

³ И ду́хо (фа́но) Египто́скиро хасёла, Мэ розмарава лэ́скиро годыпэ́н (совето) и праста́на ёнэ кэ и́долы, кэ мануша́, савэ́ исын човаханэ (маги), савэ́ выкхарэна мулэн, савэ́ зумавэна.

Biblija - Pe Baltitko Romani čib (Romanes) 2019

³ I dúho (fáno) Jegiptóskiro xasjola, Me rozmarava léskiro godypén (sovieto) i prastána jone ke ídoly, ke manušá, savé isyn čovahane (magi), savé vykharena mulen, savé zumavena.

Isajos 19:3 Referans Kwoze

Isajos 8:19

И ко́ли пхэнэ́на тумэ́нгэ: “Джа́ кэ одолэ́, кон выкхарэла мулэн, кон исын човахано, кон зумавэла”, – тэ́ньчи тумэ́ пхэнэ́н: “Ци на трэй, соб (кай) народо тэ родэ́л пэ́скирэ Дэвлэ́с? Ци пхучэна мулэ́ндыр пал джидэ́ манушэ́ндэ?”

Дание́лё 2:2

Припхэндя́ о кра́ли тэ скэдэ́н сарэ́н човаханэн, и магэн, и джиныбнаскирэн пир планеты, и Халдеен, соб (кай) ёнэ тэ роспхэнэ́н э крали́скэ лэ́скиро суно́. Ёнэ явнэ́, и тэрдинэ́ анги́л крали́стэ.

1 Паралипоменоно 10:13

Адя́кэ мыя́ Са́уло пал пэ́скиро чорипэ́н, саво́ ёв кэрдя́ анги́л Растэ-Дэвлэ́стэ, пал дова́, со на ракхця́ Ра́скирэ-Дэвлэ́скиро лав и обрисия кэ човаханы пхучыбнаса,

Дание́лё 5:7

Зоралэ́с задыя годлы о кра́ли, соб (кай) тэ янэ́н калэ́-магитконэн, э Халдеен, и э драбакирибнаскирэн пэ планеты. О кра́ли лыя́ тэ ракирэ́л, и пхэндя́ годыпнаскирэнгэ дро Вавило́но: “Кон гинэ́ла, со дава́ чхиндло́ исын и пирипхэнэла ма́нгэ, кодова́ явэ́ла уридо́ дро лоло́ пхар, и сувнакуны́ зандир (цэпка) явэ́ла пэ лэ́скири мэн, и тритонэса барыдырэ́са явэ́ла ёв пэ лыджино тхэм дро кралипэ́н.”

Езэкилё 22:14

Ци вырикирла тыро́ ило́, ци на обмэкэнапэ Тырэ́ васта́ дрэ кодолэ́ дывэса́, ко́ли Мэ выджава пэ ту́тэ? Мэ, Рай Дэвэ́л, Дэвэ́л, пхэндём и кэра́ва дава́.

Езэкилё 21:7

И явэ́ла адя́кэ, со пхэнэ́на ту́кэ: ‘Со́скэ ту ровэса?’ пхэн: ‘Шуныбнастыр, саво́ джа́ла, и розмарэлапэ кажно ило́, и мэкэнапэ тэлэ́ сарэ́ васта́, пхаро́ явэ́ла кажнонэ́ дескирэ духоскэ, и сарэ́ чанга́ издрана, сыр пани́. Акэ, дава́ явэ́ла и пхэрдякирэлапэ”, – ракирэ́ла Рай Дэвэ́л, Дэвэ́л.

Ереме́ё 46:15

Со́скэ бидарипнаскирэ мурша́ пынэ́ домардэ́? Ёнэ на дэ́на ра́да тэ тэрдён дрэ стонка, пал-дова́ со Рай Дэвэ́л традыя́ криг лэн.

Isajos 57:16

Пал-дова́ со на саро́ часо Мэ ява́ва тэ сэндякирав и тэ холясовав, соб (кай) тэ на хасёл анги́л Ма́ндэ кажно ду́хо (фа́но) и кажно пхурдыпэн, саво́ Мэ создыём.

Isajos 47:12

Ячпэ тырэ́ чораханэ джиныбнаса, саво́ ту лыян тэ кэрэ́с ишчо (инкэ́) дро тэрныпэн, зракхпэ лэ́са бидатыр.

Isajos 44:25

Мэ, Дэвэ́л, Саво́ кэрэ́ла адя́кэ, со гертыка (знаме́нии), савэ́ дэ́на хоханэ́ ангилпхэныбнарья, нэ саро́ ивья́ (напра́снэс), Саво́ сыкавэ́ла, сыр зджана годятыр човаханэ мануша́, савэ́ кэрэ́на чорахано пхэныбэ́н, Саво́ вытрадэла годьварэн манушэ́н (магэн) и лэ́нгиро джиныбэ́н кэрэ́ла дылныпнаса.

Isajos 19:1

Ангилпхэныбэ́н пал Еги́пто. – Акэ, Рай Дэвэ́л исын бэшто́ пэ болыбэ́н и явэ́ла дро Еги́пто. И издрана Лэ́скирэ мо́стыр и́долы Египто́скирэ, и ило́ Египто́скиро биладёла (ростаинэла) дрэ лэ́стэ.

Isajos 15:2

Ёв ґаздэ́лапэ кэ Баито и Дивоно, ґаздэ́лапэ пэ вучэ́ штэ́ты, соб (кай) ёв тэ ровэл; ровэла Моа́во пал Нэво́ и Медева, лэ́ндэ сарэ́ндэ исын обчхиндлэ́ бала́, сарэ́ндэ исын вымурадэ чхора (брода).

Isajos 14:27

Палдова́, со Рай Дэвэ́л, болыбна́скирэ-янголэ́нгиро припхэндя́, и кон сашты́ (могинэ́ла) тэ отпарувэл дава́? Лэ́скиро васт исын протырдыно, тэ кон лэс отрискирэла.”

Pritčy 21:30

Ни годыпэ́н, ни ґалыибэ́н, и ни саво́ годыпэ́н на тэрдёна проти Растэ-Дэвлэ́стэ.

Psalmy 107:27

ёнэ крэнжынэна одори́к и палэ и ёнэ кунинэ́наспэ (шатынэнапэ) сыр матэ, а лэ́нгиро годыпэ́н нисо́ на мол:

Psalmy 76:12

Совлаха́н Дэвлэ́скэ и мангэ́нпэ Ра́скэ-Дэвлэ́скэ, тумарэ́ Дэвлэ́скэ, мэк сарэ́, кон исын пашы́л Лэ́стэ, тэ янэ́н да́ры Лэ́скэ, Самонэ (Най) Барэдырэскэ кэ дар.

2 Kralip 17:23

И дыкхця́ Ахитофелё, со на кэрдя́пэ (сполниндяпэ) лэ́скиро годыпэ́н (совето), и дыя́ андрэ́ осло́с, и скэдыяпэ, и гия́ дрэ пэ́скиро кхэр, дрэ пэ́скиро фо́ро, и кэрдя́ ра́да (годыпэ́н) пэ́скирэ кхэрэ́скэ, и убладыя, и мыя́, и сыс гарадо́ дрэ копли́ца пэ́скирэ дадэ́скири.

2 Kralip 17:14

И пхэндя́ Авесало́мо и саро́ Израилё: “Годыпэ́н Хусиёскиро Архитяниноскиро исын фэды́р лавэ́ндыр Ахитофелёскирэстыр.” Адя́кэ Рай Дэвэ́л сэндякирдя тэ розмарэл фэдыршо годыпэ́н Ахитофелёскиро, соб (кай) тэ янэл Ра́скэ-Дэвлэ́скэ би́да пэ Авесаломостэ.”

2 Kralip 15:31

Пирипхэндлэ Давидо́скэ и пхэндлэ́: “И Ахитофелё кхэтанэ́ зракхирибнарьенца Авесаломоса.” И пхэндя́ Дави́до: “Раё Дэ́вла! Пхагир доракирибэ́н Ахитофелёскиро.”

1 Kralip 25:37

Злокоса, ке́ли Навало яця́ трязво (нырно), лэ́скири ромны́ роспхэндя́ лэ́скэ пал дава́, и замыя́ дро лэ́стэ ило́ лэ́скиро, и яця́ ёв сыр бар.

Psalmy 33:10

Рай Дэвэ́л на дэ́ла во́ля Наюдытконэ́ нацыенгэ тэ кэрэ́н, со ёнэ задуминэна пэ́скэ: Ёв на домэкэла манушэ́н тэ кэрэ́н пир пэ́скирэ планы.

Дание́лё 1:20

И дро кажно годо́ рэ́ндо и лэ́нгиро розґалыибэн, пал со пхучэлас лэ́ндыр о кра́ли, ёв латхэлас лэн дро дэш мол фэды́р сарэ́н човаханэндыр и магэндыр, савэ́ сыс дро саро́ кралипэ́н лэ́скиро.

4 Kralip 1:2

Охозия пыя́ пирда́л решотка пэ́скирэ штубатыр, со дрэ Сама́рия, и занасвалыя. И бичхадя́ манушэ́н и пхэндя́ лэ́нгэ: “Джа́н, пхучэ́н Веельзевулостыр, Акароно́скирэ дэвлыткиматыр: Ци высастёвава мэ далэ́ дукхатыр?”