Isajos 19:25 - Библия - Пэ Балтитко Романи чиб (Романэс) 2019

²⁵ сави́ бахтякирэ́ла Рай Дэвэ́л, болыбна́скирэ-янголэ́нгиро и пхэнэ́ла: “Бахтякирдо́ исын Миро народо – Египтя́ни, и Мирэ́ вастэнгиро рэ́ндо – Асирия, и Миро мэкно́ миштыпэ́н – Израилё.”

Biblija - Pe Baltitko Romani čib (Romanes) 2019

²⁵ saví bahtiakiréla Raj Devél, bolybnáskire-jangoléngiro i phenéla: “Bahtiakirdó isyn Miro narodo – Jegiptiáni, i Miré vastengiro réndo – Asirija, i Miro meknó mištypén – Izrailjo.”

Isajos 19:25 Referans Kwoze

Isajos 29:23

Ко́ли дыкхэ́ла ёв пэ́стэ пэ́скирэ чхаворэ́н, савэ́н дыём Мэ лэ́скэ, ёнэ дэ́на паты́в Мирэ́ лавэ́скэ, дэ́на паты́в Свэнтонэ́ Израилёскирэ Дэвлэ́скэ, и ёнэ явэ́на тэ дарэ́н радыма́са Израилёскирэ Дэвлэ́стыр.

Osija 2:23

И Мэ почхувава ла ваш Пэ́скэ пэ пхув, и Мэ сыкава́ва ла́ска пэ ‘Лорухаматэ,’ и Мэ пхэна́ва кэ ‘Лоами’ (на Мирэ́ мануша́): тумэ́ сан Мирэ́ мануша́’! И ёнэ пхэнэ́на: ‘Ту сан амаро́ Дэвэ́л!’”

Psalmy 138:8

Рай Дэвэ́л кэрэ́ла адя́кэ, со мэ ява́ва бидошэ́нгиро: Тыри́ лачхэ́-илы́ткима, о Раё Дэ́вла, ячэ́лапэ пэ сарэ́ ве́ки; на мэк бутя́, со кэрдэ́ Тырэ́ васта́.

Psalmy 115:15

[23] Рай Дэвэ́л, Кон создыя́ болыбэ́н и пхув, бахтякирэ́ла тут.

Яви́р Зако́но 32:9

Пал-дова́ со Ра́скирэ-Дэвлэ́скири паш исын Лэ́скирэ мануша́, а Яково исын Лэ́скири ме́ра дро Лэ́скиро мэкно́ миштыпэ́н.

Isajos 61:9

И ґалёна машки́р Наюды́тка народы пал ро́до лэ́нгиро, лэ́нгирэ чхаворэ́н ґалёна машки́р ро́ды; сарэ́, кон дыкхэ́ла лэн, явэ́на тэ джинэ́н, со ёнэ исын ро́до, саво́ бахтякирдя́ Дэвэ́л.

Isajos 60:21

Саро́ тыро́ народо явэ́ла чачуно́, пэ сарэ́ бэрша́ прилэ́ла пхув сыр мэкно́ миштыпэ́н – дава́ исын отбарипэн, со Мэ барьякирдём, Мирэ́-вастэнгиро рэ́ндо; саро́ дава́ явэ́ла, соб (кай) тэ шарэ́н Ман.

Čysly 6:27

Адя́кэ мэк тэ прикхарэн Миро лав пэ Израилёскирэ чхавэ́ндэ, и Мэ бахтякирава лэн.”

Čysly 6:24

“Мэк тэ бахтякирэ́л тут Рай Дэвэ́л и тэ ракхэ́л тут!

Filipiicenge 1:6

мэ патя́ва зоралэ́с дро дова́, со Дэвэ́л, Кон лыя́ тэ кэрэ́л дрэ тумэ́ндэ дава́ лачхо́ рэ́ндо, явэ́ла тэ кэрэ́л кэ/жы́ко дова́ Дывэ́с, ке́ли нэвэ́стыр явэ́ла Ису́со Христо́со:

Эфесянэнгэ 1:3

Мэк тэ явэ́л бахтякирдо́ Дэвэ́л и Дад амарэ́ Дэвлэ́скиро Исусо́скиро Христосо́скиро, Саво́ бахтякирдя́ амэн дро екхипэ́н Христоса кажнонэ́ Духо́скирэ бахтякирибна́са дро Болыбна́скиро свэ́то

Galatenge 6:15

Пал-дова́ со, кон исын дро екхипэ́н Христосо́са, на значинэла нисо́: ни обчхиныбэн, ни наобчхиныбэн, а нэво́ ману́ш.

Isajos 65:23

На явэ́на тэ кэрэ́н буты́ ивья́ (дармэс), на явэ́на тэ биянэн чхаворэ́н пэ мэнька, пал-дова́ со явэ́на родоса, бахтякирдэ Дэвлэ́стыр, и лэ́нгирэ чхаворэ́ лэ́нца.

Isajos 64:8

Нэ какана́, Раё Дэ́вла, Ту сан амаро́ Дад; амэ сам ґлэя (бла́та), савья́тыр кэрэ́на кхорэ́, а Ту – Одова́, Кон создыя́ амэн; сарэ́ амэ – Тырэ́-вастэнгири буты́.

Isajos 45:11

Адя́кэ ракирэ́ла Рай Дэвэ́л, Свэ́нто Израилёскиро, Саво́ создыя́ лэс: “Тумэ́ пхучэна Ма́ндыр, со явэ́ла Мирэ́ чхавэ́нца? И тумэ́ камэ́на тэ подпхэнэн, со трэй Ма́нгэ тэ кэра́в?”

Psalmy 100:3

Джинэ́н, со Рай Дэвэ́л исын амаро́ Дэвэ́л! Ёв создыя́ амэн, нэ амэ на кокорэ́ пэ́стыр явдя́м пэ дава́ свэ́то; амэ сам Лэ́скирэ мануша́ и амэ сам бакрэ́ Лэ́скирэ ґуртостыр.

1 Petr 2:10

тумэн, савэ́ на сыс Лэ́скирэ мануша́, а какана́ тумэ́ ячнэ́ Лэ́скирэ манушэ́нца, ґарэдыр тумэн на тангиндлэ (на жалиндлэ), акана́ исын Дэвлэ́скиро тангипэ́н кэ тумэ́.

Эфесянэнгэ 2:10

Пал-дова́ со амэ сам кадасавэ́, савэ́нца Дэвэ́л создыя́ амэн дро амаро́ екхипэ́н Исусо́са Христосо́са ваш дова́, соб (кай) амэ тэ кэра́с лачхэ́ рэ́нды, савэ́ Дэвэ́л ґарэдыр выкэдыя́ ваш амэ́нгэ.

Римлянэнгэ 3:29

Нау́што Дэвэ́л исын екх ваш Юдэ́нгэ? Ци нанэ Ёв Дэвэ́л и Наюдэ́нгэ? Ёв исын Дэвэ́л адя́кэ-паць ваш сарэ́ манушэ́нгэ пэ свэ́то:

Čysly 24:1

Валаа́мо дыкхця́, со Ра́скэ-Дэвлэ́скэ исын лачхо́ тэ бахтякирэ́л Израилё, и ёв на гия́, сыр англэды́р, ваш човаханякирибэн, нэ рисия́ пэ́скирэ мо́са кэ чхучи́ пхув.

Isajos 19:24

Дро дова́ дывэ́с Израилё явэ́ла тритонэ Египтоса и Асирияса; бахтякирибэ́н явэ́ла машки́р пхув,

Isajos 27:13

И явэ́ла дрэ дова́ дывэ́с: баро́ роґо (труба) забашавэла и явэ́на одолэ́, кон нашадяпэ пэ пхув Асириякири, конэ́с вытрадынэ́ пэ пхув Египто́скири. Сарэ́ ёнэ пэрэ́на анги́л Растэ-Дэвлэ́стэ тэ дэн паты́в пэ свэ́нто бэ́рга дрэ Ерусалимо.

Isajos 45:14

Адя́кэ ракирэ́ла Рай Дэвэ́л: “Египтя́ни, савэ́ кэрэ́на буты́, и Ефиопляни, савэ́ бикнэна, и Савейцы, вучэ́ мануша́, явэ́на тырэ́ манушэ́нца; ёнэ пал ту́тэ явэ́на тэ джа́н пхандлэ зандирьенца (цэпэнца), явэ́на, пэрэ́на пэ чанга́, лэ́на тэ мангэ́н тут, ракири́: “Екх (фэ́ни) ту́тэ исын Екх Дэвэ́л, и явирэ нанэ Дэвлэ́с.”

Заха́рия 8:13

И явэ́ла: сыр тумэ́, Юда́скиро кхэр и Израилёскиро кхэр, са́нас прокошлэ, машки́р Наюдытконэ́ на́цыи, адя́кэ Мэ зракха́ва тумэн, и тумэ́ явэ́на ваш явирэ́нгэ бахталэ́; на андыршан, мэк тэ явэ́н тумарэ́ васта́ зоралэ́!”

Isajos 63:17

Со́скэ, Раё Дэ́вла, Ту домэкцян, соб (кай) амэ тэ джас пэ́скэ Тырэ́ дромэ́стыр, соб (кай) амаро́ ило́ яця́ холямо́, соб (кай) тэ на дарас Ту́тыр? Обрисёв ваш Тырэ́ писхарье́нгэ, ваш ро́дыцы (чанга́), савэ́нгэ Ту дыя́н Тыро́ миштыпэ́н.

Ереме́ё 2:7

И Мэ яндём тумэн пэ барвалы пхув, соб (кай) тумэ́ тэ хан ла́кирэ барьякирдэ́ (пло́ды), и ла́киро миштыпэ́н, нэ сыр тумэ́ загинэ́ пэ дая́ пхув, тумэ́ магирдэ́ кадая́ пхув, и тумэ́ магирдэ́ Миро миштыпэ́н.

Ереме́ё 10:16

Яковоскири до́ля нанэ кадасави сыр лэ́нгири, пал-дова́, со Ёв, Кон создыя́ саро́, и Кон выкэдыя́ Израилё сыр Лэ́скиро миштыпэ́н, исын болыбна́скирэ-янголэ́нгиро Рай Дэвэ́л и дава́ исын Лэ́скиро лав.