Isajos 19:2 - Библия - Пэ Балтитко Романи чиб (Романэс) 2019

² “Мэ ґазда́ва Египтянэн пэ Египтянэндэ, явэ́на тэ марэ́нпэ пшал пшалэса, мал малэса, фо́ро фороса, кралипэ́н кралипнаса.

Biblija - Pe Baltitko Romani čib (Romanes) 2019

² “Me ĥazdáva Jegiptianen pe Jegiptianende, javéna te marénpe pšal pšalesa, mal malesa, fóro forosa, kralipén kralipnasa.

Isajos 19:2 Referans Kwoze

Сэндарьенгири Лылвари́ 7:22

Ке́ли триншэла́ мануша́ трубиндлэ рогэ́нца, обрискирдя Рай Дэвэ́л екхэскири курта́ла пэ явирэ́стэ дро саро́ ста́но, и праста́ндыя ополчэниё (отрядо) кэ Бефшыта кэ Царэра, кэ Авелмехолоскирэ рига́, на́дур Табафатыр.

1 Kralip 14:20

И задыя го́дла Са́уло и сарэ́ мануша́, савэ́ сыс лэ́са, и явнэ́ кэ штэ́то, кай мардэ́пэ, и ґа́да, одо́й кажнонэскири (сваконэскири) курта́ла сыс рискирды проти пэ́скирэ пашатунэстэ; смятениё сыс древа́н бари.

Матфеё 10:36

манушэ́скирэ вэ́рги исын кодолэ́, савэ́ исын лэ́скирэ кхэрэ́стыр.

Матфеё 12:25

Нэ Ису́со джиндя́, со ёнэ думиндлэ и пхэндя́ лэ́нгэ: “Кажно кралипэ́н, кай нанэ екхипэ́н андра́л, явэ́ла сыр чхучи́ пхув, и кажно фо́ро ци кхэр, кай нанэ екхипэ́н андра́л, на явэ́ла тэ тэрдёл.

Матфеё 10:21

И пшал здэла пшалэ́с пэ мэрибэ́н, и дад пэ́скирэ чхавэ́с; и чхавэ́ ґаздэ́напэ пэ дадэндэ и мулякирэна лэн.

Езэкилё 38:21

Сарэ́ Мирэ́ бэргэндыр прикхарава курта́ла, соб (кай) тэ выджа́л пэ лэ́стэ; кажнонэ́-манушэскири курта́ла подджа́ла пэ лэ́скирэ пшалэ́стэ.

Isajos 9:21

Мана́сия ха́ла Ефремос, Ефре́мо ха́ла Манасияс, а кхэтанэ́ ёнэ ха́на Юдас. И на пириячэ́ла Лэ́скири холы́, и васт Лэ́скиро исын протырдыно.

1 Kralip 14:16

И дыкхнэ́ ракхибна́рья Саулос дро Гива́ Вениаминоскири, со толпа розджалапэ и прастала одори́к и адари́к.

Сэндарьенгири Лылвари́ 9:23

И бичхадя́ Дэвэ́л холямэ́ духос машки́р Авимелехостэ и машки́р Сихемоскирэ манушэ́ндэ, и на лынэ́ тэ кандэ́н Сихемоскирэ мануша́ Авимелехос,

Матфеё 24:7

Пал-дова́ со ґаздэ́напэ мануша́ пэ манушэ́ндэ и кралипэ́н пэ кралипэ́н, и бокха явэ́на, и мэрибнытка фра́нсы и пхув явэ́ла тэ тринскирэлпэ пир штэ́ты.

Ереме́ё 46:12

Наюды́тка на́цыи шундлэ́ пал тыри́ ладж, и тыро́ ровибэн пхэрдякирдя́ пхув: пал-дова́ со зоралэ́ мурша́ обштадэпэ (пэкадэпэ) екх пир явирэ́стэ: ёнэ пынэ́ кхэтанэ́.”

Ереме́ё 51:46

Мэк тумаро́ ило́ тэ на замэрэл, и мэк тумэ́ тэ на дарэ́н мавлынятыр (малватыр), со явэ́ла шундлы пэ пхув; мавлы́н явэ́ла екх бэрш, и пало́ дова́ пэ яви́р бэрш. Пэ пхув явэ́на нахратэс тэ кэрэ́н мануша́, екх тхэмэскиро барыдыро́ явэ́ла проти явирэ́стэ.

Заха́рия 8:10

Пал-дова́ со англэды́р одолэ́ дывэсэ́ндыр на сыс плэскирибэн ваш манушэ́скэ, на сыс плэскирибэн ваш буты́ гурувэнгири, ни одолэ́скэ, кон явэ́ла, ни кодолэ́скэ, кон джа́ла, на сыс рама́нё (миро) вэргэ́ндыр; и домэкавас Мэ, соб (кай) кажно ману́ш тэ явэ́л вэ́рго явирэскэ.

3 Kralip 16:21

Тэды розгинэпэ мануша́ Израилёскирэ пэ дуй рига́: паш мануша́ сыс тэрдэ́ пал Фамниёстэ, чхавэ́стэ Гонафоскирэстэ, соб (кай) тэ чхувэ́н лэс крали́са, а яви́р паш пал Амвриёстэ.

2 Паралипоменоно 15:6

Мануша́ явэ́на тэ марэ́нпэ манушэ́нца, и фо́ро фороса, пал-дова́ со Дэвэ́л янэ́ла лэн дрэ ту́га разнонэ бидэнца.

Isajos 3:5

Екх явэ́ла тасадо явирэса дро народо, кажно явэ́ла затасадо пэ́скирэ пашатунэса; тэрно́ чхаво́ ґаздэ́лапэ пэ пхурэстэ, бутярно – пэ растэ.

Marko 3:24

Ко́ли кралипэ́н роскэрдо (уладо) пэ паш, ёв на явэ́ла тэрдо́.