Isajos 19:12 - Библия - Пэ Балтитко Романи чиб (Романэс) 2019

¹² Кай исын ёнэ? Кай исын тырэ́ годьварэ́ мануша́? Мэк ёнэ тэ пхэнэ́н ту́кэ акана́; мэк тэ ґалён, со Рай Дэвэ́л, болыбна́скирэ-янголэ́нгиро, припхэндя́ пал Еги́пто.

Biblija - Pe Baltitko Romani čib (Romanes) 2019

¹² Kaj isyn jone? Kaj isyn tyré god'varé manušá? Mek jone te phenén túke akaná; mek te ĥaljon, so Raj Devél, bolybnáskire-jangoléngiro, priphendiá pal Jegípto.

Isajos 19:12 Referans Kwoze

1 Коринфянэнгэ 1:20

Кай исын годьварюко? Кай исын лылвари́тко (кни́жнико)? Кай исын допхэныбнари (споршчыко) дро дава́ ве́ко? А Дэвэ́л пирикэрдя далэ́ свэтоскиро годьварипэн пэ дылныпэ́н.

Римлянэнгэ 9:17

Свэ́нто ж Чхиныбэ́н ракирэ́ла Фараоно́скэ: “Ваш дова́ Мэ тут и чхудём ра́са, соб (кай) тэ сыкавав пэ ту́тэ Мири́ зор, и соб (кай) тэ явэ́л джиндло́ Миро лав пир сари́ пхув.”

Ереме́ё 2:28

Нэ кай исын тумарэ́ дэвлорэ́, со тумэ́ кэрдэ́ ваш пэ́скэ? Мэк ёнэ тэ уштэ́н, и мэк ёнэ тэ зракхэн тумэн, сыр исын пхаро́ тумэ́нгэ! Пал-дова́ со ту́тэ, Юдэ́я, исын ада́кицы дэвлорэ́, кицы́ исын фо́рья!

Isajos 44:7

Кон исын ишчо (инкэ́) адасаво́, сыр Мэ сом? Мэк ёв тэ пхэнэ́л, мэк тэ роспхэнэл Ма́нгэ екх пал екх саро́ долэ́ часостыр, сыр Мэ создыём ґаратуно народо, ци мэк ёнэ тэ ангилпхэнэн пал дова́, со явэ́ла.

Isajos 14:24

Совлахала Рай Дэвэ́л, болыбна́скирэ-янголэ́нгиро: “Сыр Мэ подуминдём, адя́кэ явэ́ла, сыр Мэ пхэндём, адя́кэ кэрэ́лапэ.

Isajos 5:21

Бида одолэ́нгэ, савэ́ исын годьварэ́ дрэ пэ́скирэ якха́, годьварэ́ кокорэ́ анги́л пэ́стэ.

Сэндарьенгири Лылвари́ 9:38

И пхэндя́ лэ́скэ Зевуло: “Кай исын тырэ́ ушта́, савэ́ ракирдэ́: ‘Кон исын Авимеле́хо, соб (кай) амэ тэ лас тэ дынарина́с лэ́скэ?’ Дава́ исын одолэ́ мануша́, савэ́н ту бидыкхцян; выджа акана́ и марпэ лэ́нца.”

Авдиёс 1:8

“Дро дова́ дывэ́с явэ́ла адя́кэ, – ракирэ́ла Рай-Дэвэ́л, – со Мэ хасякира́ва и годэ́ манушэ́н Эдомостыр, и барэ́ годярьен Исаво́скирэ бэрга́тыр.