Isajos 18:2 - Библия - Пэ Балтитко Романи чиб (Романэс) 2019

² Сави́ бичхавэ́ла манушэ́н (послэн), соб (кай) ёнэ тэ роспхэнэ́н нэвипэн, пир мо́рё (дэрья́в) и пир пани́ дрэ папирусытка ладьи. Джа́н сыгэды́р, сыгна бичхаибнаскирэ тэ роспхэнэ́н, джа́н кэ народо, зорало́ и састо́, кэ народо, со исын дарано англэды́р сарэ́стыр кэ ададывэ́с, кэ народо вучо́, саво́ пэ саро́ ґаздэлпэ; лэ́скири пхув росчхинэна рэ́ки (лэня́).

Biblija - Pe Baltitko Romani čib (Romanes) 2019

² Saví bičhavéla manušén (poslen), sob (kaj) jone te rosphenén nevipen, pir mórjo (derjáv) i pir paní dre papirusytka lad'i. Džán sygedýr, sygna bičhaibnaskire te rosphenén, džán ke narodo, zoraló i sastó, ke narodo, so isyn darano angledýr saréstyr ke adadyvés, ke narodo vučó, savó pe saró ĥazdelpe; léskiri phuv rosčhinena réki (leniá).

Isajos 18:2 Referans Kwoze

Isajos 18:7

Дро дова́ дывэ́с янэ́на Ра́скэ-Дэвлэ́скэ болыбна́скирэ-янголэскирэскэ, да́ро зоралэ́ и састэ мануша́ народо́стыр, вучэ́ и даранэ народо́стыр, саво́ пэ саро́ ґаздэлпэ тэ тасавэл, а лэ́скирэ рэ́ки (лэня́) росчхинэна пхув, янэ́на да́ро пэ штэ́то, кай исын Ра́скирэ-Дэвлэ́скиро, болыбна́скирэ-янголэ́нгиро лав, пэ бэ́рга Сио́но.

2 Паралипоменоно 16:8

Ци на сыс Ефиопляни и Ливияни барэ́ зорья́са, и марибнытконэ́ вурдынэнца, и древа́н бутэ́ манушэ́нца уклистэ́ пэ грэ́ндэ? Нэ сыр ту чхудя́н наде́я пэ Растэ-Дэвлэ́стэ, то Ёв и отдыя́ лэн дрэ тырэ́ васта́,

2 Паралипоменоно 14:9

И выгия́ пэ лэ́ндэ Зараё Ефиоплянино халадыбнаса дрэ тысёнцо тысёнцы и тринэ́ шэлэнца марибнытконэ́ вурдынэнца, и догия́ кэ Маре́ша.

Езэкилё 30:9

Дро кодова́ дывэ́с явэ́на Ма́ндыр мануша́, савэ́ лыджа́на звесь (нэвипэн), ёнэ потрадэна пэ па́рмы (корабли), соб (кай) тэ страхакирэн биракхибнаскирэ, Ефиоплянэн, явэ́ла лэ́ндэ траш, сыр дрэ Египто́скиро дывэ́с, акэ, ёв джа́ла.”

Vygiiben 2:3

нэ на могины дурэды́р тэ гаравэл лэс, лыя́ тришчынатыр (тросникостыр) кхудо (корзина), и обчхудя́ лэс асфальтоса и смоласа; и, чхуви дрэ лэ́стэ тыкнэмасэс, чхудя́ дрэ тришчына (троснико) пашы́л брэ́го рэкакиро (лэнякиро).

Luka 10:19

акэ, шунэ́н: Мэ да́ва тумэ́нгэ зор тэ тэрдён пэ сапэндэ и скорпионэндэ и тэ пиризорьякирэн сари́ вэргоскири зор и нисаво́ чорипэ́н на явэ́ла тумэ́нгэ;

Ióvo 9:26

Дывэса́ проджа́на сыр сыгна тришчынитка па́рмы (корабли), сы́рбы о́рло (ки́до), саво́ чхурдэлапэ наужакирдэс пэ чордо дорэсыбэ́н.

Ереме́ё 49:14

Мэ шундём шуныбэ́н Ра́стыр-Дэвлэ́стыр и посло сыс бичхадо́ кэ Наюды́тка на́цыи тэ пхэнэ́л: ‘Кэдэнпэ кхэтанэ́, джа́н проти лэ́стэ, и тэрдён пэ марибэ́н!’

Авдиёс 1:1

Дыкхибэ́н Авдиёскиро. Адя́кэ ракирэ́ла Рай Дэвэ́л пал Эдо́мо: амэ шундя́м звесь (зан) Мирэ́ бичхаибнаскирэ манушэ́стыр, савэ́с Мэ, Рай Дэвэ́л, бичхадём машки́р на́цыи тэ пхэнэ́л: “Уштэ́н, явэ́н тэ ґаздаспэ пэ марибэ́н проти лэ́стэ.”

Avakumo 1:7

Ёнэ исын даракунэ и трашанэ мануша́: пхаро́ сэ́ндо кэрэ́ла лэ́нгири зор, лэ́ндыр кокорэндыр выджа́ла сэ́ндо.