Isajos 18:1 - Библия - Пэ Балтитко Романи чиб (Романэс) 2019

¹ Бида пхувьякэ, сави́ учхакирэ́ла пхакэнца пир доя́ риг Ефиопиякирэ рэкэндыр (лэнорьендыр).

Biblija - Pe Baltitko Romani čib (Romanes) 2019

¹ Bida phuvjake, saví učhakiréla phakenca pir doiá rig Jefiopijakire rekendyr (lenor'jendyr).

Isajos 18:1 Referans Kwoze

Софония 3:10

Дурипнастыр пал рэ́ки (лэня́) дрэ Ефиопия, Мирэ́ мангипнаскирэ (поклонники), Мирэ́ чхая́ Мирэ́ росчхурдынэ манушэ́ндыр, янэ́на Ма́нгэ свэ́нта дыибэна́.

4 Kralip 19:9

И шундя́ ёв зан (звесь) пал Тиргакостэ, Ефиопиякирэ крали́стэ; сыр лэ́скэ пхэндлэ́: “Ѓа́да, ёв выгия́ тэ марэ́лпэ ту́са.” И нэвэ́с бичхадя́ ёв манушэ́н кэ Езэки́я тэ пхэнэ́н.

Софония 2:12

Тумэн, Эфиопы, адя́кэ-паць пэкавэла Мири́ курта́ла.

Матфеё 23:37

Ерусалимэ! Ерусалимэ! Дро саво́ мулякирэнас пророкэ́н и шулякирэнас барэ́нца кодолэ́н, савэ́н бичхадэ́ кэ ту. Кицы́ мо́лы Мэ кама́м тэ скэдав чхаворэ́н тырэ́н, сыр чириклы скэдэ́ла чириклорэн тэл пхак и тумэ́ на камлэ́!

Езэкилё 30:9

Дро кодова́ дывэ́с явэ́на Ма́ндыр мануша́, савэ́ лыджа́на звесь (нэвипэн), ёнэ потрадэна пэ па́рмы (корабли), соб (кай) тэ страхакирэн биракхибнаскирэ, Ефиоплянэн, явэ́ла лэ́ндэ траш, сыр дрэ Египто́скиро дывэ́с, акэ, ёв джа́ла.”

Isajos 31:1

Бида одолэ́нгэ, савэ́ джа́на дро Еги́пто пал подрикирибэ́н, наде́я лэ́нгири пэ грэ́ндэ и пэ марибны́тка вурдэна́, пал-дова́ со бут лэн исын, пэ манушэ́ндэ, савэ́ традэ́на уклистэ́ пэ грэ́ндэ, савэ́ исын зоралэ́, а пэ Свэ́нто Израилё ёнэ на дыкхэ́на, и кэ Рай Дэвэ́л ёнэ на джа́на!

Psalmy 91:4

Ёв учхакирэ́ла тут Пэ́скирэ порэнца и ту латхэса гарадаипэн тэл Лэ́скирэ пхака́: лэ́скиро чачипэ́н явэ́ла тэ бронинэл и тэ затэрдёл пал Ту́тэ.

Psalmy 63:7

ке́ли мэ пририпирава Тут пэ миро чхуибэ́н, тэды мэ думинава пал Ту́тэ раты́, ке́ли джангадёвава,

Psalmy 61:4

Пал-дова́ со Ту са́нас сыр гарадыипэн ма́нгэ, сы́рбы зоралы́ вучарды́ (башня) мирэ́ вэргэ́ндыр.

Psalmy 57:1

Хоро́скирэ Дирижоро́скэ. На хасякир. Давидоскири Наде́я, ке́ли Ёв насця Саулостыр дрэ Ѓебар (Пешчэра).

Psalmy 36:7

Тыро́ чачипэ́н-дава́ исын сыр Дэвлэ́скирэ бэ́рги. Ту сэндякирэса чачунэ́с манушэ́н, сыр хор исын мо́рё (дэрья́в). Ту зракхэ́са манушэ́н и мурдалэ́н.

Psalmy 17:8

Ракх ман, сыр якхакири лялька (зрачко); гарав ман дрэ зэр (тенё) Тырэ́ пхакэнгири,

Ruta 2:12

мэк тэ дэл Рай Дэвэ́л пал дава́ рэ́ндо тыро́, и мэк тэ явэ́л ту́кэ пхэрды́ мазу́ри (награда) Ра́стыр-Дэвлэ́стыр, Израилёскирэ Дэвлэ́стыр, кэ Саво́ ту явдя́н, соб тэ штылёс тэл Лэ́скирэ пхака́!”

Isajos 37:9

И шундя́ ёв пал Тиргакостэ, Ефиопиякирэ крали́стэ. Лэ́скэ пхэндлэ́: “Акэ, ёв гия́ тэ марэ́лпэ ту́са.” Сыр ёв шундя́ дава́, то ёв бичхадя́ кэ Езэки́я и пхэндя́:

Isajos 45:14

Адя́кэ ракирэ́ла Рай Дэвэ́л: “Египтя́ни, савэ́ кэрэ́на буты́, и Ефиопляни, савэ́ бикнэна, и Савейцы, вучэ́ мануша́, явэ́на тырэ́ манушэ́нца; ёнэ пал ту́тэ явэ́на тэ джа́н пхандлэ зандирьенца (цэпэнца), явэ́на, пэрэ́на пэ чанга́, лэ́на тэ мангэ́н тут, ракири́: “Екх (фэ́ни) ту́тэ исын Екх Дэвэ́л, и явирэ нанэ Дэвлэ́с.”