Isajos 17:9 - Библия - Пэ Балтитко Романи чиб (Романэс) 2019

⁹ Дро дова́ дывэ́с зоралякирдэ фо́рья явэ́на сыр мэкно́ штэ́то дро вэш и пэ бэргакирэ вучипэна́, со явэ́на мэкнэ́ анги́л чхавэ́ндэ Израилёскирэндэ: и явэ́на руи́ны (чхучо́ штэ́то).

Biblija - Pe Baltitko Romani čib (Romanes) 2019

⁹ Dro dová dyvés zoraliakirde fórja javéna syr meknó štéto dro veš i pe bergakire vučipená, so javéna mekné angíl čhavénde Izrailjoskirende: i javéna ruíny (čhučó štéto).

Isajos 17:9 Referans Kwoze

Isajos 27:10

Пал-дова́ со зорало́ фо́ро чхучо́ явэ́ла, кхэра́ явэ́на чхурдынэ́, сыр чхучи́ пхув. Одо́й гуруворо явэ́ла тэ чаравэлпэ, одо́й ёв явэ́ла тэ пасёл и тэ хал лэ́скирэ рандя́.

Mihiejo 7:13

Нэ доя́ пхув явэ́ла чхучи́ (пусто) пал банг кодолэгири, кон дживэ́ла пэ ла́тэ, и пал дова́ чорипэ́н, со ёнэ кэрдэ́.

Mihiejo 6:16

Пал-дова́ со тумэ́ рикирдэпэ кэ стату́ты Амврияскирэ, и кэ сарэ́ бутя́ Ахавоскирэ кхэрэ́стыр, и тумэ́ кэрэ́на саро́ пир лэ́нгири годы́, со Мэ кэра́ва тумэ́ндыр голоты́ня (пустота), соб (кай) тэ дэн шоля тумарэ́ мануша́, и ячэ́лапэ пэ тумэ́ндэ бипатыв Мирэ́-манушэ́нгири.”

Mihiejo 5:11

И Мэ хасякира́ва фо́рья пэ тумари́ пхув, и Мэ равава кэ руи́ны сарэ́ тырэ́ зоралэ́ ва́нты (форты) (укреплении).

Amoso 7:9

И вучэ́ штэ́ты, пэ савэ́ янэ́на дыибэна́, явэ́на чхучэ́ (пуста), и свэ́нта штэ́ты Израилёскирэ явэ́на паштэ́ дрэ руи́ны. И Мэ ґазда́ва курта́ла пэ Еровоамоскиро кхэр.”

Osija 10:14

И ґаздэ́лапэ бу́нто машки́р тумарэ́ манушэ́ндэ, и сарэ́ тумарэ́ тва́рдыми / диз (крепости) явэ́на пхагирдэ́ – сыр Салмано пхагирдя́ Бет-Арбело дро марибны́тко дывэ́с: э дай сыс чингирды пэ котэра́ ла́кирэ биятэнца.

Isajos 17:8

Ёв на явэ́ла тэ дыкхэ́л пэ алта́ри, со исын буты́ лэ́скирэ вастэнгири, ёв на явэ́ла тэ дэл паты́в, со кэрдэ́ лэ́скирэ ангушта (пальцы), ци пэ каштунэ и́долы Астартакирэ ци кхамитка (Ваалоскирэ).

Isajos 17:10

Пал-дова́ со ту, Израилё, бистырдян Дэвлэ́с, тырэ́с Зракхибнаскирэс, и ту на рикирдян дрэ годы́, ска́ла тырэ́ – форо́скирэ рипирибнастыр; палдава́ ту почхудян камибнытка унты (сады) и вычхудян на тумарэ́ пхувья́кирэ-раслинакирэ рандёрья.