Isajos 17:8 - Библия - Пэ Балтитко Романи чиб (Романэс) 2019

⁸ Ёв на явэ́ла тэ дыкхэ́л пэ алта́ри, со исын буты́ лэ́скирэ вастэнгири, ёв на явэ́ла тэ дэл паты́в, со кэрдэ́ лэ́скирэ ангушта (пальцы), ци пэ каштунэ и́долы Астартакирэ ци кхамитка (Ваалоскирэ).

Biblija - Pe Baltitko Romani čib (Romanes) 2019

⁸ Jov na javéla te dykhél pe altári, so isyn butý léskire vastengiri, jov na javéla te del patýv, so kerdé léskire angušta (pal'cy), ci pe kaštune ídoly Astartakire ci khamitka (Vaaloskire).

Isajos 17:8 Referans Kwoze

Isajos 30:22

Тэ́ньци тумэ́ ґалёна, со на́лачхо исын идолэнгиро укэдыибэн тырэ́ рупэ́стыр и тырэ́ сувнака́стыр; ту чхурдэса пэ́скирэ и́долы, сыр магирипэ́н, и пхэнэ́са лэ́нгэ: “Джа́н криг адатхы́р.”

Isajos 27:9

И далэ́са злэлапэ (выкхосэлапэ) грэ́хо Яково́скиро, злэлапэ грэ́хо лэ́стыр, ко́ли ёв розмарэла сарэ́ бара́ алтарёстыр (жэртвеникостыр) дрэ котэра́ звёскакирэ, на явэ́на тэрдэ́ дэмбитка вэладиня (рошчы) и и́долы кхамэскэ.

Isajos 2:8

Пхэрдия лэ́нгири пхув идолэнца: ёнэ мангэ́нпэ долэ́скэ, со кэрдэ́ лэ́нгирэ васта́, долэ́скэ, со кэрдэ́ лэ́нгирэ ангушта.

Заха́рия 13:2

И явэ́ла дро дова́ дывэ́с’, – ракирэ́ла Рай Дэвэ́л, янголэ́нгирэ-болыбна́скиро, – ‘Мэ чхина́ва криг идолэнгирэ лава́ далэ́ пхувья́тыр, и пал лэ́ндэ нико́н буты́р на лэ́ла тэ рипирэл. Мэ адя́кэ кэра́ва, со кокорэ́ хоханэ́ пророкэ́н и нажужо ду́хо Мэ традава криг пхувья́тыр.

Софония 1:3

“Мэ хасякира́ва манушэ́н и мурдалэ́н (жывотнонэн), Мэ хасякира́ва болыбнытконэ чириклэн, мачхэн дро мо́рё (дэрья́в), Мэ хасякира́ва бара́, савэ́нгэ фуй мануша́ мангэ́напэ”. Мэ хасякира́ва манушэ́н, со ние́кх на ячэ́лапэ пэ пхув”, – ракирэ́ла Рай Дэвэ́л.

Osija 14:8

Ёнэ, савэ́ явэ́на тэ дживэ́н тэл Мири́ зэр (засенка), рисёна и ёнэ явэ́на тэ отджидён сы́рбы гив, и явэ́на тэ барьён сы́рбы винаграды́тко кашт. Ёнэ явэ́на лачхэ́с тэ пахнисон сы́рбы мол (вино) Ливаностыр.”

Езэкилё 36:25

И Мэ брызгинава тумэн жужэ́ пане́са, тумэ́ жужакирэнапэ сарэ́ тумарэ́ магирипнастыр, Мэ жужакирава тумэн сарэ́ тумарэ́ идолэндыр.

Isajos 44:15

Далэ́ каштэ́стыр ману́ш татёла, хачкирэ́ла лэс дрэ яг и пэкэла маро́. И далэ́ каштэ́стыр кэрэ́ла дэвлорэс и мангэлапэ лэ́скэ; кэрэ́ла идоло и пэрэ́ла анги́л лэ́стэ пэ чанга́.

Isajos 1:29

“Ёнэ явэ́на ладжакирдэ́ пал дэмбитка вэша́, савэ́ адя́кэ тумэ́нгэ исын пир ило́, и тумэ́ лолёна пал унты (сады), савэ́ тумэ́ выкэдынэ́ пэ́скэ.

2 Паралипоменоно 34:4

И роспхагирдэ́ анги́л лэ́скиро муй Ваалэнгирэ алта́ри и статулы, савэ́ сыс вучэ́с пэ лэ́ндэ; и свэнцындлэ вэша́ ёв вычингирдя, и кажна вычхиндлэ́ и вычхудэ́ муя́ роспхагирдя́, и розмардя́ дро пра́хо, и росчхудя́ пэ коплицы долэнгирэ, савэ́ янэ́нас лэ́нгэ свэ́нто дыибэ́н.

2 Паралипоменоно 14:5

и ёв отпарудя (на прилыя́) дрэ сарэ́ Юдэе́нгирэ фо́рья вучипэна́ и статулы кхамэскэ. И штыл сыс пашы́л лэ́стэ дро кралипэ́н.

Vygiiben 34:13

Алта́ри лэ́нгирэ роскэдэн, сты́лбы лэ́нгирэ пхагирэн, вычингирэн лэ́нгирэ свэ́нта вэладиня (рошчы),

Яви́р Зако́но 7:5

Нэ адя́кэ кэрэ́н лэ́нца: алта́ри (жэртвеники) лэ́нгирэ роспхагирэн, сты́лбы лэ́нгирэ пхагирэн, и вэшорэ лэ́нгирэ вычингирэн и лэ́нгирэ каштунэ дэвлорэ́ хачкирэ́н яга́са;

2 Kralip 22:42

Ёнэ мангэна, нэ нанэ зракхибнарис, – кэ Рай Дэвэ́л, нэ Ёв на отпхэнэ́ла лэ́нгэ.

Isajos 10:20

Явэ́ла дро дова́ дывэ́с: Израилёскиро ячаибэ́н и одолэ́; кон зракхцяпэ Яково́скирэ кхэрэ́стыр, на явэ́на тэ допатян буты́р одолэ́скэ, кон домардя́ лэн, нэ ёнэ явэ́на тэ патя́н Ра́скэ-Дэвлэ́скэ, Свэнтонэ́-Израилёскирэ Дэвлэ́скэ сарэ́ илэ́са.

Isajos 17:9

Дро дова́ дывэ́с зоралякирдэ фо́рья явэ́на сыр мэкно́ штэ́то дро вэш и пэ бэргакирэ вучипэна́, со явэ́на мэкнэ́ анги́л чхавэ́ндэ Израилёскирэндэ: и явэ́на руи́ны (чхучо́ штэ́то).

Isajos 37:19

И чхурдынэ́ дрэ яг лэ́нгирэ дэвлорэ́, нэ далэ́ сыс на дэвэла́, а буты́, сави́ кэрдэ́ васта́ манушэ́скирэ, кашт и бар, палдава́ хасякирдэ́ лэн.

Isajos 41:29

Чачэс, ёнэ сарэ́ ничы́ на мол; лэ́нгирэ бутя́ нисо́, а лэ́нгирэ выбиладэ муя́ (истуканы), исын балва́л и чхучипэн.

Ереме́ё 17:2

Пал-дова́ со лэ́нгирэ чхаворэ́ рипирэна лэ́нгирэ алта́ри и лэ́нгирэ дэмбитка вэладиня (рошчы) [и лэ́нгирэ и́долы Ашэрахи-ю.о.], савэ́ исын пашы́л зэлэна дрэвы пэ вучэ́ бэ́ргицы,

2 Паралипоменоно 31:1

И пэ ко́нцо (яго́ро) сарэ́ далэскэ, гинэ́ сарэ́ Израильтя́ни, савэ́ одо́й сыс, дрэ Юдэя́кирэ фо́рья, и розмардэ статулы, чингирдэ тэлэ́ свэнцона вэша́, и роспхагирдэ́ вучипэна́ и алта́ри пэ сари́ Юдэ́я и пэ пхув Вениаминоскири, Ефремо́скири и Манасияскири, пэ ко́нцо (яго́ро). И пало́ дова́ рисинэ́ сарэ́ Израилёскирэ чхавэ́, кажно дро пэ́скиро хулаибэн, дрэ пэ́скирэ фо́рья.

Osija 14:9

Ефре́мо пхэнэ́ла: ‘Со ма́нгэ ишчо (инкэ́) трэй идолэндыр?’ Мэ отпхэнава лэ́скэ: ‘Мэ ява́ва тэ шунав, и тэ дыкха́в пал ту́тэ? Мэ ява́ва сыр кипарисо, саво́ розмэкця, Рай Дэвэ́л, патря (листы). Ма́ндыр явэ́на ту́тэ баритка (пло́ды).’