Isajos 17:6 - Библия - Пэ Балтитко Романи чиб (Романэс) 2019

⁶ И ячэ́напэ лэ́стэ сы́рбы дуй ци трин оливитка му́ри пэ са́мо упратуны рандь, ци штар ци пандж пэ са́мо пхабитко рандь пало́ дова́, сыр вымарэна (укэдэна) умалото оливитконэ каштэ́стыр”, – ракирэ́ла Рай Дэвэ́л, Дэвэ́л Израилёскиро.

Biblija - Pe Baltitko Romani čib (Romanes) 2019

⁶ I jačénape léste sýrby duj ci trin olivitka múri pe sámo upratuny rand', ci štar ci pandž pe sámo phabitko rand' paló dová, syr vymarena (ukedena) umaloto olivitkone kaštéstyr”, – rakiréla Raj Devél, Devél Izrailjoskiro.

Isajos 17:6 Referans Kwoze

Isajos 24:13

А машки́р пхув, машки́р народы, явэ́ла адя́кэ, сыр сыс, ке́ли обмарэнас маслины и скэдэнас винаградо, ко́ли саро́ укэдэнас.

Яви́р Зако́но 4:27

и росчхурдэла тумэн Рай Дэвэ́л пир сарэ́ манушэ́ндэ тэ дживэ́н, и ячэ́напэ пэ на́бут машкира́л манушэ́ндэ, кэ савэ́ залыджала тумэн Рай Дэвэ́л.

Римлянэнгэ 9:27

Исаё ракирэ́ла роибнаса пал Израилё: “Мэк Израилёскирэ чхавэ́ тэ явэ́н ада́кицы бут, кицы́ исын морёскиро (дэрьявэ́скиро) пра́хо, а усае́кх набари паш лэ́ндыр зракхэ́лапэ:

Авдиёс 1:5

“Ко́ли явэ́нас чора кэ ту, ци розмарибнаскирэ чора раты́, – со адя́кэ зоралэ́с обчордэ тут. Ци на лэнас ёнэ фэ́ни (то́ка) ада́кицы, кицы́ лэ́нгэ трэиндя́? Ко́ли явэ́нас винаградонэ-кэдыбнаскирэ (сборшчыки), со ж ёнэ на мэкэнас ту́кэ вари-кицы́ мурины?

Сэндарьенгири Лылвари́ 8:2

Гедео́но отпхэндя́ лэ́нгэ: “Ци исын кэрдём мэ со вари-со дасаво, сыр тумэ́ какана́ кэрдэ́? Ци на бахталэдыр о Ефре́мо подкэдыя винаградо, сыр Авиезеро обкэдыя?

Римлянэнгэ 11:26

и адя́кэ саро́ Израилё зракхэ́лапэ. И сыр исын чхиндло́ пал дава́: “Зракхибнари явэ́ла Сионо́стыр; и Ёв отрискирэла бидэвлыткима Яковостыр.

Mihiejo 7:1

Бида ма́ндэ! Пал-дова́ со мэ, сом сы́рбы ману́ш, кон кэдэла лынаитка му́ри, сы́рбы кодолэ́, кон подкэдэла винаградо (дракх), нанэ ние́кх грозно (вэтка му́ри) тэ хав, нанэ ние́кх спяло мурина, со миро ди камэ́ла.

Езэкилё 39:29

Мэ на ява́ва тэ закэрав лэ́ндыр Миро муй, пал-дова́, со Мэ чхува́ва Миро ди пэ Израилёскиро кхэр”, – ракирэ́ла Рай Дэвэ́л, Дэвэ́л.

Isajos 27:12

Нэ явэ́ла дрэ дова́ дывэ́с адя́кэ: Рай Дэвэ́л лэ́лапэ пало́ саро́, барэ́ рэка́тыр (лэня́тыр) кэ рэка (лэнь) Египто́скири, и тумэ́, чхавэ́ Израилёскирэ, скэдэ́напэ екх кэ екх.

Isajos 10:22

Ко́ли б тэ явэ́л ту́тэ, Израиле, ада́кицы манушэ́н, кицы́ исын пра́хо пэ мо́рё (дэрья́в), обрисёла екх ячаибэ́н: хасибэ́н явэ́ла пир чачипэ́н, пир чачипэ́н пхэндло́, со явэ́ла хасибэ́н.

Isajos 1:9

Ко́ли б на ячкирдя́ Рай Дэвэ́л, болыбна́скирэ-янголэ́нгиро, амэ́нгэ набаро́ ячаибэ́н, то са́мас бы амэ, сыр Содо́мо, амэ зджа́сас (поджа́сас) бы пэ Гомо́ра.

3 Kralip 19:18

Ишчо Мэ ячкирдём машки́р Израильтянэндэ эфта́ тысёнцы муршэ́н: сарэ́ далэ́ кхэри́тка ро́ды на пынэ́ пэ чанга́ анги́л Ваалостэ, и сарэнгирэ ушта́ лэ́ндыр на чамудэнас лэс.”

Ереме́ё 4:27

Пал-дова́ со адя́кэ пхэндя́ Рай Дэвэ́л: “Сари́ пхув явэ́ла чхучакирды (чхучи́), нэ Мэ на сарэ́са хасякира́ва пхув.