Isajos 17:3 - Библия - Пэ Балтитко Романи чиб (Романэс) 2019

³ Твардыма Ефремо́скири и Дамаскоскирэ-кралипнаскири и кхэтанэ́ Сириякирэ ячаибнаса, явэ́ла дасави́-паць сыр и сла́ва Израилёскирэ чхавэ́ндыр”, – ракирэ́ла Рай Дэвэ́л, болыбна́скирэ-янголэ́нгиро.

Biblija - Pe Baltitko Romani čib (Romanes) 2019

³ Tvardyma Jefriemóskiri i Damaskoskire-kralipnaskiri i khetané Sirijakire jačaibnasa, javéla dasaví-pac' syr i sláva Izrailjoskire čhavéndyr”, – rakiréla Raj Devél, bolybnáskire-jangoléngiro.

Isajos 17:3 Referans Kwoze

Osija 9:11

Ефремоскиро барипэ́н, сыр чириклы вурняла криг – на явэ́ла ни бияныпэ́н, ни пхарипэ́н, нанэ ни кхабныпэн (зачатиё).

Isajos 8:4

Пал-дова́ со англэды́р, сыр бия́то высыклёла тэ пхэнэ́л: ‘Да́до Миро, Даё Мири́’ – барвалыпэ́н Дамаскостыр, дорэсыбэ́н Самариятыр лыджа́на анги́л Асирия́кирэ крали́стэ.”

Isajos 7:16

Пал-дова́, со англэды́р, сыр дава́ чхаворо́ высыклёла тэ отчхурдэл налачхипэн и тэ выкэдэл лачхипэ́н, пхув, савья́тыр ту дарэса, ячкирэна дуй ла́кирэ кра́лья.

Isajos 7:8

Сирия́киро шэро́ исын Дама́ско, Дамаскоскиро шэро́ исын Рецыно, а ко́ли проджа́на шовдэша́ и пандж бэрш, Ефре́мо пириячэ́ла тэ явэ́л народоса.

Amoso 8:14

савэ́ совлахана грэхоса Самарияскирэса, савэ́ ракирэ́на: “Тэ явэ́л джидо́ тыро́ дэвэл, Данё!” И ишчо (инкэ́): “Тэ явэ́л дром цэ́ло кэ Вирса́вия!” Ёнэ пэрэ́на и ние́кхвар на уштэна нэвэ́стыр!

Osija 10:14

И ґаздэ́лапэ бу́нто машки́р тумарэ́ манушэ́ндэ, и сарэ́ тумарэ́ тва́рдыми / диз (крепости) явэ́на пхагирдэ́ – сыр Салмано пхагирдя́ Бет-Арбело дро марибны́тко дывэ́с: э дай сыс чингирды пэ котэра́ ла́кирэ биятэнца.

Osija 8:8

Израилё адя́кэ-паць исын накхадо (проглыниндло): акана́ ёнэ ячнэ́ машки́р Наюды́тка на́цыи сы́рбы кхоро́ (сасудо), со на пир ило́ никонэ́скэ.

Osija 3:4

Пал-дова́ со чхавэ́ Израилёскирэ ячэ́напэ бут дывэса́ би крали́скиро, би тхагари́скиро, би свэнтонэ́-дыибна́скиро, би обсвэнцындлэ́-стылбо́скиро, би эфодо́скиро, би терафимо́скиро.

Osija 1:6

И ёй нэвэ́стыр яця́ пхари́ и ёй бияндя́ чхаёрья. И Дэвэ́л пхэндя́ Осияскэ: “Дэ лав ла́кэ Лорухама, пал-дова́ со Мэ буты́р на ява́ва тэ сыкавав ла́ска пэ кхэр Израилёскиро, соб (кай) тэ отмэкав банг лэ́нгэ.

Osija 1:4

И пхэндя́ Рай-Дэвэ́л лэ́скэ: “Дэ лав лэ́скэ Изреелё, пал-дова́ со ишчо (инкэ́) на́бут и проджа́ла и Мэ дукхавава палэ пал рат дро Изрееле, со прочхудяпэ дро кхэр Ииуёскиро (Игуёскиро), и Мэ кэра́ва адя́кэ, со пириячэна тэ явэ́н кра́лья кхэрэ́стыр Израилёскирэстыр.

Isajos 17:4

“И явэ́ла адя́кэ дро дова́ дывэ́с, со тыкнёла сла́ва Яковоскири, и тхулыпэн лэ́скирэ масэ́ндыр явэ́ла шукэдыр.

Isajos 16:14

Нэ акана́, акэ, со Рай Дэвэ́л пхэндя́: “Пир далэ́ трин бэрша́ сы́рбы бутярнэстэ, конэ́с лынэ́ пэ буты́, бут мануша́ явэ́на тэ дыкхэ́н вучипна́са пэ сла́ва Моавоскири, и на́бут бизорья́кирэ мануша́ ячэ́напэ.”

Isajos 10:9

Ци на Халнё, ци на дова́, со исын Кархемисо, ци Емафо на дова́, со исын Арпадо? Ци Сама́рия на дова́, со исын Дама́ско?

4 Kralip 17:6

Пэ еня́то бэрш, сыр лыя́ тэ кралинэ́л Осия, Асирия́киро кра́ли лыя́ Сама́рия, и лыджия́ Израильтянэ́н тэ дживэ́н кэ Асирия, и чхудя́ лэн дрэ Халахо и дро Хаворо, пашы́л рэка (лэнь) Гозано, и дрэ фо́рья Мидиякирэ.

4 Kralip 16:9

И кандыя́ лэс Асирия́киро кра́ли; и гия́ Асирия́киро кра́ли пэ Дама́ско, и лыя́ лэс, и пирилыджия лэ́скирэ манушэ́н дрэ Киро, а Рецынос замардя́.

Isajos 25:2

Ту роспхагирдян зоралы́ тва́рдыма сарэ́са, райкано кхэр (харомо), саво́ кэрдэ́ мануша́, буты́р нанэ дро фо́ро, буты́р николи лэс на ґаздэ́на.