Isajos 17:10 - Библия - Пэ Балтитко Романи чиб (Романэс) 2019

¹⁰ Пал-дова́ со ту, Израилё, бистырдян Дэвлэ́с, тырэ́с Зракхибнаскирэс, и ту на рикирдян дрэ годы́, ска́ла тырэ́ – форо́скирэ рипирибнастыр; палдава́ ту почхудян камибнытка унты (сады) и вычхудян на тумарэ́ пхувья́кирэ-раслинакирэ рандёрья.

Biblija - Pe Baltitko Romani čib (Romanes) 2019

¹⁰ Pal-dová so tu, Izrailjo, bistyrdian Devlés, tyrés Zrakhibnaskires, i tu na rikirdian dre godý, skála tyré – foróskire ripiribnastyr; paldavá tu počhudian kamibnytka unty (sady) i vyčhudian na tumaré phuvjákire-raslinakire randjorja.

Isajos 17:10 Referans Kwoze

Ереме́ё 2:32

Ци могинэ́ла чхай тэ бистрэл ла́кири шукарни вя́нка (шука́р укэдыибэн)? Ци тэрны́ тэ бистрэл ла́киро шукарно урибэ́н? Нэ Мирэ́ мануша́ бистрэнас Ман ада́кицы бут дывэса́, со нашты́ тэ погинас.

Isajos 26:4

На ячкирэн (на ячавэн) Рас-Дэвлэ́с николи, пал-дова́ со Рай Дэвэ́л исын зоралыпэ́н ве́чно.

Яви́р Зако́но 32:18

Одолэ́с, Кон затэрдия пал ту́тэ, Израилё, бияндя́ тут, ту забистырдян, и на пририпирдян Дэвлэ́с, Саво́ тут создыя́.

Psalmy 106:21

Ёнэ бистырдэ Дэвлэ́с, лэ́нгирэ Зракхибнаскирэс, Саво́ кэрдя́ барэ́ рэ́нды дро Еги́пто,

Яви́р Зако́но 32:4

Ёв исын зоралы́ Твардыма; Лэ́скирэ рэ́нды исын бидошэнгирэ, и сарэ́ дрома́ Лэ́скирэ исын чачунэ́. Дэвэ́л исын чачуно́, и нанэ начачипэ́н дрэ Лэ́стэ; Ёв исын чачуно́ и патяибны́тко.

Osija 8:14

Израилё бистырдя пал Лэ́скирэ Создыибнаскирэстэ, и ёнэ чхудэ́ пэ́скэ мангипнытка штэ́ты (капишчы), и о Юда адя́кэ-паць бутэды́р кэрдя́ пэ́скэ фо́рья зоралэ́ вантаса: нэ Мэ бичхава́ва яг пэ лэ́скирэ фо́рья, и ёй похала лэ́нгирэ барэ́ фэлатиня́ / колова́ (дворцы).

Ереме́ё 17:13

Раё Дэ́вла! Ту́тыр ужакирэ́ла лачхипэ́н Израилё! Сарэ́, кон мэкнэ́ Ту́тыр, явэ́на ладжакирдэ́. Сарэ́, кон дуринэ (отгинэ́) Ту́тыр, явэ́на чхиндлэ́ пэ пхув. Пал-дова́ со ёнэ ячкирдэ́ Рас-Дэвлэ́с, Саво́ исын джидэ́-пане́скири ґаны́нг.

Ереме́ё 12:13

Ёнэ чхудэ́ дрэ пхув гив, нэ ёнэ счхиндлэ пхусадытка хру́сты, ёнэ кхинякирдэ пэс кэ дукха́, и лэ́нгэ на удэлапэ кэ миштыпэ́н. Ладжан дасавэ́ тумарэ́ чорорэ́ умалотостыр, пал-дова́ со явэ́ла бари холы́ Ра́стыр-Дэвлэ́стыр.

Isajos 51:13

Кон ту сан, ко́ли бистрэса Рас-Дэвлэ́с, Саво́ тут создыя́, Саво́ протырдыя́ болыбэ́н и дыя́ джиибэ́н пхувьякэ? Кажно дывэ́с ту дарэса тырэ́-вэргоскирэ холя́тыр, адя́кэ, сы́рбы вэ́рго исын пашы́л ту́тэ, саво́ камэ́ла тэ хасякирэ́л тут. Нэ кай исын лэ́скири холы́?

Isajos 12:2

Акэ, Дэвэ́л исын Миро зракхибэ́н; допатяв Лэ́скэ и на дарав, пал-дова́, со Рай Дэвэ́л исын зор мири́, багаибэн миро – Рай Дэвэ́л; Ёв сыс Миро зракхибэ́н.”

Psalmy 106:13

Нэ ёнэ бистырдэ пал Лэ́скирэ бутя́, ёнэ на ужакирдэ, пака явэ́ла Дэвлэ́скири годы́ пэ дава́:

Psalmy 85:4

Ту скэдыян кэ Пэ сари́ Пэ́скири бари холын, Ту порисиян Тырэ́-холынакирэ ягатыр.

Яви́р Зако́но 32:31

Пал-дова́ со затэрдибнаскиро лэ́нгиро нанэ адасаво́, сыр исын амаро́ Затэрдибнаскиро; кокорэ́ вэ́рги (вроги) амарэ́ сэнда́рья дрэ дова́.

Psalmy 79:9

Подэ васт, о Дэ́вла, Саво́ зракхэ́са амэн ваш сла́ва Тырэ́ лавэ́скэ, зра́кх и отмэк амэ́нгэ амарэ́ грэ́хи ваш Тыро́ лав.

1 Паралипоменоно 16:35

И пхэнэ́н: “Зра́кх амэн, Дэ́вла, Зракхибнари амаро́! Скэ́дэ амэн и выракх (збавин) амэн Наюдытконэ́ манушэ́ндыр, амэ барьякираса свэ́нто лав Тыро́ и шарасапэ слава́са Тырьяса!

Яви́р Зако́но 32:15

И тхулыя Израилё, и яця́ пхарэ́-илытко; яця́ тхуло, зоралыя и ростхулыя; и ячкирдя́ ёв Дэвлэ́с, Саво́ создыя́ лэс, и лыя́ на́бут тэ кутякирэл Лэс, Саво́ выракхця лэс.

Яви́р Зако́но 28:30

Ромня́са обрэнчынэсапэ (ангрустякирэсапэ) и яви́р явэ́ла тэ совэ́л ла́са; кхэр чхувэ́са и на явэ́са тэ дживэ́с дрэ лэ́стэ; винагра́днико почхувэса ту дрэ пхув, и на явэ́са тэ лэс му́ри лэ́стыр.

Яви́р Зако́но 8:19

Ко́ли ту бистрэса Рас-Дэвлэ́с, Дэвлэ́с тырэ́с, и джа́са пал явирэ дэвлорэндэ, и ту явэ́са тэ дынаринэс лэ́нгэ и тэ мангэспэ лэ́нгэ, тэды Мэ ракира́ва тумэ́нгэ ададывэ́с, со тумэ́ хасёна;

Яви́р Зако́но 8:14

тэды дыкх, соб (кай) тэ на запхутёл тыро́ ило́, и, соб (кай) ту тэ на бистрэс Рас-Дэвлэ́с, Дэвлэ́с тырэ́с, Саво́ вылыджия́ тут Египто́скирэ пхувья́тыр, писхарибнаскирэ кхэрэ́стыр;

Яви́р Зако́но 8:11

Ракхпэ, соб (кай) ту тэ на бистрэс Рас-Дэвлэ́с, Дэвлэ́с тырэ́с, нэ ракх Лэ́скирэ припхэныбэна́, и Лэ́скирэ зако́ны, и Лэ́скирэ упхэныбэна́, пал савэ́ ададывэ́с Мэ ракира́ва ту́кэ.

Яви́р Зако́но 6:12

тэды ракхпэ, соб (кай) ту тэ на бистрэс Рас-Дэвлэ́с, Саво́ вылыджия́ тут Египто́скирэ пхувья́тыр, писхарибнаскирэ кхэрэ́стыр.

Левито 26:20

и ивья́ (напра́снэс) явэ́ла тэ зджал тумари́ зор, и пхув тумари́ на дэ́ла пэ́скирэ чарьенгэ тэ барьён, и пхувья́кирэ вэша́ на дэ́на пэ́скирэ барьякирдэ́ (пло́ды).

Левито 26:16

то тэды и Мэ кэра́ва тумэ́нца адя́кэ: Мэ бичхава́ва пэ тумэ́ндэ дар, насвалыпэн и хачкирибэ́н, савэ́ндыр кхинёна якха́ и нашавэла зор ди, и тумэ́ явэ́на тэ почхувэн дрэ пхув тумарэ́ зя́рки (семи) ивья́, и тумарэ́ вэ́рги схана лэн;

Софония 1:13

Палдава́ росчорэна лэ́нгиро барвалыпэ́н, и лэ́нгирэ кхэрэндыр ячэ́лапэ голоты́ня; ёнэ явэ́на тэ чхувэ́н кхэра́, нэ ёнэ на явэ́на тэ дживэ́н дрэ лэ́ндэ: ёнэ явэ́на тэ почхувэн винаграды́тка хру́сты дрэ пхув, нэ ёнэ на явэ́на тэ пьен мол (вино).

Avakumo 3:18

нэ мэ усае́кх древа́н ява́ва тэ радынавпэ Ра́стыр-Дэвлэ́стыр, и мэ ява́ва тэ радынавпэ Дэвлэ́стыр, Саво́ зракхэ́ла ман.

Amoso 5:11

Палдава́, со тумэ́ штакирэна (притасавэ́на) чорорэс, и тумэ́ лэ́на лэ́стыр почасту́нки гивэса; на дыкхи́ пэ дова́, со тумэ́ чхудэ́ кхэра́ вычингирдэ барэстыр, тумэ́ усае́кх на явэ́на тэ дживэ́н дрэ лэ́ндэ; тумэ́ почхудэ дрэ пхув шука́р винаграды́тка унты (сады), нэ тумэ́ на явэ́на тэ пьен мол (вино) лэ́ндыр.

Osija 4:6

Мирэ́ мануша́ хасёна пир дова́, со лэ́ндэ на ухтылэ́ла (на́доси) джиныбэ́н Нэ пал-дова́, со тумэ́, рашаялэ, отпхэндлэпэ джиныбнастыр, Мэ адя́кэ-паць отпхэнава тумэ́нгэ, соб (кай) тумэ́ буты́р тэ на явэ́н сыр рашая́ анги́л Ма́ндэ, и пир дова́, со, тумэ́ бистырдэ Дэвлэ́скиро Зако́но, Мэ бистрава тумарэ́ чхаворэ́н (биятэ́н).

Psalmy 65:5

Бахтало́ исын кодова́, конэ́с Ту выкэдыян и чхудя́н пашылэды́р кэ Пэ: ёв явэ́ла тэ дживэ́л дрэ тырэ́ грэды (дворы), амэ ява́са чалэ лачхипнастыр дро Тыро́ Кхэр, дрэ тыри́ Кхангири́.

Psalmy 31:2

Дрэ Ту́тэ, О Раё Дэ́вла, мэ родава гарадыипэн, мэк мэ ние́кхвар тэ на явав ладжакирдо́: зра́кх ман пир Тыро́ чачипэ́н.

Psalmy 18:2

И пхэндя́ ёв: “Мэ рикирава сыр Дро́гима Тут дро ило́, Раё Дэ́вла, Ту дэ́са зор ма́нгэ.

Psalmy 9:17

Рай Дэвэ́л сыкадя́ Пэс, Кон Ёв исын, ке́ли Ёв лыджия́ сэндытка рэ́нды чачипна́са; фуй мануша́ хасёна далэ́стыр, со ёнэ кэрдэ́ пэ́скирэ вастэ́нца. Штыл (тихо) мелодия. Сэ́ла.

Isajos 17:9

Дро дова́ дывэ́с зоралякирдэ фо́рья явэ́на сыр мэкно́ штэ́то дро вэш и пэ бэргакирэ вучипэна́, со явэ́на мэкнэ́ анги́л чхавэ́ндэ Израилёскирэндэ: и явэ́на руи́ны (чхучо́ штэ́то).

Isajos 18:5

Англэды́р долэ́стыр, сыр выбарьёла винаградо (дракх) и лэ́на лэс тэ скэдэ́н, Ёв отчхинэла рандя́ чхурьяса, и отлэла и отчингирэла.

Isajos 25:4

Ту са́нас зракхибнаса ваш чорорэскэ, зракхибнаса ваш чорорэ́ манушэ́скэ, сыр сыс пхаро́ лэ́скэ; зракхибнаса зоралэ́ балвалятыр, и кхамэстыр. А холямо́ пхурдыпэн налачхэ́ манушэ́ндыр сыс сыр балва́л, ко́ли ёй пэ ва́нта ґаздэ́лапэ.

Isajos 30:29

А кэ тумэ́ явэ́на гиля́ сыр ратя́киро пэ свэ́нто свэ́нко, и явэ́ла радыпнытко (лошало) / тэ радынэ́лпэ ило́ сыр одолэ́стэ, кон башавэла и ґаздэ́лапэ пэ бэ́рга Ра́скирэ-Дэвлэ́скири свиролькаса, кэ зоралыпэ́н Израилёскиро.

Isajos 33:2

Раё Дэ́вла! Зра́кх амэн! Пэ Ту́тэ исын амари́ наде́я. Яв тася́рлэс (ра́нэс) амарэ́ вастэ́са, амарэ́ зракхибнаса дро пхаро́ часо.

Isajos 44:8

На дарэ́н, и на трашан: ци на пхэндём Мэ ту́кэ ґара́, ци на ангилпхэндём? И тумэ́ досыкавэна (допхэнэна) пал Ма́ндэ. Ци исын яви́р Дэвэ́л апри́ч Ма́ндэ? Нанэ ни сави́ яви́р ска́ла [нанэ яви́р Дэвэ́л-ю.о.], ни со буты́р Мэ на джина́в.

Isajos 61:10

Радыма́са мэ ла́ва тэ радынавпэ пал Растэ-Дэвлэ́стэ; явэ́ла тэ радынэ́лпэ зоралэ́с миро ду́хо (фа́но) пал мирэ́ Дэвлэ́стэ, пал-дова́ со Ёв уридя ман дрэ и́ди зракхибнытка, уридя ман чачипнаскирэ урибнаса; сыр пэ тэрнэстэ Ёв чхудя́ вя́нка, сыр тэрня укэдыя.

Isajos 62:11

Акэ, Рай Дэвэ́л пхэнэ́ла кэ сари́ пхув: “Пхэнэ́н патывалэ́ чхакэ Сионо́стыр: акэ, джа́ла тыро́ Зракхибнари, Лэ́скири мазу́ри (награда) исын Лэ́са, и отдыибэ́н Лэ́скиро исын анги́л Лэ́стэ.

Ереме́ё 3:21

Шунэ́н заня́ пэ вучэ́ штэ́ты, сыр ровэна и мангэ́напэ Израилёскирэ чхаворэ́, пал-дова́ со ёнэ пиририскирдэ пэ́скирэ дрома́ дро джиибэ́н, и ёнэ бистырдэ Рас-Дэвлэ́с, пэ́скирэ Дэвлэ́с.

Езэкилё 23:35

Палдава́ адя́кэ ракирэ́ла Рай Дэвэ́л, Дэвэ́л: ‘Пал-дова́ со ту бистырдян Ман, рискирдян тыро́ думо́ пэ Ма́ндэ, мэк тэ явэ́л ту́тэ биба́хт пал тыро́ тырдыпэ́н кэ грэ́хо, пал тырэ́ биладжунэ рэ́нды.’”

Ioil 1:17

Зя́рки кирнынэ тэл лэ́нгирэ комки, пираля́ (кладовки) ячнэ́ чхучэ́; шурны пхагирдэ́, пал-дова́ со гив вышутия.

Езэкилё 22:12

Кэ ту мануша́ лэ́на мыто (взятка), соб (кай) тэ чхувэ́н рат, ту дэсас ловэ́ тэло ко́фо (процэнто), и лэсас барэды́р бажын (лихва) ту зорья́са отлэсас миштыпэ́н тырэ́ пшалэстыр, а пал Ма́ндэ бистырдян, – ракирэ́ла Рай Дэвэ́л, Дэвэ́л.