Isajos 15:2 - Библия - Пэ Балтитко Романи чиб (Романэс) 2019

² Ёв ґаздэ́лапэ кэ Баито и Дивоно, ґаздэ́лапэ пэ вучэ́ штэ́ты, соб (кай) ёв тэ ровэл; ровэла Моа́во пал Нэво́ и Медева, лэ́ндэ сарэ́ндэ исын обчхиндлэ́ бала́, сарэ́ндэ исын вымурадэ чхора (брода).

Biblija - Pe Baltitko Romani čib (Romanes) 2019

² Jov ĥazdélape ke Baito i Divono, ĥazdélape pe vučé štéty, sob (kaj) jov te rovel; rovela Moávo pal Nevó i Miedieva, lénde sarénde isyn občhindlé balá, sarénde isyn vymurade čhora (broda).

Isajos 15:2 Referans Kwoze

Ереме́ё 48:1

Проти Моа́во. Адя́кэ ракирэ́ла болыбна́скирэ-янголэ́нгиро Рай Дэвэ́л, Дэвэ́л Израилёскиро: “Бида фороскэ Не́во: Пал-дова́ со ёв исын пхагирдо́, Кариафаимо исын ладжакирдо́ и лыно́; Мизгаво исын ладжакирдо́ и пхагирдо́.

Левито 21:5

Лэ́нгэ нашты́ тэ чхинэн кэ нангипэ́н (тэ муравэн) пэ́скирэ шэрэ́ и тэ подчхинэн яго́ры (краи́) дрэ пэ́скирэ чхора (брода), и тэ кэрэ́н чхиныбэ́н пэ пэ́скирэ маса́.

Ереме́ё 48:18

Джа́ тэлэ́ славутнонэ штэто́стыр, и бэш смэгаса тэ пьел, чхай Дивоноскири, кон дживэ́ла дро дова́ фо́ро. Розмарибнаскиро пэ Моа́во явдя́ пэ ту́тэ, ёв розмарэла пэ котэра́ тырэ́ зоралэ́ ва́нты (тва́рдыми).

Isajos 3:24

Мурша́ тырэ́ пэрэ́на куртала́тыр, зоралэ́ тырэ́ хасёна пэ марибэ́н.

Яви́р Зако́но 34:1

И гия́ упрэ́ Мо́йза Моавитоскирэ лошчынэндыр пэ бэ́рга Нево, пэ Фасгакиро вучипэ́н, со исын проти Ерихо́но, и сыкадя́ лэ́скэ Рай Дэвэ́л сари́ пхув Галаадоскири кэ Дано,

Čysly 21:30

амэ домардям лэн марибнытконэ́ бустенца (стрелэнца); хасия́ Есево́но кэ Дивоно, амэ чхучакирдям (спустошындям) лэн кэ Нофа, сави́ исын на́дур Медеватыр.

Езэкилё 7:18

Тэ́ньци ёнэ урьенапэ дро балытко гуно праскаса, и учхакирэ́ла лэн трашаибэ́н, ладж явэ́ла пэ муя́ и ёнэ обчхинэна пэ́скирэ бала́.

Ереме́ё 48:31

Палдава́ Мэ ява́ва тэ ровав зоралэ́с пал Моа́во, и Мэ ява́ва тэ дав го́дла пал сарэ́ндэ Моавостыр; Мэ ява́ва тэ тугинав ясвэ́нца пал манушэ́ндэ Кир-Харесостыр.

Ереме́ё 47:5

Газа ячэ́ла бибалэнгири, Аскалоно [Ашкелоно-ю.о.] хасёла, – дова́, со ячэ́лапэ лэ́нгирэ долостыр? Сыр ґара́ ту явэ́са тэ чхинэс пэс дрэ ту́га?

Ереме́ё 7:29

Обчхин тырэ́ бала́, шукарни Ерусалимо́стыр, и чхурдэ криг лэн, и ров пэ вучэ́ штэ́ты, пал-дова́ со Рай Дэвэ́л на прилыя́ и мэкця́ ро́до, саво́ зоралэ́с холякирдя Лэс.

Isajos 22:12

И Рай Дэвэ́л, Рай Дэвэ́л, болыбна́скирэ-янголэ́нгиро, кхарэ́ла кэ Пэ тумэн, соб (кай) тумэ́ тэ ровэ́н, тэ годлэн дро дава́ дывэ́с, соб (кай) тумэ́ тэ обчхинэн бала́, соб (кай) тэ обпхандэнпэ гонэса праскаса, саво́ урьена дрэ биба́хт.

Isajos 16:12

И адя́кэ явэ́ла: ке́ли явэ́ла бицяло́, со Моа́во кхинёла пэ вучэ́ штэ́ты, тэ́ньчи ёв явэ́ла пэ свэ́нто штэ́то тэ мангэ́лпэ Дэвлэ́скэ, нэ лэ́стэ нисо́ на выджа́ла.

Isajos 16:7

Палдава́ заровэла Моа́во пал Моа́во, сарэ́ лэ́на тэ ровэ́н пал кхэра́ Кирхарешэтоскирэ: ёнэ исын сарэ́са пхагирдэ́.

Isajos 15:3

Пэ вули́цы (га́сы) лэ́нгирэ обпхандэнапэ балытконэ гонэса, пэ лэ́нгирэ барэ́ дрома́ [пэ форуня́-р.с.] и пэ стрэхи сарэ́ ровэна, саро́ исын дрэ ясва.

Isajos 14:31

Ров, по́рта (вра́ты)! Го́дла дэ, фо́ро! Роспэрэсапэ ту, сари́ пхув Филистимиякири, пал-дова́ со тхув джа́ла паш-ратитконэ́ (шылалэ) рига́тыр (северостыр), нико́н на ячэ́лапэ пэ лэ́нгирэ скэдыибэна.

Ióvo 1:20

И уштыя́ Ио́во и рискирдя́ пэ́скиро урибэ́н, и мурадя сарэ́са пэ́скиро шэро́, и пыя́ пэ пхув, дыя́ паклоно,

Яви́р Зако́но 14:1

Тумэ́ сан Ра́скирэ-Дэвлэ́скирэ, тумарэ́ Дэвлэ́скирэ чхавэ́; на кэрэ́н чхиныбэна пэ тумарэ́ маса́, и на обчхинэн пэ чикат бала́ машки́р тумарэ́ якха́, пал мулэ́ндэ;

Čysly 32:38

и Нево, и Ваал-Меоно, савэнгирэ лава́ парудэ, и Сивма, и дынэ́ кхарибэна форьенгэ, савэ́ ёнэ кэрдэ́.

Čysly 32:3

“Трусця́л исын штэ́ты Атарофо и Дивоно, и Иазеро, и Нимра, и Есево́но, и Елеало, и Севамо, и Нево, и Веоно,

Левито 13:40

Ко́ли конэ́стэ пэ шэро́ вырэснэ бала́, тэды дава́ исын плешо: ёв исын жужо́;

Čysly 21:28

пал-дова́ со яг выгия́ Есевоностыр, бари яг Сигоноскирэ форо́стыр, и хая Ар-Моа́во и тхагарьен, савэ́ рикирдэ Арноноскирэ вучипэна́.

2 Kralip 10:4

И лыя́ Аноно дынарье́н Давидоскирэн, и обчхиндя кажнонэстыр лэ́ндыр паш чхора (брода), и обчхиндя и́ди лэ́нгирэ пэ паш, кэ трушула, и отмэкхця лэн.

Ереме́ё 3:21

Шунэ́н заня́ пэ вучэ́ штэ́ты, сыр ровэна и мангэ́напэ Израилёскирэ чхаворэ́, пал-дова́ со ёнэ пиририскирдэ пэ́скирэ дрома́ дро джиибэ́н, и ёнэ бистырдэ Рас-Дэвлэ́с, пэ́скирэ Дэвлэ́с.

Ереме́ё 47:2

Адя́кэ ракирэ́ла Рай Дэвэ́л: “Акэ, паня́ ґаздэ́напэ паш-ратитконэ́ (севернонэ) рига́тыр и ячэ́напэ сыр тасадыпнаскиро панинг; ёнэ зачхувэна пане́са пхув и саро́, со исын пэ ла́тэ: фо́рья, и одолэ́н, кон дживэ́на дрэ лэ́ндэ. Мануша́ явэ́на тэ ровэ́н, и сарэ́ джиибна́скирэ пэ пхув явэ́на тэ тугинэн (тэ ровэ́н) ясвэ́нца.

Ереме́ё 48:35

И ишчо (инкэ́) Мэ кэра́ва адя́кэ, со дро Моа́во пириячэна тэ янэ́н свэ́нта яныбэна́ пэ вучэ́ штэ́ты и Мэ мулякирава кодолэ́с, саво́ хачкирэлас дро́га смо́лы пэ́скирэ дэвлорэ́нгэ’, – ракирэ́ла Рай Дэвэ́л.

Езэкилё 27:31

Ёнэ обчхинэна пэ́скирэ бала́ сарэ́са пал ту́тэ, урьена пэ пэ́стэ балытка гонэ́ праскаса, и заровэна пал ту́тэ илэ́скирэ дукхатыр барэ́ роибнаса.

Езэкилё 30:2

“Манушэ́скиро чхава! Пхэн пир лав ангилпхэныбэ́н и пхэн: адя́кэ ракирэ́л Рай Дэвэ́л, Дэвэ́л: ‘Ровэ́н! О! бибахтало́ дывэ́с, ай!

Amoso 8:10

Мэ парувава тумарэ́ свэ́нки пэ зоралы́ ту́га и сарэ́ тумарэ́ гиля́ пэ зорало́ ровибэн; и Мэ яна́ва жалобна балытка гонэ́ пэ кажно трушу́л, и плеха пэ кажно шэро́. Мэ кэра́ва дро да дывэ́с бари ту́га пэ пхув, савья́са обровэна екхорэ чхавэ́с, и ко́нцо (яго́ро) далэскэ явэ́ла сыр кирко дывэ́с.

1 Паралипоменоно 19:4

И лыя́ Аноно Давидо́скирэ дынарье́н, и обмурадя лэн, и обчхиндя лэ́нгирэ и́ди пэ паш, кэ трушула, и отмэкця́ лэн.

Ереме́ё 49:3

“Тугин ясвэ́нца, Есевоне, пал-дова́ со Гаё (Аё) исын росчордо, дэн го́дла, чхая́ Раваскирэ, подпхандэн пэс балытконэ гонэнца! Ракирэ́н ясвэ́нца и прастан одори́к и палэ пир ва́нты; пал-дова́ со Малхомо джа́ла дро пле́но кхэтанэ́ лэ́скирэ рашанца и пэ́скирэ тхагарьенца.