Isajos 14:5 - Библия - Пэ Балтитко Романи чиб (Романэс) 2019

⁵ Пхагирдя́ Рай Дэвэ́л грэхитконэ́-манушэ́нгиро дэсто́, дэсто́ крали́тко,

Biblija - Pe Baltitko Romani čib (Romanes) 2019

⁵ Phagirdiá Raj Devél grehitkoné-manušéngiro destó, destó kralítko,

Isajos 14:5 Referans Kwoze

Isajos 9:4

Пал-дова́ со ґа́мо, пхарипэ́н лэ́скиро, дэсто́, саво́ лэс марэлас, Ту пхагирэса сыр дро Мадиамоскиро дывэ́с.”

Psalmy 125:3

Чорэ́-манушэ́нгиро дэсто́ на явэ́ла тэ рикирэ́л зор пэ пхув, кай исын чачипнаскирэ мануша́, соб (кай) чачипнаскирэ мануша́ тэ на рискирэ́н пэ́скирэ васта́ кэ чорипэ́н.

Isajos 14:29

“На ра́дынпэ Филистиякири пхув, со пхадёла дэсто́, саво́ тут марэлас, пал-дова́ со сапитконэ родо́стыр выджа́ла сап, а далэ́ сапэстыр – сап, саво́ явэ́ла тэ вурнял.

Isajos 10:5

“О, Асуре, дэсто́ Мирэ́ холя́тыр! Чхупны дро лэ́скиро васт исын Мири́ холы́!

Isajos 13:11

Мэ отхава (отда́ва) палэ свэтоскэ пал налачхэ́ рэ́нды, а грэхитконэ́ манушэ́нгэ – пал лэ́нгирэ грэ́хи; Мэ хасякира́ва пхутькирибэ́н кодолэнгиро, кон древа́н задэлапэ, Мэ хасякира́ва пхутькирибэ́н кодолэнгиро, кон притасавэла чорорэн.

Isajos 14:4

то ту багаса пхутькирды гилы́ пал Вавилоно́скирэ крали́стэ и пхэнэ́са: “Нанэ одолэ́с, кон ман мэнчынэлас, пирияця́ чорибэн!

Isajos 14:6

саво́ холя́са замарэлас народы, холя́са исыс баро́ Рай дрэ кхэри́тка ро́ды, и традэлас лэн.

Roiben 1:21

Со мэ да́ва ґондя́, со нанэ кон тэ подрикирэ́л ман. Сарэ́ мирэ́ вэ́рги шундлэ́ пал мири́ бари би́да, ёнэ радынэ́напэ далэ́стыр, со Ту кэрдя́н дава́. Бичха́в дова́ дывэ́с, со Ту, Раё Дэ́вла, пхэндя́н статэчнэс, мэк ёнэ тэ ячэ́нпэ дасавэ́-паць, сыр мэ сом.

Avakumo 1:17

Ци явэ́на ёнэ ишчо (инкэ́) тэ чхучакирэн пэ́скири кхуды́, и дурэды́р тэ марэ́н (тэ мулякирэ́н) манушы́тка на́цыи би тангипнаскирэс?

Pritčy 28:15

Сыр шчэр (ле́во), саво́ рыкинэла, и сыр рич, саво́ исын холынакиро, исын фуй барыдыро́, саво́ хулаинэла пэ чорэ́ манушэ́ндэ.

Isajos 9:3

Ту ґаздэса ду́хо (фа́но) дро народо, и дэ́са лэ́скэ бари ра́дыма. Радыпнытко Ёв явэ́ла тэ радынэ́лпэ анги́л ту́тэ, сыр радынэ́напэ мануша́, ко́ли скэдэ́на маро́, ко́ли розлэна дорэсыбэ́н.