Isajos 14:12 - Библия - Пэ Балтитко Романи чиб (Романэс) 2019

¹² Сыр пыян ту болыбна́стыр, дывэсы́тко чэргэн, чхаво́ зорьякиро! Розмардянпэ пир пхув, кон пэ народы ґаздэласпэ.

Biblija - Pe Baltitko Romani čib (Romanes) 2019

¹² Syr pyjan tu bolybnástyr, dyvesýtko čergen, čhavó zorjakiro! Rozmardianpe pir phuv, kon pe narody ĥazdelaspe.

Isajos 14:12 Referans Kwoze

Luka 10:18

Ису́со отпхэндя́ лэ́нгэ: “Мэ дыкхцём налачхэ́с, саво́ пыя́ болыбна́стыр сыр блискавица;

Sykadyipén 8:10

И три́то Янго́ло пхурдыя дрэ пэ́скиро ро́го: и бари чэргэн пыя́ тэлэ́ болыбна́стыр, сави́ хачолас сыр момолы́тко (свети́льнико), и пыя́ пэ три́то паш рэкэндыр (лэнорьендыр) и панескирэ ґанынгорьендыр.

Sykadyipén 22:16

Мэ сом, Ису́со, бичхадём Мирэ́ Янголо́с тэ допхэнав тумэ́нгэ дава́ пир кхангирья. Мэ сом Давидо́скирэ ратэстыр и лэ́скирэ-чхавэ́нгиро чхаво́, ярко Злокоскири Чэргэн.”

2 Petr 1:19

И апри́ч дова́, саро́ амэ́ндэ исын най чачунэдыр пророкэнгиро лав, и тумэ́ миштэ́с кэрэ́на, со тумэ́ ракхибны́ткэс шунэ́на дава́ лав, саво́ исын сы́рбы дава́ дуд (свэ́то), со хачола дро цямло штэ́то, пака на явэ́ла палатуно́ зло́ко (ра́нко) и ґаздэ́лапэ злокоскири чэргэн дрэ тумарэ́ илэ,

Isajos 34:4

Хасёла болыбнытко халадыбэ́н (болыбны́тка халадэ́), и болыбэ́н закэрэлапэ (пхандэлапэ), сыр лылвари́; чэргэня́ пэрэ́на, сыр патри́н (листо) винаградоскирэ рандятыр, сыр шуки́ патри́н смоковнытконэ каштэ́стыр.

Sykadyipén 2:28

и Мэ да́ва лэ́скэ злокоскири чэргэн.

2 Petr 2:4

Пал-дова́ со ко́ли Дэвэ́л на потангиндя Янголэн, савэ́ кэрдэ́ грэ́хи, а отдыя́ лэн дро лю́но (адо), и бэшлякирдя лэн састырэнца дро цямлыпэ́н, кай ёнэ ужакирэ́на сэндоскиро дывэ́с;

Sykadyipén 9:1

И па́нджто Янго́ло пхурдыя дрэ пэ́скиро ро́го; и мэ дыкхцём чэргэн, со пыя́ болыбна́стыр пэ пхув, и ла́кэ сыс дыно́ клыдын люноскирэ ганынгатыр (безнатыр).

Ереме́ё 50:23

Сыр дава́ млото (свиринд/хамло), со сыс пир сари́ пхув, яця́ чхиндло́ пэ котэра́ и пхагирдо́! Сыр да Вавило́но яця́ дивоса трашаса машки́р на́цыи?!

Isajos 13:10

Болыбна́скирэ чэргэня́ буты́р на хачона, кхам мурдия, ко́ли газдэлапэ, чхон на сыкавэ́ла пэ́скиро дуд (свэ́то).

Ереме́ё 51:53

На дыкхи́ пэ дава́, со Вавило́но ґаздэласпэ кэ болыбэ́н, и на дыкхи́ пэ дава́, со ёв зоралякирэлас пэ́скири вучи́ ва́нта, нэ сарое́кх (усае́кх) мижэх чора явэ́на кэ ёв Ма́ндыр” – ракирэ́ла Рай Дэвэ́л.

Roiben 2:1

Сыр чхакирдя Рай Дэвэ́л Сионоскирья Чха цёмнонэ облокоса, дрэ Пэ́скири холы́! Ёв чхурдыя́ тэлэ́ болыбна́стыр Израилёскири гожыма и на рипирдя пал Пэ́скирэ-ґэрэнгиро прэдкицо дро дывэ́с, сыр Ёв холя́сыя.

Езэкилё 26:17

И ёнэ ґаздэ́на роибэ́н пал ту́тэ, ёнэ пхэнэ́на ту́кэ: “Сыр хасиян ту фо́ро, кай дживэ́нас мануша́, савэ́ традэнас пиро́ мо́рё (дэрья́в), славу́тно фо́ро, саво́ сыс зорало́ пэ мо́рё (дэрья́в), сыс зорало́ ёв кокоро́ и лэ́скирэ мануша́, конэ́стыр сарэ́ дарэнас!

Авдиёс 1:4

На дыкхи́ пэ дова́, со ту ґаздэса пэс сыр о́рло (ки́до), и со ту кэрэ́са пэ́скиро гня́зда (ку́фо) машки́р чэргэня́, нэ и одотхы́р Мэ чхурдава тэлэ́ тут”, – ракирэ́ла Рай Дэвэ́л.