Isajos 13:2 - Библия - Пэ Балтитко Романи чиб (Романэс) 2019

² Ѓаздэн сцяго (прикхарибэн) пэ откэрды бэ́рга, годлэн, сыкавэ́н лэ́нгэ вастэ́са, соб (кай) ёнэ тэ джа́н дрэ рангири по́рта (вра́ты).

Biblija - Pe Baltitko Romani čib (Romanes) 2019

² Ĥazden sciago (prikhariben) pe otkerdy bérga, godlen, sykavén lénge vastésa, sob (kaj) jone te džán dre rangiri pórta (vráty).

Isajos 13:2 Referans Kwoze

Ереме́ё 51:58

Адя́кэ ракирэ́ла болыбна́скирэ-янголэ́нгиро Рай Дэвэ́л: “Буґлэ (груба) ва́нты Вавилоно́скирэ явэ́на сарэ́са пхагирдэ́, и лэ́скирэ вучэ́ по́рты явэ́на хачкирдэ́ яга́са; а лэ́скирэ мануша́ явэ́на тэ кэрэ́н буты́ ивья́ (напра́снэс), и адя́кэ-паць и сари́ нацыя фэ́ни (то́ка) ваш яг кхинякирдя (мэнчындя) пэс.”

Isajos 5:26

И Ёв ґаздэ́ла сцяго (дэ́ла припхэныбэ́н) кэ народы, савэ́ дур дживэ́на, выкхарэла одолэ́с, саво́ дживэ́ла пэ пхувья́киро яго́ро (краё), и, акэ – ёв локхэс и сы́гэс явэ́ла.

Ереме́ё 50:2

“Подэн зан (дэн тэ джинэ́н) машки́р на́цыи, и обзанякирэн (роспхэнэ́н) сарэ́нгэ, и ґаздэ́н сцяго (флаго); обзанякирэн, и на гаравэн дава́, – пхэнэ́н: ‘Вавило́но лыно́, Вило ладжакирдо́. Меродахо исын пхагирдо́ пэ котэра́, лэ́скирэ и́долы магирдэ́, лэ́нгирэ вычхудэ́ муя́ пхагирдэ́ пэ котэра́.

Ереме́ё 51:25

“Акэ, Мэ сом проти ту́тэ, о бэ́рга, сави́ хасякирэ́ла”, – ракирэ́ла Рай Дэвэ́л, – “сави́ хасякирэ́ла сари́ пхув. Мэ диндзькирава Миро васт пэ ту́тэ, и Мэ чхурдава тэлэ́ тут скалэндыр, и Мэ кэра́ва ту́тыр схачкирды бэ́рга.

Isajos 10:32

Ишчо (инкэ́) дывэ́с явэ́ла тэрдо́ ёв кэ Нова [Ноб-ю.о.]; сыкавэ́ла пэ́скирэ вастэ́са би́да Сионоскэ, Ерусалимо́скирэ бэргакэ.

Isajos 18:3

Сарэ́ тумэ́, кон дживэ́ла пэ свэ́то и пэ пхув! Дыкхэ́н, ко́ли шпэ́ра марибны́тко ґаздэ́лапэ пэ бэ́рги, и ко́ли башады забашавэла, то шунэ́н!

Isajos 11:15

И вышутькирла Рай Дэвэ́л рэка (лэнь), со исын пашы́л мо́рё (дэрья́в) Египто́скиро, протырдэла Ёв Пэ́скиро васт кэ рэка (лэнь) дрэ зоралы́ балва́л, розмарла ла пэ эфта́ яви́р рэкицы, адя́кэ, со дрэ тривики явэ́на ла тэ пириджан.

Isajos 11:12

И кхарэ́ла кэ Пэ Наюды́тка на́цыи и скэдэ́ла Ёв вытрадынэ́ манушэ́н Израилёстыр, и росчхурдынэ Юдэ́н скхарэла штарэ́ ягорэндыр пэ пхув.

Psalmy 60:4

Ту тринскирдян пхув: Ту розрискирдян ла: састякир ла́кирэ рискирибэна (повреждении), пал-дова́ со ёй кунинэлапэ (колебинэлапэ).

Isajos 19:16

Дро дова́ дывэ́с ячэ́на Египтя́ни сыр джувля́, издрана и явэ́на тэ дарэ́н (даран) Ра́скирэ-Дэвлэ́скирэ, болыбна́скирэ-янголэ́нгирэ вастэ́стыр, саво́ Ёв ґаздэ́ла пэ лэ́ндэ.

Isajos 31:9

И дара́тыр пирипрастала ёв пашы́л пэ́скири тва́рдыма (крепость), и раё лэ́скирэ дарэ́на сыкаибнастыр” – ракирэ́ла Рай Дэвэ́л, Конэ́скири яг исын пэ Сио́но, Конэ́скиро бов исын дро Ерусалимо.

Ереме́ё 50:41

Акэ, мануша́ джа́на паш-ратитконэ́ (севернонэ) рига́тыр, дая́ исын бари нацыя и бут кра́лья, савэ́ ґаздэ́напэ ягорэндыр (краендыр) пэ пхув.

Ереме́ё 51:12

Чхувэ́н упрэ́ сцяго (знамё) пэ ва́нты Вавилоно́скирэ, зорьякирэн стрэ́га, росчхувэн ракхибнаскирэн, кэрэ́н чораханэ штэ́ты (засады) тэ марэ́нпэ. О Рай Дэвэ́л выпхэрдякирэла (сполнинэла) дова́, со Ёв пхэндя́ пэ манушэ́ндэ, кон дживэ́ла кэ Вавило́но.