Isajos 13:19 - Библия - Пэ Балтитко Романи чиб (Романэс) 2019

¹⁹ Вавило́но, шукарипэ́н пир саро́ кралипэ́н, Халдеёскиро пхутькирибэ́н, Дэвэ́л хасякирэ́ла сыр Содо́мо и Гомо́ра.

Biblija - Pe Baltitko Romani čib (Romanes) 2019

¹⁹ Vavilóno, šukaripén pir saró kralipén, Xaldiejoskiro phut'kiribén, Devél xasiakiréla syr Sodómo i Gomóra.

Isajos 13:19 Referans Kwoze

Дание́лё 4:30

[33] Пэ штэ́то кэрдя́пэ дава́ лав пэ Навуходоносоростэ, и ёв сыс традыно криг манушэ́ндыр, хая чар, сыр гурув, мордэ сыс лэ́скиро маса́ э болыбнытконэ пахлыняса (росаса) адя́кэ, со выбаринэ лэ́скирэ бала́ сыр пора кидостэ (орлостэ), и ная сыс сыр чириклэскирэ ная (когци).

Džiibén 19:24

И чхудя́ Рай Дэвэ́л пэ Содо́мо и Гомо́ра брышы́нд дзэвэля́тыр (сератыр) и яг болыбна́стыр Ра́стыр-Дэвлэ́стыр,

Софония 2:9

Палдава́ “Тэ джива́в Мэ”, – ракирэ́ла янголэ́нгирэ-болыбна́скиро, Рай Дэвэ́л, Дэвэ́л Израилёскиро, – “Моавостыр ячэ́лапэ дова́, со сыс Содомаса, мануша́ Амоностыр явэ́на сыр Гомо́ра, – сыр пхув, сави́ забария цукнуда́са (стрекаваса) и ґанбине́нца (ямэнца) ваш лонд, и сави́ явэ́ла ўса́ды (сак) чхучи́: Мирэ́ мануша́, кон яця́пэ джидо́, росчорэна ла, и Мирэ́ мануша́, савэ́ ячнэ́пэ пэ штэ́то, лэн дая́ пхув сыр пэ́скиро мэкно́ миштыпэ́н.

Amoso 4:11

“Мэ рававас тэлэ́ тумарэ́ фо́рья, сыр Мэ, тумаро́ Дэвэ́л, радём тэлэ́ Содо́мо и Гомо́ра, и тумэн сыр ґломня выухтылэн ягатыр, со хачия, нэ тумэ́ усае́кх на рисинэ́ кэ Мэ”, – ракирэ́ла Рай Дэвэ́л.

Ереме́ё 51:41

Сыр да Сесахо [Шэшахо-ю.о.] лынэ́? И сыр да сарэ́-пхувья́кири сла́ва заухтылдэ? Сыр да пэ Вавило́но дивинэнапэ трашаса яви́р на́цыи?

Ереме́ё 50:40

Сыр Дэвэ́л радя тэлэ́ Содо́мо и Гомо́ра и лэ́нгирэ пашатунэ́ фо́рья, адя́кэ-паць ние́кх ману́ш на явэ́ла тэ дживэ́л ада́й, и ние́кх чхаво́ манушэ́скиро на ячэ́лапэ тэ дживэ́л сыр чу́жо дро дава́ фо́ро.

Ереме́ё 49:18

сыр сыс радэ тэлэ́ Содо́мо и Гомо́ра и лэ́нгирэ пашатунэ́ форицы’ – ракирэ́ла Рай Дэвэ́л, со ние́кх ману́ш на явэ́ла тэ дживэ́л одо́й, со ние́кх чхаво́ Манушэ́скиро на ячэ́лапэ тэ дживэ́л дрэ лэ́стэ.

Яви́р Зако́но 29:23

‘Сера (дзэвэля) и лонд, схачкирибэ́н пир сари́ пхув; ёй на сеинэлапэ и на барьякирэ́ла, и на выджа́ла пэ ла́тэ ни сави́ чар, сыр пало́ (после) дова́, ке́ли сыс хасякирдэ́ Содо́мо, Гомо́ра, Адма и Севоимо, савэ́ хасякирдя́ Рай Дэвэ́л дрэ холы́ Пэ́скири, и дрэ Пэ́скиро мижэхипэн’.

Римлянэнгэ 9:29

Сыр и англэды́р Исаё пхэндя́ пал дава́: “Ко́ли болыбна́скирэ-янголэ́нгиро Рай Дэвэ́л тэ на ячкирэл амэ́нгэ ро́до, то амэ́нца явэ́ла дова́-паць, со яця́ Содомо́скирэ и Гоморакирэ манушэ́нца.”

Sykadyipén 18:11

И ку́пцы (тылга́рья) пэ пхув адя́кэ-паць явэ́на тэ ровэ́н пхарэ́с и тэ дэн го́дла ясвэ́нца пал ла́тэ, пал-дова́ со нико́н буты́р на явэ́ла тэ кинэл лэ́нгиро товаро (арцикуло),

Sykadyipén 18:19

И ёнэ чхурдэнас пыло пэ лэнгрэ шэрэ́, дэ́нас го́дла, ровэнас и дэ́нас го́дла ясвэ́нца, пхэни́: “Бида, би́да, барэ́ фороскэ! Дро саво́ сарэ́ барвалынэ, конэ́стэ сыс па́рмы (корабли) пэ мо́рё (дэрья́в), форо́скирэ кучипнастыр! Пал-дова́ со дро екх мардо́ (шту́нда) дасаво миштыпэ́н хасия́.”

Džiibén 19:25

и чиладя́ хасибнаса Рай Дэвэ́л дава́ фо́ро, и саро́, со исын пашы́л дава́ до́ло, и адалэ́-форье́нгирэ сарэ́ манушэ́н, и дова́, со бария пэ пхув.

Isajos 13:1

Ангилпхэныбэ́н пал Вавило́но, саво́ пхэндя́ Исаё, Амососкиро чхаво́.

Isajos 21:9

Акэ, традэ́на мануша́, традэ́на уклистэ́ пэ грэ́ндэ, пир дуе манушэ́ндэ.” Тэ́ньци ёв загодлыя и пхэндя́: ‘Пыя́, пыя́ Вавило́но, и сарэ́ лэ́скирэ и́долы, сарэ́ дэвлорэ́ исын паштэ́ пэ пхув розмардэ.’”

Isajos 47:5

Бэш, на ра́кир ничи́, джа́ дрэ калыпэ́н (цёмныма), чхай Халдеенгири, буты́р на явэ́на тэ кхарэ́н тут раняса дро кралипэ́н.

Isajos 48:14

Скэдэ́нпэ сарэ́, пошунэн! Кон машки́р лэ́ндэ ангилпхэндя дава́? Ра́скэ-Дэвлэ́скэ яця́ пир ило́ ёв, (Кира); ёв кэрэ́ла пир Дэвлэ́скири во́ля дро Вавило́но, сыкавэ́ла Дэвлэ́скиро васт машки́р Халдеендэ.

Ереме́ё 25:12

Коригэды́р (позжэды́р) явэ́ла адя́кэ: ке́ли проджа́на эфтадэша́ бэрша́, тэды Мэ ла́ва тэ сэндякирав Вавилоно́скирэ крали́с и дая́ нацыя’, – ракирэ́ла Рай Дэвэ́л, – ‘пал лэ́нгиро чорипэ́н, и пхув Халдее́нгири, и Мэ кэра́ва адя́кэ, со ёй явэ́ла ве́чнэс чхучи́.

Ереме́ё 51:26

И мануша́ на лэ́на ту́тыр бар пэ вэнгло, ни бар пэ фунда́менто, нэ ту, Вавило́но, усады / сак (всегда) явэ́са чхучо́”, – ракирэ́ла Рай Дэвэ́л.

Ереме́ё 51:29

Пхув издрала и тринскирлапэ: пал-дова́ со кажно дума Ра́скирэ-Дэвлэ́скири явэ́ла тэ кэрэ́лпэ дро чачипэ́н проти Вавило́но, соб (кай) тэ кэрэ́л чхучи́ (пусто) пхув Вавилоноскири би екхэ манушэ́скиро.

Ереме́ё 51:62

и пхэн одо́й: ‘О Раё Дэ́вла! Ту пхэндя́н сарэ́ далэ́ лава́ проти дава́ штэ́то, со Ту хасякирэса лэс адя́кэ, со нико́н на явэ́ла тэ дживэ́л пэ дава́ штэ́то, ни ману́ш, ни мурда́л, нэ ёв ячэ́лапэ чхучо́ пэ сарэ́ вки.’