Isajos 13:18 - Библия - Пэ Балтитко Романи чиб (Романэс) 2019

¹⁸ Лэ́нгирэ луки домарэна тэрнэн, на потангинэна (на пожалинэна) биятэ́н, лэ́нгири якх на потангинэла чхаворэ́н.

Biblija - Pe Baltitko Romani čib (Romanes) 2019

¹⁸ Léngire luki domarena ternen, na potanginena (na požalinena) bijatén, léngiri jakh na potanginela čhavorén.

Isajos 13:18 Referans Kwoze

4 Kralip 8:12

И пхэндя́ Азаило: “Со́стыр хула́й миро ровэла?” И пхэндя́ ёв: “Долэ́стыр, со мэ джино́м, саво́ кэрэ́са ту фуипэ́н чхавэ́нгэ Израилёстыр; тва́рдыми (крепости) лэ́нгирэ ту отдэса ягакэ, и тэрнэн лэнгирэн манушэ́н куртала́са мулякирэса, и колынытконэ лэ́нгирэ чхаворэ́н домарэса, и пэралэн лэ́ндэ джувле́н росчингирэса.”

2 Паралипоменоно 36:17

И Ёв яндя́ пэ лэ́ндэ Халдеенгирэ крали́с, – и одова́ мулякирдя́ тэрнэ́ манушэ́н лэ́нгирэ куртала́са дрэ лэ́нгиро свэнтыныбнаскиро кхэр, и на потангиндя ни тэрнэ́ чхавэ́с, ни патываля чха, ни пхурэс, ни богос: саро́ отдыя́ Дэвэ́л дрэ лэ́скиро васт.

Езэкилё 9:10

Пал дова́ на потангинэла лэн Мири́ якх, и на ковлёла Миро ило́; нэ Мэ да́ва лэнгрэ рэ́нды палэ пэ лэнгрэ шэрэ́.

Isajos 13:16

Лэ́нгирэ чхаворэ́ явэ́на розмардэ анги́л лэ́нгирэ якха́, лэ́нгирэ кхэра́ явэ́на розчордэ, лэ́нгирэ ромня́ явэ́на ладжакирдэ́.

Naumo 3:10

Нэ лэс лыджинэ́ криг, и ёв гия́ дро пле́но, лэ́скирэ биятэ́н адя́кэ-паць розмардэ пэ котэра́ пэ трушулытка ґасы (вули́цы). Ёнэ, Асирийцы, чхурдынэ́ жре́биё пал лэ́скирэ манушэ́ндэ, савэ́ сыс дрэ паты́в и сарэ́ лэ́скирэ барэ́ рая сыс пхандлэ зандирьенца.

Naumo 2:1

Мулякирибнаскиро джа́ла пэ ту́тэ, Ниневие! Ракх форо́скирэ зорьякирдэ ва́нты! Дыкхэ́н цямкэс пало́ дром, зорьякирэн тумарэ́ фланги! Скэдэ́н бутэды́р тумари́ зор!

Psalmy 127:3

Акэ, чхавэ́ исын сыр мэкно́ миштыпэ́н Ра́стыр-Дэвлэ́стыр; ёнэ исын бахталыпэ́н да́кирэ лочовя́тыр.

Isajos 5:28

Курта́ла лэ́скири кэрды ваш марибэ́н, пэталы лэ́скирэ грэ́ндэ исын сыр бар, ро́ты лэ́скирэ – сыр балва́л.

Isajos 47:9

Нэ ко́ли ту на ужакирэса, то саро́ кэ ту явэ́ла: и ромэс хасякирэса и чхаворэ́н дро екх дывэ́с; явэ́ла кэ ту биба́хт пхэрдэ́с, на зракхэ́ла тут чорахано джиныбэ́н и бари зор чораханы.

Ереме́ё 5:16

Лэ́нгиро [лэ́скиро-р.с.] колчано исын сыр отпхандлы маґила; ёнэ исын сарэ́ муршарья.

Ереме́ё 6:23

Ёнэ лыджа́на лу́ко и марибны́тко буст тэ пхусавэн, ёнэ исын биде́скирэ и на лачхэ́-илытка, лэ́нгирэ заня́ ґрыминэна сы́рбы мо́рё (дэрья́в), ёнэ традэ́на уклистэ́ пэ грэ́ндэ, ёнэ исын кэдынэ тэ марэ́н тумэн, чхаё Ерусалимо́стыр.

Ереме́ё 18:21

Палдава́ отдэ́ лэ́нгирэ чхаворэ́н пэ бокхалыпэн, и мэк лэ́нгирэ чхаворэ́н пэ курталакири зор, и мэк лэ́нгирэ джувле́ндэ тэ на явэ́н чхаворэ́, и мэк ёнэ тэ явэ́н пивля (удовы), и мэк лэ́нгирэ мурша́ тэ явэ́н мулякирдэ́, и мэк лэ́нгирэ тэрнэ́ манушэ́н тэ хасякирэ́л курта́ла пэ мэрибэ́н.

Ереме́ё 50:30

Палдава́ лэ́скирэ тэрнэ́ мануша́ пэрэ́на пэ га́сы, и сарэ́ лэ́скирэ марибнаскирэ мурша́ хасёна дро дава́ дывэ́с, – ракирэ́ла Рай Дэвэ́л.

Ереме́ё 50:42

Ёнэ рикирэ́на лу́ко и пика (лонхо), ёнэ исын бидескирэ, и ёнэ на потангинэна. Лэ́нгири зан исын сыр мо́рё (дэрья́в) брилинэла (шуминэла), ёнэ традэ́на уклистэ́ пэ грэ́ндэ, ёнэ кэдэнапэ тэ марэ́нпэ со кэ екх ману́ш кэ сарэ́ пэ ту́тэ, э чхай Вавилоноскири.

Ереме́ё 51:22

ту́са Мэ розмаравас пэ котэра́ муршэ́с и джувля́, ту́са Мэ розмаравас пэ котэра́ пхурэс и тэрнэс; ту́са Мэ розмаравас пэ котэра́ тэрнэ́ манушэ́с и тэрнорья (тэрнэ́ чха);

Дание́лё 7:5

И екха́тыр (сра́зу) яви́р рискирибна́скиро мурда́л, саво́ здэлас пэ ричэстэ, тэрдия́ екхэ рига́тыр, и сыс трин пашварэ [клыки-р.с.] лэ́стэ, машки́р данда́ лэ́стэ, лэ́скэ сыс адя́кэ пхэндло́: “Ушты́, ха бут мас!”