Isajos 13:17 - Библия - Пэ Балтитко Романи чиб (Романэс) 2019

¹⁷ Акэ, Мэ ґазда́ва пэ лэ́ндэ Мидянэн, конэ́скэ на трэй руп, и кон исын на скэмпо (кон наґалко кэ сувнака́й).

Biblija - Pe Baltitko Romani čib (Romanes) 2019

¹⁷ Ake, Me ĥazdáva pe lénde Midianen, konéske na trej rup, i kon isyn na skempo (kon naĥalko ke suvnakái).

Isajos 13:17 Referans Kwoze

Ереме́ё 51:11

Войстринэн (дэн чол) марибны́тка бустя́ (стре́лы) тэ зяинэн, О Рай Дэвэ́л ґаздыя́ ду́хо (фа́но) Мидиякирэ кралье́нгэ. Пал-дова́ со Ёв придуминдя тэ хасякирэ́л Вавило́но. О Рай Дэвэ́л дукхавэла палэ, Ёв отдэ́ла палэ пал Лэ́скири Кхангири́.

Isajos 41:25

Мэ ґаздыём лэс паш-ратитконэ́ (севернонэ) рига́тыр, и ёв явэ́ла, ёв явэ́ла тэ кхарэл Миро лав пэ ра́нко (пэ зло́ко), ке́ли кхам ґаздэ́лапэ, и ёв явэ́ла тэ тасавэл тхагарьен сы́рбы бла́та (растворо), сы́рбы пиритконэнгиро тасавэла ґлэя (глина).

Isajos 21:2

Дарано дыкхибэ́н сыкадэ ма́нгэ: о чор чорэла, о прахари отлэла; заджа́, Еламо, ґаздэпэ, Мидо, сарэ́ ясва мэ залава.

Ереме́ё 50:9

Пал-дова́ со, акэ Мэ ґазда́ва и яна́ва пэ Вавило́но и кэдава кхэтанэ́ проти лэ́стэ барэ́ на́цыи паш-ратитконэ́ тхэмэстыр, и ёнэ явэ́на тэ кэдэнпэ тэ марэ́нпэ проти лэ́стэ, и ёнэ лэ́на Вавило́но. Лэ́нгирэ марибны́тка бустя́ (стре́лы) явэ́на сы́рбы одолэнгирэ, кон исын марибнаскирэ спе́цы, савэ́ на рисёна палэ ивья́ (дармэс).

4 Kralip 17:6

Пэ еня́то бэрш, сыр лыя́ тэ кралинэ́л Осия, Асирия́киро кра́ли лыя́ Сама́рия, и лыджия́ Израильтянэ́н тэ дживэ́н кэ Асирия, и чхудя́ лэн дрэ Халахо и дро Хаворо, пашы́л рэка (лэнь) Гозано, и дрэ фо́рья Мидиякирэ.

Ереме́ё 25:25

и сарэ́ кралье́н Зимриятыр, и кэ сарэ́ кра́лья Эламостыр, и кэ сарэ́ кра́лья Мидиятыр;

Ереме́ё 50:3

Ваш одова́ со паш-ратитконэ́ (севернонэ) рига́тыр джа́ла пашылэды́р Мидянэнгири нацыя проти Вавило́но, ёнэ кэрэ́на лэ́нгирэ пхувья́тыр чхучо́ (пусто) штэ́то, и ние́кх (нико́н) на явэ́ла тэ дживэ́л одо́й: и мануша́ и мурдала́ (жывотна) нашэ́на и джа́на криг.

Ереме́ё 50:30

Палдава́ лэ́скирэ тэрнэ́ мануша́ пэрэ́на пэ га́сы, и сарэ́ лэ́скирэ марибнаскирэ мурша́ хасёна дро дава́ дывэ́с, – ракирэ́ла Рай Дэвэ́л.

Ереме́ё 50:42

Ёнэ рикирэ́на лу́ко и пика (лонхо), ёнэ исын бидескирэ, и ёнэ на потангинэна. Лэ́нгири зан исын сыр мо́рё (дэрья́в) брилинэла (шуминэла), ёнэ традэ́на уклистэ́ пэ грэ́ндэ, ёнэ кэдэнапэ тэ марэ́нпэ со кэ екх ману́ш кэ сарэ́ пэ ту́тэ, э чхай Вавилоноскири.

Дание́лё 5:26

Акэ, и зна́чыма лавэнгири: мене – выгиндя́ о Дэвэ́л тыро́ кралипэ́н и чхудя́ лэ́скэ ко́нцо (яго́ро);