Isajos 13:13 - Библия - Пэ Балтитко Романи чиб (Романэс) 2019

¹³ Ваш дава́ Мэ чилавава болыбэ́н, и пхув зджа́ла пэ́скирэ штэто́стыр, ко́ли холясо́ла Рай Дэвэ́л, болыбна́скирэ-янголэ́нгиро, дро дывэ́с, ко́ли захачола Лэ́скири холы́.

Biblija - Pe Baltitko Romani čib (Romanes) 2019

¹³ Vaš davá Me čilavava bolybén, i phuv zdžála péskire štetóstyr, kóli xoliasóla Raj Devél, bolybnáskire-jangoléngiro, dro dyvés, kóli zahačola Léskiri xolý.

Isajos 13:13 Referans Kwoze

Ioil 3:16

И Рай Дэвэ́л адя́кэ-паць загриминэла Сионо́стыр, и Ёв пхэнэ́ла Пэ́скирэ заня́са Ерусалимо́стыр; болыбэ́н и пхув явэ́на тэ тринскирэнпэ; кэ Рай Дэвэ́л явэ́ла гаравибнаскиро штэ́то ваш Лэ́скирэ манушэ́нгэ, и Ёв явэ́ла сыр тва́рдыма / диз (крепость) чхаворэнгэ Израилёскирэнгэ.

Матфеё 24:29

И екха́тыр (сра́зу) пало́ дая́ пхари́ би́да дрэ долэ́ дывэса́ кхам мурдёла, чхон на явэ́ла тэ свэнцынэл, и чэргэня́ пэрэ́на болыбна́стыр, и болыбна́скирэ зорья явэ́на триинскирдэ

Sykadyipén 20:11

И мэ дыкхцём баро́ парно́ троно и Екхэ́с, Кон сыс бэшто́ пэ лэ́стэ. Пхув и болыбэ́н нашэнас криг Лэ́скирэ мо́стыр и штэ́то на сыс латхно лэ́нгэ.

2 Petr 3:10

Нэ Дэвлэ́скиро дывэ́с явэ́ла сыр чор раты́, и тэды болыбэ́н грукимаса джа́ла криг якхэ́ндыр и сарэ́ болыбны́тка котэра́ схачона, и пхув и саро́, со исын пэ ла́тэ, явэ́на чхучэ́ (пуста).

Матфеё 24:35

Болыбэ́н и пхув проджа́на, а лава́ Мирэ́ на проджа́на.

Roiben 1:12

“Сарэ́нгэ тумэ́нгэ дава́ нисо́, кон джа́ла пэ́скэ (накхэла) маму́й! Ѓа́да, дыкхэ́н: ци исын ишчо (инкэ́) вари-конэ́стэ дасави́ дукх сыр ма́ндэ – со пыя́ пэ ма́ндэ, – савья́са Рай Дэвэ́л притасадя ман дро дывэ́с, ке́ли Ёв холя́сыя зоралэ́с.

Isajos 51:6

Ѓаздэн тумарэ́ якха́ кэ болыбэ́н и подыкхэн тэлэ́ пэ пхув: болыбэ́н хасёла сыр тхув, а пхув кэрлапэ сыр пхураны и́дя, мануша́ пэ ла́тэ вымэрэна, а Миро зракхибэ́н исын ве́чно; чачипэ́н Миро на хасёла.

Isajos 34:4

Хасёла болыбнытко халадыбэ́н (болыбны́тка халадэ́), и болыбэ́н закэрэлапэ (пхандэлапэ), сыр лылвари́; чэргэня́ пэрэ́на, сыр патри́н (листо) винаградоскирэ рандятыр, сыр шуки́ патри́н смоковнытконэ каштэ́стыр.

Ióvo 9:6

Кон тринскирэла пхув ла́кирэ штэто́стыр, и ла́кирэ сты́лбы издрана;

Psalmy 18:7

Ке́ли ма́нгэ яця́ пхаро́, мэ кхардём Рас-Дэвлэ́с и рондём заня́са анги́л мирэ́ Дэвлэ́стэ: Ёв шундя́ мири́ зан тэла́л Пэ́скирэ штэто́стыр дро Болыбна́скиро Раё, Ёв шундя́ мири́ годлыма.

Psalmy 88:16

Мирэ́ чхаворипнастыр ман тасавэна и мэ на́бут со на мэра́ва. Мэ мэнчынавпэ дара́тыр кэ мэрибэ́н, Мэ сарэ́са пыём дро ду́хо (фа́но).

Isajos 2:19

И ґаздэ́напэ мануша́, дрэ ґебара́ (пешчэры) машкира́л скалы тэ гаравэнпэ Ра́скирэ-Дэвлэ́скирэ дара́тыр и Лэ́скирэ шардэ барипнастыр, ко́ли ґаздэ́лапэ Ёв тэ хасякирэ́л пхув.

Isajos 9:19

Ра́скирэ-Дэвлэ́скири, болыбна́скирэ-янголэнгири холы́ хачкирэ́ла пхув, народо кэрэ́лапэ сы́рбы хабэ́н ваш яг, на потангинэла ману́ш пэ́скирэ пшалэ́с.

Isajos 23:11

Ёв протырдыя́ Пэ́скиро васт пэ мо́рё (дэрья́в), Ёв пиритринскирдя кралипэна́; Рай Дэвэ́л припхэндя́ пал Ханаано, соб (кай) тэ роспхагирэн лэ́скирэ тва́рдыми (крепости).

Isajos 24:1

Акэ, Рай Дэвэ́л хасякирэ́ла пхув кэ чхучипэн (пусто), кэрэ́ла адя́кэ, соб (кай) тэ на янэл ёй барьякирдо́ (пло́до), и пирипарувэла, роспхурдэла кодолэ́н, кон дживэ́ла пэ ла́тэ.

Isajos 24:18

Тэ́ньци одова́, кон праста́ндыя, ко́ли загодлынэ дара́тыр, пэрэ́ла дро хор штэ́то, а кон выджа́ла одотхы́р, попэрла дрэ фэлы́, пал-дова́ со фэнштры болыбна́скирэ вучипна́стыр псирадёна (роскэрнапэ) и пхув издрала.

Isajos 24:19

Пхув издрала, пхув роспэрэлапэ, пхув издрала барэ́ зорья́са.

Isajos 21:1

Ангилпхэныбэ́н пал шуки́ пхув пашы́л мо́рё (дэрья́в), пал Вавило́но. – Сыр зоралэ́ балваля вурняна пэ паш-дывэ́с (юго), адя́кэ джа́ла ёв шукэ́ пхувья́тыр, даранэ и чхучэ́ пхувья́тыр.

Isajos 47:1

“Джа́, бэш пэ пра́хо, патывалы́ тэрны́ джувлы́, чхай Вавилоноскири, бэш пэ пхув. Нанэ троно (крали́тко штэ́то), чхай Халдеенгири, на пхэнэ́на пал ту́тэ буты́р, со ту сан шука́р и барвалы.

Ереме́ё 51:1

Акэ, исын лав, со ракирэ́ла Рай Дэвэ́л: “Акэ, Мэ ґазда́ва пэ Вавило́но лэ́нгирэ вэргэ́н (хасякирибнытко балва́л) и пэ одолэ́ндэ, савэ́ дживэ́на пэ пхув Халдеенгири.