Isajos 13:11 - Библия - Пэ Балтитко Романи чиб (Романэс) 2019

¹¹ Мэ отхава (отда́ва) палэ свэтоскэ пал налачхэ́ рэ́нды, а грэхитконэ́ манушэ́нгэ – пал лэ́нгирэ грэ́хи; Мэ хасякира́ва пхутькирибэ́н кодолэнгиро, кон древа́н задэлапэ, Мэ хасякира́ва пхутькирибэ́н кодолэнгиро, кон притасавэла чорорэн.

Biblija - Pe Baltitko Romani čib (Romanes) 2019

¹¹ Me othava (otdáva) pale svetoske pal nalačhé réndy, a grehitkoné manušénge – pal léngire gréhi; Me xasiakiráva phut'kiribén kodolengiro, kon drieván zadelape, Me xasiakiráva phut'kiribén kodolengiro, kon pritasavela čororen.

Isajos 13:11 Referans Kwoze

Isajos 2:11

Проджа́ла манушэ́скиро пхутькирибэ́н, пэрэ́ла манушэ́нгиро вучипэ́н, екх Рай Дэвэ́л явэ́ла вучо́ дро дова́ дывэ́с.

Isajos 5:15

Пэрэ́ла ману́ш пэ чанга́, поддэлапэ мурш, пхутькирдэнгирэ якха́ змэкэнапэ тэлэ́ зачхакирэнапэ.

Isajos 26:21

Акэ, Рай Дэвэ́л выджа́ла Пэ́скирэ штэто́стыр тэ чхувэ́л ка́ра пэ манушэ́ндэ, савэ́ дживэ́на пэ пхув, пал лэ́нгирэ грэ́хи, и пхув откэрэла рат, саво́ прилыя́ дрэ пэ́стэ и на гаравэла пэ́скирэ замардэн.

Isajos 14:21

Скэдэ́н лэ́скирэ чхавэ́н пэ мэрибэ́н, пал лэ́нгирэ дадэ́нгиро грэ́хо, соб (кай) ёнэ тэ на ґаздэ́нпэ, тэ на залэн пхув, тэ на биянэн вэргэ́н (врогэн) пэ свэ́то.

Isajos 11:4

Ёв явэ́ла тэ сэндякиринэл чорорэн чачипна́са; кодолэнгирэ, кон страдынэла пэ пхув, рэ́нды чачипна́са россэндякирэла; Ёв Пэ́скирэ вуштэнгирэ дэстэса марэла пхув, Пэ́скирэ вуштэнгирэ духо́са замарэла грэхитконэ́ манушэ́с.

Isajos 3:11

Нэ би́да исын налачхэ́ манушэ́скэ: ёв прилэ́ла холы́ пал пэ́скирэ рэ́нды.

Isajos 2:17

Пэрэ́ла манушэ́скиро пхутькирибэ́н, пэрэ́ла манушэ́нгиро вучипэ́н, екх Рай Дэвэ́л явэ́ла вучо́ дрэ дова́ дывэ́с.

Ióvo 40:12

[17] Ёв бандькирэла порьяса сыр кедроса, а жылы пэ лэ́скиро пэр зоралэ́с кходэ.

Pritčy 8:13

Соб (кай) тэ дэс паты́в кэ дар Ра́скэ-Дэвлэ́скэ, трэй древа́н тэ на камэс фуипэ́н, пхутькирибэ́н, и одолэ́н, кон пэс барьякирэ́ла, чорэ́ рэ́нды (де́лы) и, кон пэфроми ракирэ́ла чорипэ́н – мэ древа́н на кама́м.

Isajos 14:5

Пхагирдя́ Рай Дэвэ́л грэхитконэ́-манушэ́нгиро дэсто́, дэсто́ крали́тко,

Isajos 22:14

И откэрдя кэ мирэ́ кана́ Рай Дэвэ́л, болыбна́скирэ-янголэ́нгиро: “На отмэкэлапэ тумэ́нгэ дава́ грэ́хо, пака тумэ́ на мэрэ́на”, – пхэндя́ Рай Дэвэ́л, болыбна́скирэ-янголэ́нгиро.

Isajos 23:9

Рай Дэвэ́л, болыбна́скирэ-янголэ́нгиро, припхэндя́ дава́, соб (кай) тэ на пхутёл нисаво́ барипэ́н, соб (кай) тэ ладжан сарэ́, кон прилэ́ла паты́в пэ пхув.

Isajos 24:21

И явэ́ла дро дова́ дывэ́с: зджа́ла Рай Дэвэ́л тэ кэрэ́л ка́ра пэ налачхэ́ ду́хи, савэ́ исын дро болыбэ́н и пэ пхувитконэ кралье́ндэ, савэ́ исын пэ пхув.

Isajos 25:3

Палдава́ явэ́на тэ шарэ́н Тут зоралэ́ народы; фо́рья, кай даранэ кхэри́тка ро́ды дживэ́на, явэ́на тэ дарэ́н Ту́тыр.

Isajos 29:5

Тырэ́-вэргэнгиро бутыпэн ячэ́ла сыр дробно пра́хо, и захало; баро́ кэ дар халадыбэ́н роспхурдэлапэ, саво́ сыр пхуса, саро́ дава́ явэ́ла, ко́ли на ужакирэ́на, екха́тыр, дрэ екх мэнта (минута).

Isajos 29:20

Пал-дова́ со нико́н буты́р лэ́нгэ на явэ́ла тэ кэрэ́л биба́хт, кошыбнари хасёла, и хасякирэна сарэ́н, кон на кэрэ́ла пир чачипэ́н.

Isajos 65:7

Тумарэ́ грэ́хи и кхэтанэ́ тумарэ́-дадэнги́рэ грэ́хи, – ракирэ́ла Рай Дэвэ́л; пал-дова́ тумарэ́ дада́ хачкирэнас фимиа́мо пэ бэ́рги, пэ тыкнэ́ бэ́ргицы кошэнас Ман; Мэ отмеринава лэ́нгэ пал сарэ́ лэ́нгирэ рэ́нды.’

Ереме́ё 48:29

Амэ шундя́м пал пхутькирибэ́н Моавоскиро: ёв исын древа́н пхутькирдо – лэ́стэ исын вучи́ мина пэ муй, – ёв барьякирэ́ла пэс, – ёв пхутёла, – и ёв думинэ́ла вучэ́с пал пэ́стэ дро пэ́скиро ило́.

Avakumo 2:4

Дыкхэ́н: пхутькирдо ману́ш камэ́ла намиштыпэн и хасёла, нэ чачуно́ ману́ш явэ́ла тэ дживэ́л пир лэ́скиро патяибэ́н.”

Pritčy 11:31

Ко́ли чачуно́ ману́ш дорэсэ́ла мазу́ри (награда) пэ пхув, тэды буты́р дорэсэ́ла грэхи́тко и фуй ману́ш.

Isajos 2:12

Пал-дова́ со джа́ла дывэ́с Ра́скирэ-Дэвлэ́скиро, болыбна́скирэ-янголэ́нгиро пэ саро́ пхутькирдо и пэ саро́ ґаздыно́, саро́ ґаздыно́, саро́ дава́ явэ́ла ладжакирдо́.

Isajos 25:5

Сыр хачкирибэ́н пэ штэ́то бипанескиро, Ту розмардян вэргэнгиро шумо; сыр чачипэ́н пириячэ́ла брышындэстыр, адя́кэ Ту притасадян ра́дыма одолэнгири, савэ́ притасавэ́на.

Дание́лё 4:34

[37] Акана́ мэ сом, о Навуходоносо́ро, шарава, ґазда́ва и патывакирава Крали́с Болыбнаскирэс, Савэскирэ рэ́нды сарэ́ исын чачунэ́ и дрома́ чачипнаскирэ, и Саво́ зорало́ исын, соб (кай) тэ чхувэ́л тэлэ́ кодолэ́н, савэ́ псирэ́на пхутькирибнаса.