Isajos 13:10 - Библия - Пэ Балтитко Романи чиб (Романэс) 2019

¹⁰ Болыбна́скирэ чэргэня́ буты́р на хачона, кхам мурдия, ко́ли газдэлапэ, чхон на сыкавэ́ла пэ́скиро дуд (свэ́то).

Biblija - Pe Baltitko Romani čib (Romanes) 2019

¹⁰ Bolybnáskire čergeniá butýr na xačona, kham murdija, kóli gazdelape, čhon na sykavéla péskiro dud (svéto).

Isajos 13:10 Referans Kwoze

Матфеё 24:29

И екха́тыр (сра́зу) пало́ дая́ пхари́ би́да дрэ долэ́ дывэса́ кхам мурдёла, чхон на явэ́ла тэ свэнцынэл, и чэргэня́ пэрэ́на болыбна́стыр, и болыбна́скирэ зорья явэ́на триинскирдэ

Marko 13:24

А дро долэ́ дывэса́, сыр проджа́ла (накхэла) дая́ пхари́ би́да, кхам мурдёла, и чхон на явэ́ла тэ свэнцынэл пэ́скирэ свэтоса (лосаса),

Ioil 2:31

Кхам парудёла пэ калыпэ́н, и чхон парудёла пэ рат, – анги́л, сыр явэ́ла баро́ и трашано Дывэ́с Ра́скирэ-Дэвлэ́скиро.

Sykadyipén 8:12

И шта́рто Янго́ло пхурдыя дрэ пэ́скири ро́го: и три́то паш кхамэскири сыс отмарды, и три́то паш чхонэскири, и три́то паш чэргэненгири, со калынэ; на сыс дуд (свэ́то) ни дро три́то паш дывэсы́тко, ни адя́кэ-паць рати́тко.

Luka 21:25

И коригэды́р (позжэ) далэ́стыр вари-савэ́ знаме́нии (ґертыка́) явэ́на тэ кэрэнпэ пэ кхам, пэ чхон и пэ чэргэня́, а манушэ́ндэ пэ пхув явэ́ла дукх пэ ило́, морёскирэ (дэрьявэ́скирэ) рёвостыр и валнэндыр, савэ́ явэ́на даранэс тэ ґаздэ́нпэ;

Ioil 3:15

Кхам и чхон явэ́на калэ́ (цямлэ), и чэргэня́ пириячэна тэ зяинэн.

Isajos 5:30

Загодлэла пэ лэ́стэ дро дова́ дывэ́с сы́рбы мо́рё (дэрья́в), саво́ холя́сыя; подыкхэла ёв пэ пхув, акэ: – калыпэ́н, би́да, мурдия дуд (свэ́то) пэ болыбэ́н.

Ioil 2:10

Пхув явэ́ла тэ издрал анги́л лэ́ндэ, и болыбэ́н тэ рискирэлпэ кхам и чхон покалёна, и чэргэня́ пириячэна тэ зяинэн.

Isajos 24:23

И чхон лолёла, и кхам ладжала, ко́ли явэ́ла Рай Дэвэ́л, болыбна́скирэ-янголэ́нгиро крали́са пэ бэ́рга Сио́но и дро Ерусалимо, и анги́л лэ́скирэ пхурыдырэндэ явэ́ла барипэ́н (сла́ва).

Isajos 24:21

И явэ́ла дро дова́ дывэ́с: зджа́ла Рай Дэвэ́л тэ кэрэ́л ка́ра пэ налачхэ́ ду́хи, савэ́ исын дро болыбэ́н и пэ пхувитконэ кралье́ндэ, савэ́ исын пэ пхув.

Apostolengiri Butý 2:20

Кхам кэрэ́лапэ дро калыпэ́н, и чхон дро рат, анги́л сыр явэ́ла Дэвлэ́скиро дывэ́с, бахтало́ и лачхо́.

Ióvo 9:7

Кон припхэнэла кхамэскэ, и кхам на уштэ́ла, и Ёв чхувэ́ла чэргэня́ пэ якхи́тко чэргэнори́ (печать).

Ekliesiastos 12:2

Анги́л дава́, сыр кхам и дуд, чхон и чэргэня́ ячэ́на цямлэ, и анги́л дава́, сыр о́блоки рисёна палэ брышындэстыр;

Isajos 47:5

Бэш, на ра́кир ничи́, джа́ дрэ калыпэ́н (цёмныма), чхай Халдеенгири, буты́р на явэ́на тэ кхарэ́н тут раняса дро кралипэ́н.

Isajos 50:3

Мэ учхакирава болыбэ́н калыпнаса и сыр жалобнонэ гонэстыр праскаса Мэ кэра́ва учхакирибэн ваш болыбэ́н.”

Amoso 5:20

Нау́што дывэ́с Ра́скирэ-Дэвлэ́скиро исын на калыпэ́н, а дуд? Хор калыпэ́н, нанэ ни сави́ ясныма, и на зяинэла.

Naumo 1:8

Нэ барэ́-тасадыпнаскирэ паненца, савэ́ исын сыр потопо, Ёв янэ́ла хасибэ́н кэ ко́нцо (кэ яго́ро) далэ́ штэтоскэ Ниневиякэ, и калыпэ́н учхакирэ́ла Лэ́скирэ вэргэ́н.

Заха́рия 14:6

И явэ́ла дро дова́ дывэ́с: на явэ́ла дуд, кхам, чхон и чэргэня́ дурьёна.