Isajos 12:4 - Библия - Пэ Балтитко Романи чиб (Романэс) 2019

⁴ И пхэнэ́на тумэ́ дро дова́ дывэ́с: “Барьякирэ́н Рас-Дэвлэ́с, прикхарэн Лэ́скиро лав, роспхэнэ́н дрэ народы пал Лэ́скирэ рэ́нды (де́лы); рипирэ́н, со баро́ исын Лэ́скиро лав.

Biblija - Pe Baltitko Romani čib (Romanes) 2019

⁴ I phenéna tumé dro dová dyvés: “Barjakirén Ras-Devlés, prikharen Léskiro lav, rosphenén dre narody pal Léskire réndy (diély); ripirén, so baró isyn Léskiro lav.

Isajos 12:4 Referans Kwoze

Psalmy 105:1

Парикирэ́н, тумэ́, Ра́скэ-Дэвлэ́скэ! Кхарэ́н Лэ́скиро лав! Роспхэнэ́н манушэ́нгэ, со Ёв кэрдя́.

1 Паралипоменоно 29:11

Тыро́, Раё Дэ́вла, райканыпэн, и зоралыпэ́н, и сла́ва, и збе́рдыма (побе́да), и саро́, со исын пэ болыбэ́н и пэ пхув, исын Тыро́; Тыро́, Дэ́вла, кралипэ́н, и Ту сан вучэды́р сарэ́стыр, сыр Баро́ Рай, Саво́ хулаинэла.

Isajos 25:1

Раё Дэ́вла! Ту сан миро Дэвэ́л, мэ ла́ва тэ шара́в Тут, мэ шарава кэ вучипэ́н Тыро́ лав, пал-дова́ со Ту кэрдя́н ди́во; дова́, со припхэндян ґара́, дава́ исын чачипэ́н, ами́нь.

Joannostir 17:26

и Мэ сыкадём лэ́нгэ Тыро́ лав и Мэ ява́ва тэ сыкавав, соб (кай) доя́ ла́ска, сави́ исын Ту́тэ кэ Мэ, тэ явэ́л дрэ лэ́ндэ, сыр и Мэ сом дрэ лэ́ндэ.”

Ереме́ё 50:2

“Подэн зан (дэн тэ джинэ́н) машки́р на́цыи, и обзанякирэн (роспхэнэ́н) сарэ́нгэ, и ґаздэ́н сцяго (флаго); обзанякирэн, и на гаравэн дава́, – пхэнэ́н: ‘Вавило́но лыно́, Вило ладжакирдо́. Меродахо исын пхагирдо́ пэ котэра́, лэ́скирэ и́долы магирдэ́, лэ́нгирэ вычхудэ́ муя́ пхагирдэ́ пэ котэра́.

Psalmy 57:5

Миро ди исын машки́р шчэрэндэ (левэндэ), мэ сом пашто́ машки́р одолэ́ндэ, савэ́ хачона яга́са, – манушы́тка чхавэ́, конэскирэ данда́ исын сы́рбы чхурдыбнытка бустя́ (коп΄и) и марибны́тка бустя́ (стре́лы), лэ́нгири чиб исын сы́рбы востро (чолалы́) курта́ла.

Psalmy 18:46

Чужонэ-манушэ́нгирэ чхавэ́ ячэ́на зломка и ёнэ выджа́на пэ́скирэ барунэ́ рикирибнэндыр, издраиндой.

Ниеми́я 9:5

Леви́ты пхэндлэ́: “Ису́со (Ёхошуа́), Кадмиило, Ванея, Хашавния, Шэревия, Годия, Шэвания, Петахия: “Уштэ́н и барьякирэ́н Рас-Дэвлэ́с, Дэвлэ́с тумарэс пэ сарэ́ бэрша́.

Vygiiben 33:19

И пхэндя́ Рай Дэвэ́л: “Мэ лыджа́ва анги́л ту́тэ сари́ Мири́ сла́ва, и барьякирава анги́л ту́тэ лав Иегова (Яхва́), и конэ́с тэ примангэс, Мэ примангава, конэ́с тэ потангинэс – Мэ потангинава.”

Vygiiben 15:2

Рай Дэвэ́л исын зоралыпэ́н миро и сла́ва мири́, Ёв сыс миро зракхибэ́н: Ёв исын миро Дэвэ́л, и Мэ славинава Лэс; мирэ́-дадэ́скиро Дэвэ́л, и мэ барьякирава Лэс.

Isajos 66:19

И Мэ чхува́ва пэ лэ́ндэ ґерты́к (досыкаибэн), Мэ бичхава́ва зракхнэ́ манушэ́н лэ́ндыр кэ народы: дро Фарсисо, дрэ Пула и Луда, кэ одолэ́, кон лэ́ла дро васт лу́ко тэ надтырдэл, дрэ Тубала и дрэ Явана, пэ дуратунэ́ островы, савэ́ на шундлэ́ пал Ма́ндэ и на дыкхнэ́ Мири́ паты́в; и ёнэ пхэнэ́на дрэ народы пал Миро барипэ́н.

Isajos 33:5

Баро́ исын Рай Дэвэ́л, саво́ дрэ вучипэ́н дживэ́ла; Ёв пхэрдякирэла Сио́но сэндоса и чачипна́са.

Isajos 24:15

Шарэ́н Рас-Дэвлэ́с пэ васто́ко, пэ островы, шарэ́н Ра́скирэ-Дэвлэ́скиро, Израилёскирэ-Дэвлэ́скиро лав!

Isajos 12:1

И пхэнэ́са дрэ дова́ дывэ́с: “Барьякирава мэ Тут, Раё Дэ́вла; Ту холясоса пэ ма́ндэ, нэ пирияця́ Тыри́ холы́, Ту потангиндян ман.

Isajos 2:17

Пэрэ́ла манушэ́скиро пхутькирибэ́н, пэрэ́ла манушэ́нгиро вучипэ́н, екх Рай Дэвэ́л явэ́ла вучо́ дрэ дова́ дывэ́с.

Isajos 2:11

Проджа́ла манушэ́скиро пхутькирибэ́н, пэрэ́ла манушэ́нгиро вучипэ́н, екх Рай Дэвэ́л явэ́ла вучо́ дро дова́ дывэ́с.

Psalmy 113:5

Кон исын дасаво-паць сыр Рай Дэвэ́л, амаро́ Дэвэ́л, Саво́ хулаинэла вучипна́стыр;

Psalmy 107:22

И мэк ёнэ тэ парикирэ́н Ра́скэ-Дэвлэ́скэ свэнтонэ́ дыибнаса тэ парикирэ́н, и мэк ёнэ тэ роспхэнэ́н сарэ́нгэ пал Лэ́скирэ бутя́ радымакирэ гиляса.

Psalmy 97:9

Пал-дова́ со Ту, Раё Дэ́вла, сан Сано (Най) Вучэды́р сарэ́стыр пир пхув; Ту сан ґаздыно́ древа́н вучэды́р сарэ́ дэвлорэндыр.

Psalmy 96:3

Роспхэнэ́н сарэ́нгэ пал Лэ́скири сла́ва машки́р Наюды́тка на́цыи, пал Лэ́скирэ ди́вна кэ барипэ́н бутя́ машки́р ро́ды (пле́ми).

Psalmy 73:28

Нэ ваш ма́нгэ исын миштэ́с тэ явав пашылэды́р кэ Дэвэ́л: Мэ рискирдём пэ́скиро ило́ тэ зракхавпэ кэ Рай Дэвэ́л, соб (кай) тэ ракира́в сарэ́нгэ пал сарэ́ Тырэ́ рэ́нды.

Psalmy 46:10

Кон кэрэ́ла адя́кэ, со марибэна кэ пхувья́кирэ яго́ры (краи́) кончынэнапэ, Ёв пхагирэ́ла лу́ко и пхагирэ́ла чхурдыпнытко буст (коп΄е) пэ котэра́; Ёв хачкирэ́ла сарэ́са яга́са марибны́тка вурдэна́.

Psalmy 40:5

Тэ явэ́л бахтало́ одова́ ману́ш, кон ужакирэ́ла лачхипэ́н Ра́стыр-Дэвлэ́стыр, и саво́ на рисёла кэ пхутькирдэ́ и кэ одолэ́, савэ́ рисёна кэ хохаибэ́н.

Psalmy 34:3

Миро ди явэ́ла тэ шарэлпэ Ра́са-Дэвлэ́са. Мануша́, савэ́ ха́на мэ́ньки, шунэ́на пал дава́ и явэ́на тэ радынэ́нпэ.

Psalmy 22:31

Манушэ́нгирэ ро́ды, со явэ́на анги́л, явэ́на тэ дынаринэ́н Лэ́скэ: мануша́ явэ́на тэ ракирэ́н пал Растэ-Дэвлэ́стэ ваш яви́р ро́ды.

Psalmy 21:13

пал-дова́ со Ту рискирэса кэ ёнэ думэса; Ту рискирэса марибны́тка бустя́ (стре́лы) пэ Пэ́скиро лу́ко пэ лэ́нгирэ муя́.

Psalmy 9:11

А одолэ́, савэ́ джинэ́на Тыро́ лав, явэ́на тэ патя́н дрэ Ту́тэ, со Ту, Раё Дэ́вла, на мэкцян ни екхэ́с, кон родэ́ла Тут.

1 Паралипоменоно 16:8

“Парикирэ́н Ра́скэ-Дэвлэ́скэ, кхарэ́н зоралэ́с Лэ́скиро лав; роспхэнэ́н манушэ́нгэ пал Лэ́скирэ рэ́нды;

Psalmy 148:13

мэк ёнэ тэ шарэ́н Ра́скирэ-Дэвлэ́скиро лав; пал-дова́ со екх Лэ́скиро лав трэй тэ шарэ́н кэ вучипэ́н; Лэ́скири сла́ва исын вучэды́р пхувья́тыр и болыбна́стыр.

Isajos 26:8

И пэ дром, кай исын Тыро́ сэ́ндо, Раё Дэ́вла, сыс амэ́ндэ лачхо́ ужакирибэ́н пэ Ту́тэ; кэ Тыро́ лав, кэ рипирибэ́н пал Ту́тэ тырдэла амэн амаро́ ди.

Isajos 42:12

Мэк тэ дэн паты́в Ра́скэ-Дэвлэ́скэ, мэк тэ шарэ́н Лэс пэ островы.

Isajos 48:20

Выджа́н Вавилоно́стыр, нашэ́н: явнэ́ Халдеи; радынэ́нпэ и пхэнэ́н пал дава́; пхэнэ́н дава́ лав пир сари́ пхув, ракирэ́н: “Рай Дэвэ́л выкиндя Пэ́скирэ писхари́с, Яково́с.

Малахия 1:11

Мирэ́ лавэ́скэ явэ́ла бари паты́в машки́р Наюды́тка на́цыи (народы), одотхы́р, кай кхам уштэ́ла и кэ дова́ штэ́то, кай кхам заджа́ла. Пэ кажно штэ́то дрогонэ́-смолакиро тхувипэн явэ́ла Ма́нгэ, жужо́ свэ́нто дыибэ́н; ваш дова́, со Мирэ́ Лавэ́скэ явэ́ла бари паты́в машки́р Наюды́тка на́цыи,” – ракирэ́ла янголэ́нгирэ-болыбна́скиро Рай Дэвэ́л.

Psalmy 68:5

Бага́н Дэвлэ́скэ, бага́н шарибнытка гиля́ Лэ́скирэ лавэ́скэ, ґаздэ́н шарибнаса Лэс, Саво́ традэ́ла уклисто пир о́блоки пэ болыбэ́н: Лэ́скиро лав исын Рай Дэвэ́л, ґаздэ́нпэ шарибнаса одо́й, кай Ёв исын.