Isajos 12:3 - Библия - Пэ Балтитко Романи чиб (Романэс) 2019

³ Дрэ тумари́ ра́дыма явэ́на тэ лэн пани́, кай ганынг дэ́ла зракхибэ́н.

Biblija - Pe Baltitko Romani čib (Romanes) 2019

³ Dre tumarí rádyma javéna te len paní, kaj ganyng déla zrakhibén.

Isajos 12:3 Referans Kwoze

Sykadyipén 22:17

Ду́хо (Фа́но) и тэрны́ пхэнэ́на: “Яв!” И мэк о одова́, кон шунэ́ла, тэ пхэнэ́л: “Яв!” И мэк одова́, конэ́стэ исын смэ́га, тэ пьел джиибна́скиро пани́ би ловэнгиро.

Sykadyipén 22:1

И Янго́ло сыкадя́ ма́нгэ рэка (лэнь) джиибна́скирэ пане́са, сави́ сыс жужы, сыр кристало. Ёй тхадэлас Дэвлэ́скирэ и Бакрорэ́скирэ троно́стыр.

Sykadyipén 7:17

сыр Свэ́нто Бакроро́, Саво́ исын машкира́л троно, явэ́ла тэ чалякирэл лэн и тэ лыджа́л кэ ґанынгорья джидэ́-панескирэ. И Дэвэ́л выкхосэла кажно ясвин лэ́нгирэ якхэ́ндыр.”

Ереме́ё 2:13

Пал-дова́ со мирэ́ мануша́ кэрдэ́ чорипэ́н дуй мо́лы: ёнэ ячкирдэ́ Ман, Кон исын джидэ́-панескири ґанингори и ёнэ выганадэ пэ́скэ вэндариня (сажалки), пхагирдэ́ лэн, со на могинэ́на тэ рикирэ́н пани́.

Isajos 49:10

На явэ́на ёнэ тэ бокхалён, на явэ́на ёнэ би панескиро (трушалэ), кхам лэн на пэкэла; Кодова́, Кон тангинэла (жалинэла) лэн, лыджа́ла лэн и янэ́ла кэ пани́.

Joannostir 1:16

Лэ́стэ саро́ сыс пхэрдо́ и пир Лэ́скиро пхэрдыпэн амэ сарэ́ дорэсцям екх бахталыпэ́н пал екх.

Psalmy 36:9

Ту чалякирэса лэн барвалэ́ скаминдэстыр дро Тыро́ кхэр, Ту дэ́са тэ пьен лэ́нгэ рэка́тыр (лэня́тыр) Пэ́скирэ кучонэ́ миштыпна́стыр.

Гиленгири (Соломоно́скири) Гилы́ 2:3

Сыр пхабэлын, сави́ исын машки́р вэшытка кашта́ (дрэвы), адя́кэ-паць исын миро пирамно́ машки́р тэрнэндэ. Ма́нгэ исын пир ило́ тэ бэшав дрэ ла́кири зэр (тень), и ла́кирэ барьякирдэ́ (пло́ды) исын гудлэ́ ваш миро муй.

1 Kralip 2:1

И мангдя́пэ Анна и ракирдя́: “Обрадындяпэ миро ило́ дро Растэ-Дэвлэ́стэ; ґаздыи шынг миро дро мирэ́ Растэ-Дэвлэ́стэ; буґлэс росчхакирдэпэ мирэ́ ушта́ пэ мирэ́ вэргэ́ндэ (врогэндэ); пал-дова́ со мэ радынавапэ пал Тыро́ зракхибэ́н.

Isajos 41:18

Мэ откэрава рэ́ки (лэня́) пэ чхучэ́ бэргицакирэ вучипэна́ и ґанынгорья машки́р долоскирэ фэ́лды Мэ кэра́ва чхучэ́ пхувья́тыр зеро (озеро), Мэ кэра́ва шукэ́ пхувья́тыр ґанынгорья пане́са.

Езэкилё 47:9

Кажно джидо́ создыибэн, саво́ кхарэ́лапэ (движынэлапэ) одо́й, кай заджа́на дуй рэкицы, явэ́ла тэ дживэ́л, одо́й явэ́ла бут мачхэ́, пал-дова́, со заджа́ла одори́к дова́ пани́ и кэрэ́лапэ пани́ дрэ мо́рё (дэрья́в) састякирибнытко, и карик заджа́ла дая́ сыкно рэ́кица (лэнори́), саро́ одо́й явэ́ла джидо́.

Psalmy 87:7

И башаибнаскирэ и багаибнаскирэ пхэнэ́на: “Саро́ лачхипэ́н джа́ла ту́тыр, Сио́но.”

Заха́рия 13:1

Дро дова́ дывэ́с псиравэлапэ (откэрэлапэ) ґанынгори ваш Давидо́скиро кхэр и Ерусалимо́скирэ манушэ́нгэ, соб (кай) тэ выморэн (тэ халавэн криг) лэ́ндыр грэ́хо и кажно мэлалыпэн.