Isajos 12:2 - Библия - Пэ Балтитко Романи чиб (Романэс) 2019

² Акэ, Дэвэ́л исын Миро зракхибэ́н; допатяв Лэ́скэ и на дарав, пал-дова́, со Рай Дэвэ́л исын зор мири́, багаибэн миро – Рай Дэвэ́л; Ёв сыс Миро зракхибэ́н.”

Biblija - Pe Baltitko Romani čib (Romanes) 2019

² Ake, Devél isyn Miro zrakhibén; dopatiav Léske i na darav, pal-dová, so Raj Devél isyn zor mirí, bagaiben miro – Raj Devél; Jov sys Miro zrakhibén.”

Isajos 12:2 Referans Kwoze

Vygiiben 15:2

Рай Дэвэ́л исын зоралыпэ́н миро и сла́ва мири́, Ёв сыс миро зракхибэ́н: Ёв исын миро Дэвэ́л, и Мэ славинава Лэс; мирэ́-дадэ́скиро Дэвэ́л, и мэ барьякирава Лэс.

Psalmy 27:1

Давидо́скиро Пса́лмо. Рай Дэвэ́л исын миро дуд (свэ́то) и Ёв зракхэ́ла ман; конэ́стыр ма́нгэ тэ страхадёвав? Рай Дэвэ́л приракхэла ман Лэ́скирэ зоралыпнаса; конэ́стыр мэ тэ дарав?

Psalmy 118:14

Рай Дэвэ́л исын миро зоралыпэ́н и мири́ гилы́ радыма́са и Ёв зракхця́ ман.

Sykadyipén 7:10

И ёнэ дэ́нас го́дла зоралэ́ заня́са и пхэнэнас: “Зракхибэ́н явэ́ла амарэ́ Дэвлэ́стыр, Саво́ исын бэшто́ пэ троно и Свэнтонэ́ Бакрорэстыр.”

Jona 2:9

Кодолэ́, кон кэрэ́ла паты́в идолэ́нгэ, савэ́ нисо́ на мол, ячкирдэ́ Тут, Кон дэ́ла бахталыпэ́н.

Isajos 45:17

А Израилё явэ́ла зракхно пир ве́чно зракхибэ́н дро Растэ-Дэвлэ́стэ; тумэ́ на явэ́на ладжакирдэ́ никели.

Ереме́ё 23:6

Дрэ долэ́ дывэса́ Юдэ́я явэ́ла зракхны, и Израилё явэ́ла тэ дживэ́л би дара́киро. Ёв явэ́ла тэ кхарэлпэ: ‘Рай Дэвэ́л исын амаро́ Чачипэ́н.’

Ереме́ё 3:23

Чачипэ́н, со амэ ивья́ патяндыям, со бэ́ргицы выракхэна амэн, со бутэ́-бэргэнгири зор подэла васт амэ́нгэ: чачипна́са Рай Дэвэ́л, амаро́ Дэвэ́л фэ́ни выракхэла амэн.

Psalmy 83:18

Тэ явэ́н ёнэ ладжакирдэ́ и трашакирдэ пэ сарэ́ ве́ки, тэ нашавэн ёнэ паты́в и тэ хасён:

1 Ximaske 3:16

И сарэ́ приґалынэ, со баро́ гарадо́ чачипэ́н исын дро амаро́ дэвлыткимакиро патяибэ́н: Дэвэ́л явдя́ дрэ манушы́тко лоч (плоть), Ду́хо (Фа́но) приґалыя Лэс чачунэса, сыкадя́ Пэс Янголэнгэ, пал Лэ́стэ роспхэндлэ́ машки́р сарэ́ манушэ́ндэ, дрэ Лэ́стэ упатяндыя свэ́то и Ёв сыс лыно́ упрэ́ дрэ сла́ва пэ болыбэ́н.

Римлянэнгэ 1:16

Мэ на ладжава тэ роспхэнав бахталы́ зан (звесь), пал-дова́ со ёй исын Дэвлэ́скири зор ваш зракхибэ́н кажнонэ́скэ дэвлытконэскэ: англэды́р Юдэ́нгэ, нэ коригэды́р (тэ́ньчи) Элинэ́нгэ (Грекэ́нгэ/Баламэ́нгэ):

Osija 1:7

Нэ Мэ сыкава́ва ла́ска пэ кхэр Юда́скиро, и Мэ, Рай Дэвэ́л, лэ́нгиро Дэвэ́л, выракхава лэн, нэ на́ луко́са, на́ куртала́са, на́ марибна́са, на́ грэ́нца, на́ уклистэнгирэ халадэнца.”

Isajos 62:11

Акэ, Рай Дэвэ́л пхэнэ́ла кэ сари́ пхув: “Пхэнэ́н патывалэ́ чхакэ Сионо́стыр: акэ, джа́ла тыро́ Зракхибнари, Лэ́скири мазу́ри (награда) исын Лэ́са, и отдыибэ́н Лэ́скиро исын анги́л Лэ́стэ.

Isajos 32:2

Кажно лэ́ндыр явэ́ла сыр зракхибэ́н балвалятыр, сыр зракхибэ́н брышындэстыр, сыр пани́ пэ шуки́ (чхучи́) пхув, сыр бэ́рга, сави́ закэрэла кхамэстыр чхучи́ пхув.

Isajos 7:14

Нэ кокоро́ Рай Дэвэ́л дэ́ла ґерты́к/ досыкаибэн тумэ́нгэ: акэ, э патывалы́ тэрны́ джувлы́ прилэ́ла и биянэ́ла чхавэ́с, и дэ́на Лэ́скэ лав: Эмануило.

1 Kralip 2:1

И мангдя́пэ Анна и ракирдя́: “Обрадындяпэ миро ило́ дро Растэ-Дэвлэ́стэ; ґаздыи шынг миро дро мирэ́ Растэ-Дэвлэ́стэ; буґлэс росчхакирдэпэ мирэ́ ушта́ пэ мирэ́ вэргэ́ндэ (врогэндэ); пал-дова́ со мэ радынавапэ пал Тыро́ зракхибэ́н.

Ióvo 13:16

Дава́ пэ са́мо на́бут (куты́) адя́кэ-паць явэ́ла миро зракхибэ́н, пал-дова́ со дуе-муенгиро (лицэме́ро) ману́ш на явэ́ла анги́л Лэ́стэ.

Psalmy 112:8

Лэ́скиро ило́ исын твардо, ёв на дарэ́ла, пака ёв дыкхэ́ла вэргэ́н, со ёнэ исын тэл ґэра́.

Isajos 10:24

Палдава́ адя́кэ пхэнэ́ла Рай Дэвэ́л, Рай Дэвэ́л, болыбна́скирэ-янголэ́нгиро: “Народо Миро, саво́ дживэ́ла пэ Сио́но, на дар Асуростыр. Ёв выджа́ла пэ ту́тэ, ґаздэ́ла пэ ту́тэ пэ́скиро дэсто́, сыр Еги́пто.

Isajos 17:10

Пал-дова́ со ту, Израилё, бистырдян Дэвлэ́с, тырэ́с Зракхибнаскирэс, и ту на рикирдян дрэ годы́, ска́ла тырэ́ – форо́скирэ рипирибнастыр; палдава́ ту почхудян камибнытка унты (сады) и вычхудян на тумарэ́ пхувья́кирэ-раслинакирэ рандёрья.

Isajos 27:5

Нэ ко́ли ёв/ёй помангэла Миро зракхибэ́н, и явэ́ла тэ мангэ́л рама́нё (миро) Ма́нца, мэк тэ́ньчи ёнэ тэ прилэ́н рама́нё (миро) Ма́нца.”

Isajos 49:5

Акана́ ракирэ́ла Рай Дэвэ́л, Саво́ кхардя́ Ман ишчо (инкэ́) дрэ дакири лочови́, соб (кай) тэ явав Мэ Лэ́скирэ дынариса, соб (кай) Мэ тэ прикхарав кэ Ёв Яково́с, и, соб (кай) Израилё кэ Ёв тэ скэдэлпэ. Мэ прилыём паты́в дрэ якха́ Ра́скирэ-Дэвлэ́скирэ; Дэвэ́л Миро исын Мири́ зор.

Isajos 50:10

Кон тумэндэр дарэ́ла Ра́стыр-Дэвлэ́стыр, кандэ́ла Лэ́скирэ-Писхарискири (Рабоскири) зан? Кон псирэ́ла дро калыпэ́н (мрако) би дудэскиро (би свэтоскиро), мэк ёв тэ рикирэлпэ Ра́скирэ-Дэвлэ́скирэ лавэ́са, мэк ёв тэ чхувэ́л пэ́скиро ило́ дрэ пэ́скирэ Дэвлэ́стэ.

Isajos 61:10

Радыма́са мэ ла́ва тэ радынавпэ пал Растэ-Дэвлэ́стэ; явэ́ла тэ радынэ́лпэ зоралэ́с миро ду́хо (фа́но) пал мирэ́ Дэвлэ́стэ, пал-дова́ со Ёв уридя ман дрэ и́ди зракхибнытка, уридя ман чачипнаскирэ урибнаса; сыр пэ тэрнэстэ Ёв чхудя́ вя́нка, сыр тэрня укэдыя.

Isajos 65:18

А тумэ́ явэ́на бахталэ́, явэ́на тэ радынэ́нпэ сарэ́ бэрша́ пал дова́, со Мэ кэра́ва. Акэ, Мэ кэра́ва Ерусалимо багаибнаса и лэ́скиро народо радыма́са.

Дание́лё 3:28

Тэ́ньци Навуходоносо́ро пхэндя́: “Бахтякирдо́ тэ явэ́л о Дэвэ́л Шэдрахоскиро, и Мешахоскиро и Авед-Негоскиро, Саво́ бичхадя́ Янголо́с Пэ́скирэс, и зракхця́ писхарье́н Пэскирэн, савэ́ рикирдэ патяибэ́н дрэ Лэ́стэ и на кандэнас о припхэныбэ́н крали́скиро, и отдынэ́ лэ́нгирэ маса́ ягакэ, соб (кай) тэ на дынаринэ́н и тэ на бандякирэнпэ нисавэ дэвлэскэ, апри́ч лэ́нгирэ Дэвлэ́стэ!

Ioil 2:23

Тумэ́, чхаворэ́ Сионоскирэ, радынэ́нпэ, и веселинэнпэ (лошалён) Ра́стыр-Дэвлэ́стыр, тумарэ́ Дэвлэ́стыр, соб (кай) Ёв тэ дэл лачхо́ вэснакиро брышы́нд чачипна́са, и Ёв кэрэ́ла адя́кэ, со явэ́ла брышы́нд, сыр сыс брышы́нд: вэснакиро и пал-лынаскиро (осенякиро) дро пэ́рво чхон.

Avakumo 3:18

нэ мэ усае́кх древа́н ява́ва тэ радынавпэ Ра́стыр-Дэвлэ́стыр, и мэ ява́ва тэ радынавпэ Дэвлэ́стыр, Саво́ зракхэ́ла ман.

2 Kralip 7:24

И Ту зорьякирдян пал Пэ́стэ Тырэ́ Израилёскирэ манушэ́н, сыр Пэ́скирэ манушэ́н, пэ ве́ко, и Ту, Раё Дэ́вла, яця́н лэ́скирэ Дэвлэ́са.

Psalmy 65:6

Ту отпхэнэса амэ́нгэ пэ́скирэ древа́н барэ́ дивнонэ рэндэ́нца Пэ́скирэ чачипнастыр, Дэ́вла, Саво́ зракхэ́ла амэн, Савэ́стыр зоралэ́с ужакирэ́на лачхипэ́н сарэ́ пхувья́кирэ ягорэндыр (краендыр) и дуратунэ́ морьендыр (дэрьявэндыр),

Psalmy 68:20

Тэ явэ́л бахтякирдо́ Рай Дэвэ́л, Саво́ лыджа́ла амарэ́ пхарипэна со дывэ́с, Ёв исын Дэвэ́л, Саво́ зракхэ́ла амэн.

Psalmy 68:21

Амаро́ Дэвэ́л исын Дэвэ́л, Кон зракхэ́ла амэн. Ёв исын Рай Дэвэ́л, Дэвэ́л, Саво́ зракхэ́ла амэн мэрибна́стыр,

Psalmy 118:21

Мэ ява́ва тэ парикира́в Ту́кэ, пал-дова́ со Ту отпхэндян ма́нгэ и Ту зракхця́н ман.

Isajos 33:22

Пал-дова́ со Рай Дэвэ́л исын амаро́ Сэнда́ри, Рай Дэвэ́л дэ́ла амэ́нгэ Зако́но, Рай Дэвэ́л исын амаро́ Кра́ли, Ёв зракхэ́ла амэн.

Isajos 38:20

Рай Дэвэ́л ман зракхэ́ла, сарэ́ амарэ́ дывэса́ амэ ла́са тэ багас гиля́ дро Кхэр Ра́скирэ-Дэвлэ́скиро башаибнаса пэ струнытка струме́нты.”

Isajos 51:12

“Мэ, Мэ Кокоро́ подрикирава тумэн. Кон ту сан, ко́ли дарэса манушэ́стыр, саво́ мэрэ́ла, дарэса манушэ́скирэ чхавэстыр, саво́ исын адасаво́, сыр чар?