Isajos 12:1 - Библия - Пэ Балтитко Романи чиб (Романэс) 2019

¹ И пхэнэ́са дрэ дова́ дывэ́с: “Барьякирава мэ Тут, Раё Дэ́вла; Ту холясоса пэ ма́ндэ, нэ пирияця́ Тыри́ холы́, Ту потангиндян ман.

Biblija - Pe Baltitko Romani čib (Romanes) 2019

¹ I phenésa dre dová dyvés: “Barjakirava me Tut, Rajo Dévla; Tu xoliasosa pe mánde, ne pirijaciá Tyrí xolý, Tu potangindian man.

Isajos 12:1 Referans Kwoze

Psalmy 30:5

Бага́н шарибнытка гиля́ Ра́скэ-Дэвлэ́скэ, о, тумэ́ сарэ́ Лэ́скирэ мануша́, и парикирэ́н Лэ́скэ, и рипирэ́н лэ́скиро Свэ́нто Лачхипэ́н.

Isajos 25:1

Раё Дэ́вла! Ту сан миро Дэвэ́л, мэ ла́ва тэ шара́в Тут, мэ шарава кэ вучипэ́н Тыро́ лав, пал-дова́ со Ту кэрдя́н ди́во; дова́, со припхэндян ґара́, дава́ исын чачипэ́н, ами́нь.

Isajos 54:8

Холясыём Мэ пэ ту́тэ, гарадём ту́тыр Миро муй пэ на́бут, нэ Мэ потангинава тут барэ́ лачхипна́са, – ракирэ́ла Рай Дэвэ́л, Саво́ выкиндя тут.

Заха́рия 14:9

И Рай Дэвэ́л явэ́ла кра́ли пир сари́ пхув; дро дова́ дывэ́с явэ́ла фэ́ни (екх) Рай Дэвэ́л, и лав Лэ́скиро-фэ́ни екх.

Osija 6:1

Дрэ смэнтныма пэ́скири ёнэ пэ зло́ко (ра́нко) явэ́на тэ родэ́н Ман и тэ ракирэ́н: ‘Явэ́н, и рисёваса амэ кэ Рай Дэвэ́л: пал-дова́ со Ёв дукхадя, и Ёв састякирэла амэн; Ёв пэкадя́ амэн, и Ёв пирипхандэла амарэ́ фра́нсы (раны).

Isajos 51:3

Чачо́, Рай Дэвэ́л подрикирла Сио́но, подрикирла лэ́скирэ роспхагирдэ́ кхэра́; а чхучи́ пхув лэ́скири Ёв кэрэ́ла сыр раё, и мал (степ) лэ́скири пирикэрэла сыр у́нта (садо) Раскири-Дэвлэ́скири; ра́дыма и весёлыма (лош) одо́й явэ́на, парикирибэн и багаибэн.

Isajos 35:10

И рисёна одолэ́, конэ́с зракхэ́ла Рай Дэвэ́л и явэ́ла пэ Сио́но радымакирэ годла́са; ра́дыма явэ́ла лэ́нца саро́ часо (цы́ро); и лош (веселиё) ёнэ латхэ́на, а биба́хт бидаса лэ́ндыр отджала.

Isajos 14:3

Явэ́ла адя́кэ дро дова́ дывэ́с: ко́ли Рай Дэвэ́л залэла ту́тыр тыри́ дукх, тыри́ дар, тыро́ пхарипэ́н, дрэ саво́ ту са́нас,

Isajos 49:13

Ра́дынпэ, болыбэ́н, яв лошалёв (веселинпэ), пхув; бэ́рги, годлэн бахтятыр: подрикирдя Рай Дэвэ́л Пэ́скиро народо, потангиндя Пэ́скирэ манушэ́н, савэ́ страдынэнас.

Isajos 25:9

И пхэнэ́на дрэ дова́ дэвэс: “Акэ, Ёв исын амаро́ Дэвэ́л! Пэ Лэ́стэ сыс амаро́ лачхо́ ужакирибэ́н и Ёв зракхця́ амэн! Кадава́ исын Рай Дэвэ́л; пэ Лэ́стэ сыс амаро́ лачхо́ ужакирибэ́н; ла́са тэ радынаспэ Лэ́скирэ Зракхибнастыр.”

Римлянэнгэ 11:15

Ко́ли лэ́нгиро отгиибэн янэ́ла свэтоскэ рама́нё (миро) Дэвлэ́са, тэды со ж явэ́ла, ке́ли Дэвэ́л прилэ́ла лэн нэвэ́стыр? А дава́ явэ́ла сы́рбы отджидыибэн мулэ́ндыр.

Заха́рия 14:20

Дро долэ́ дывэса́ и по грэнгиро ґа́мо кудуненца явэ́ла чхиндло́: “Свэнтыма Ра́скэ-Дэвлэ́скэ”, и какавья (котлы) дро Кхэр Ра́скирэ Дэвлэ́скиро явэ́на сыр чарэ́ (чашы) анги́л алта́рё.

Osija 11:8

Со Ма́нгэ тэ кэра́в ту́са, Ефреме? Сыр Мэ выдава тут, Израиле? Сыр Мэ тэ кэра́в ту́са сыр Адмаса [Адамаса-р.с.]? Сыр Мэ сашты́ тэ кэра́в ту́кэ одова́, со кэрдём Сэвоимоскэ [Цэвоимоскэ-ю.о.]? Миро ило́ рисия́ дрэ Ма́ндэ, Мири́ ла́ска (жалость) росхачия.

Isajos 66:13

Сыр дай подрикирэ́ла дрэ биба́хт, адя́кэ Мэ тумэн подрикирава; тумэ́ бахталэ́ явэ́на дро Ерусалимо.”

Isajos 26:1

Дро дова́ дывэ́с явэ́на тэ бага́н дая́ гилы́ пэ пхув Юдаскири: “Зорало́ фо́ро исын амэ́ндэ; на дыя́ Ёв амэ́нгэ ва́нты и вало, а дыя́ зракхибэ́н.

Isajos 11:16

Тэ́ньци ваш ячаибэ́н Лэ́скирэ народо́стыр явэ́ла баро́ дром, сыр дава́ сыс ваш Израилё, ко́ли ёв выджа́лас Египто́скирэ пхувья́тыр.

Isajos 10:25

Ишчо (инкэ́) на́бут, сарэ́са на́бут и проджа́ла Мири́ холы́, обрисёла Мири́ холы́, соб (кай) тэ хасякирэ́л лэн.”

Isajos 2:11

Проджа́ла манушэ́скиро пхутькирибэ́н, пэрэ́ла манушэ́нгиро вучипэ́н, екх Рай Дэвэ́л явэ́ла вучо́ дро дова́ дывэ́с.

Isajos 10:4

Би Миро тумэ́ бандёна машки́р манушэ́ндэ, савэ́н залынэ дро бэшыбэн, пэрэ́на машки́р домардэ́ манушэ́ндэ. Пир саро́ дава́, Лэ́скири холы́ на пириячэ́ла и васт Лэ́скиро исын протырдыно.

Ióvo 13:16

Дава́ пэ са́мо на́бут (куты́) адя́кэ-паць явэ́ла миро зракхибэ́н, пал-дова́ со дуе-муенгиро (лицэме́ро) ману́ш на явэ́ла анги́л Лэ́стэ.

Psalmy 9:1

Хоро́скирэ Дирижоро́скэ. Пэ Мелодия пэ Гилы́. Пал Лабеноскиро Мэрибэ́н. Давидо́скиро Пса́лмо.

Psalmy 71:21

Ту дэ́са буты́р зор ма́нгэ и ту подрикирэса ман кажнонэ́ рига́тыр.

Isajos 54:7

Мэ ячкирдём пэ на́бут тут, нэ барэ́ тангипнаса (жалимаса) Мэ прилава тут палэ.

Isajos 54:9

Дава́ исын ваш Ма́нгэ сыр пани́ дрэ Ноёскирэ дывэса́; сыр совлахадём, тэ́ньчи, ко́ли дживэлас Ноё, со пани́ буты́р на явэ́ла пэ пхув, адя́кэ совлахадём, со Мэ на лава́ тэ холясовав пэ ту́тэ.

Isajos 61:10

Радыма́са мэ ла́ва тэ радынавпэ пал Растэ-Дэвлэ́стэ; явэ́ла тэ радынэ́лпэ зоралэ́с миро ду́хо (фа́но) пал мирэ́ Дэвлэ́стэ, пал-дова́ со Ёв уридя ман дрэ и́ди зракхибнытка, уридя ман чачипнаскирэ урибнаса; сыр пэ тэрнэстэ Ёв чхудя́ вя́нка, сыр тэрня укэдыя.

Isajos 64:5

Ту лачхипна́са прилэсас одолэ́с, кон радынэласпэ и кэрэ́лас пир чачипэ́н, кон рипирэлас пал Ту́тэ пэ Тырэ́ дрома́. Нэ, акэ, Ту холясыян, пал-дова́ со амэ гара (длу́гэс) лыям тэ кэра́с грэ́хи; и сыр же амэ зракхасапэ?

Isajos 65:18

А тумэ́ явэ́на бахталэ́, явэ́на тэ радынэ́нпэ сарэ́ бэрша́ пал дова́, со Мэ кэра́ва. Акэ, Мэ кэра́ва Ерусалимо багаибнаса и лэ́скиро народо радыма́са.

Ереме́ё 30:19

И долэ́ форо́стыр мануша́ явэ́на тэ парикирэ́н зоралэ́с, и ёнэ явэ́на древа́н тэ радынэ́нпэ. И Мэ кэра́ва адя́кэ, со лэн явэ́ла бутэды́р, и ёнэ на явэ́на тэ тыкнён. И Мэ барьякирава лэ́нгири паты́в, соб (кай) ёнэ тэ на дыкхэ́н пэ лэ́ндэ вучипна́стыр.

Заха́рия 8:11

И кана́ ваш Мирэ́ манушэ́нгэ, савэ́ ячнэ́пэ, Мэ на сом адасаво́, сыр со́мас ґарэдыр,’ – ракирэ́ла Дэвэ́л, янголэ́нгирэ-болыбна́скиро.

Заха́рия 8:19

Адя́кэ ракирэ́ла янголэ́нгирэ-болыбна́скиро Рай Дэвэ́л: Посто дро шта́рто чхон и посто дро па́нджто чхон, и посто дро эфта́то чхон и дро дэ́што, мэк тэ явэ́л ваш кхэр Юда́скиро радымакиро и бахтало́ свэ́нко; фэ́ни тумэ́ сан бангэ́ тэ рикирэ́н чачипэ́н и рама́нё.’

Ниеми́я 8:10

И пхэндя́ лэ́нгэ: “Джа́н, хан тхуло, и пьен гудло́, и бичхавэн хабнытка котэра́ (куски) одолэ́нгэ, конэ́стэ ничы́ нанэ заготовиндло; пал-дова́ со дывэ́с дава́ исын свэ́нто амарэ́ Ра́скэ-Дэвлэ́скэ. И на пиридживэн, пал-дова́ со ра́дыма Раскири-Дэвлэ́скири дэ́ла зор тумэ́нгэ.

Ióvo 11:16

пал-дова́ со ту бистрэса пал тыри́ бари би́да, и пририкирэса пал ла́тэ сы́рбы пал паня́, со нашнэ́ криг,

Psalmy 85:4

Ту скэдыян кэ Пэ сари́ Пэ́скири бари холын, Ту порисиян Тырэ́-холынакирэ ягатыр.

Psalmy 86:17

Сыка́в Тырэ́-лачхипнаскири ґерты́к (знаме́ниё), соб (кай) одолэ́, савэ́ на камэ́на ман зоралэ́с, могинэ́нас тэ дыкхэ́н и ёнэ явэ́нас ладжакирдэ́, пал-дова́ со Ту, Раё Дэ́вла, дыя́н васт ма́нгэ и подрикирдян ман.

Isajos 60:10

Тэ́ньци чхавэ́ явирэ народоскирэ манушэ́ндыр явэ́на тэ чхувэ́н тырэ́ ва́нты, кра́лья лэ́нгирэ лэ́на тэ кэрэ́н буты́ ту́кэ; пал-дова́, со дрэ Мири́ холы́ Мэ дукхававас тут, нэ дрэ Мири́ лачхи́ во́ля Мэ потангинава тут.

Ереме́ё 31:13

Тэ́ньци патывалы́ джувлы́ явэ́ла тэ радынэ́лпэ, кхэлындой: и тэрнэ́ и пхуранэ́ мануша́ кхэтанэ́; пал-дова́ со Мэ рискира́ва лэ́нгири ту́га дрэ ра́дыма, и Мэ подрикирава лэ́нгиро ду́хо (фа́но), и Мэ да́ва ра́дыма лэ́нгэ пэ штэ́то лэ́нгирэ-дукхакиро пэ ило́.

Заха́рия 1:16

Ваш-дова́ адя́кэ ракирэ́ла Рай Дэвэ́л: “Мэ рисёва́ва кэ Ерусалимо ковлэ́ илэ́са; дрэ лэ́стэ явэ́ла ґаздыно́ Кхэр Миро (Кхангири́ Мири́)”, – ракирэ́ла, янголэ́нгиро-болыбна́скиро Рай Дэвэ́л, и шэло, савэ́са обмеринэлапэ пэс пхув, протырдэлапэ пир Ерусалимо.