Isajos 11:9 - Библия - Пэ Балтитко Романи чиб (Романэс) 2019

⁹ На явэ́на тэ кэрэ́н холы́ ци дош пэ Мири́ свэ́нто бэ́рга, пал-дова́ со пхув пхэрдёла Дэвлэ́скирэ джиныбнаса, сыр мо́рё (дэрья́в) пхэрдёл пане́са.

Biblija - Pe Baltitko Romani čib (Romanes) 2019

⁹ Na javéna te kerén xolý ci doš pe Mirí svénto bérga, pal-dová so phuv pherdjola Devléskire džinybnasa, syr mórjo (derjáv) pherdjol paniésa.

Isajos 11:9 Referans Kwoze

Avakumo 2:14

Пал-дова́ со пхув явэ́ла пхэрды́ джиныбнаса пал Ра́скирэ-Дэвлэ́скири сла́ва, сыр паня́ учхакирэна (пхэрдякирэна) мо́рё (дэрья́в).

Isajos 52:10

Сыкадя́ сарэ́нгэ Рай Дэвэ́л Пэ́скиро свэ́нто васт, соб (кай) тэ дыкхэ́н сарэ́ народы; сарэ́ пхувья́кирэ яго́ры (концы) дыкхэ́на амарэ́ Дэвлэ́скиро зракхибэ́н.

Psalmy 72:19

Мэк тэ явэ́л бахтякирдо́ Лэ́скиро лав пэ сарэ́ ве́ки! Мэк тэ явэ́л пхэрды́ сари́ пхув Лэ́скирэ слава́са. Ами́нь и ами́нь.

Ióvo 5:23

Пал-дова́ со ту́тэ явэ́ла доракирибэ́н барэ́нца фэлдатыр и фэлдакирэ мурдала́ явэ́на дро рама́нё (миро) ту́са.

Заха́рия 14:9

И Рай Дэвэ́л явэ́ла кра́ли пир сари́ пхув; дро дова́ дывэ́с явэ́ла фэ́ни (екх) Рай Дэвэ́л, и лав Лэ́скиро-фэ́ни екх.

Isajos 59:19

И явэ́на тэ дарэ́н Ра́скирэ-Дэвлэ́скирэ лавэ́стыр пэ западо (пэ пал-панитко риг), дарэ́на Лэ́скирэ барэ́ патыватыр пэ доя́ риг, кай кхам ґаздэ́лапэ. Ко́ли вэ́рго явэ́ла, сыр рэка (лэнь), то пхурдыпэн Ра́скиро Дэвлэ́скиро лэс вытрадэла.”

Isajos 49:6

И Ёв пхэндя́: “Дава́ исын набаро́ рэ́ндо ваш Ту́кэ, со ту явэ́са Миро писха́ри, соб (кай) тэ дживэ́л ро́дыцо Яково́скиро, соб (кай) тэ рисёл ячаибэ́н Израилёскиро; нэ дава́ ишчо (инкэ́) нанэ саро́. Нэ кэра́ва Мэ Тут дудэса (свэтоса) ваш манушэ́нгэ, соб (кай) тэ джинэ́н Миро зракхибэ́н сарэ́ яго́ры (концы) пэ пхув.”

Isajos 45:6

соб (кай) тэ джинэ́н вастоко́стыр, кай кхам ґаздэ́лапэ и кэ западо (пал-панитко риг), кай кхам бэшэ́ла, со нанэ явирэ Дэвлэ́с: Мэ сом Рай Дэвэ́л и явирэ́с нанэ.

Sykadyipén 21:27

Ни саво́ магирдо́, и кодова́, кон кэрэ́ла джунгалыпэ́н (брыткима) и хохавэла нашты́ тэ заджа́л дро дава́ фо́ро, а екх одова́, кон исын зачхиндло́ дрэ джиибна́скири лылвари́ Бакрорэстэ.

Isajos 35:9

И шчэр (ле́во) на явэ́ла одо́й, и януро (хишчно мурда́л) на заджа́ла одори́к, лэс на латхэ́на одо́й, а зракхнэ́ мануша́ явэ́на тэ псирэ́н.

Isajos 30:26

Чхон явэ́ла тэ хачол сыр кхам, а кхамитко яг явэ́ла дрэ эфта́ мо́лы яснэдыр (зоралэды́р); саро́ дава́ явэ́ла дро дова́ дывэ́с, ко́ли обпхандэла Рай Дэвэ́л дукхано штэ́то лэ́скирэ народоскиро, высастякирэла лэ́скирэ дукха́.

Isajos 11:13

Ефре́мо пириячэ́ла тэ дэл якхало (тэ завидынэл), сарэ́, кон ґаздыя́пэ пэ Юдастэ, явэ́на хаськирдэ; Ефре́мо на явэ́ла тэ дэл якхало Юда́скэ, Юда на газдэлапэ прэ Ефремостэ.

Isajos 2:4

Ёв явэ́ла тэ сэндякирэ́л бут народы, Ёв сыкавэ́ла сэндарискиро лав кэ бут ро́ды; пирикэрэна пэ́скирэ курталы (мечы) пэ плуги (пхарадя) и чхурдыпнытка бустя́ (коп΄и) пэ чхиндлэ́ (серпы), на явэ́на тэ сыклён сыр, тэ лыджа́н марибэ́н.

1 Фесалоникийцэнгэ 5:15

Дыкхэ́н, соб (кай) нико́н тэ на кэрэ́л никонэ́скэ чорипэ́н палэ пал чорипэ́н, нэ ўса́ды (сак) кэрэ́н лачхипэ́н екх екхэ́скэ и сарэ́ манушэ́нгэ,

Psalmy 78:54

И Ёв долыджия лэн кэ кусты́ка (кэ грани́цы) Пэ́скирэ Свэнтонэ́-Пхувьякири, кэ бэ́рга, со лэ́скиро чачо́ васт дорэсця́;

Isajos 11:8

Бия́то явэ́ла тэ кхэлэл (тэ броинэл) пашы́л сапэскири нора, ёв протырдэла пэ́скиро васт кэ саплынякири гня́зда (ку́фо).

Isajos 33:6

И явэ́ла часо, ко́ли на явэ́на тэ дарэ́н никонэстыр, ко́ли явэ́ла баро́ зракхибэ́н, годы́ и джиныбэ́н, а дар Дэвлэ́скири явэ́ла тырэ́ кучипнаса.

Isajos 54:5

Кодова́, Кон создыя́ тут, исын тыро́ ром; Рай Дэвэ́л, болыбна́скирэ-янголэ́нгиро исын Лэ́скиро лав; Свэ́нто Израилёскиро тут выкинэла; Ёв кхарлапэ сарэ́-пхувья́кирэ Дэвлэ́са.

Isajos 56:7

Мэ яна́ва лэн пэ Мири́ свэ́нто бэ́рга, Мэ обрадынава (лошакирава) лэн дро Миро кхэр, кай мангэ́напэ; лэ́нгирэ цэ́ла схачкирибэна и свэ́нта дыибэна́ лачхэ́ явэ́на пэ Миро алта́рё (жэртвенико), пал-дова́ со Миро кхэр кхарэ́лапэ кхэрэса, кай мангэ́напэ сарэ́ народы.

Isajos 65:25

Рув и бакроро́ явэ́на кхэтанэ́ тэ чаравэнпэ; шчэр (ле́во) явэ́ла тэ хал пхус, сыр гурув, а сап ха́ла пра́хо. Ёнэ на явэ́на тэ замарэ́н, на явэ́на тэ хасякирэ́н (тэ кэрэ́н чорипэ́н) пэ Мири́ свэ́нто бэ́рга”, – ракирэ́ла Рай Дэвэ́л.

Isajos 66:18

“Пал-дова́ со Мэ джино́м лэ́нгирэ рэ́нды и ду́мы; акэ, Мэ ява́ва тэ скэдав сарэ́ народы и екхэ-чибьякирэ ро́ды; ёнэ явэ́на и дыкхэ́на Мири́ паты́в.

Isajos 66:20

И ёнэ янэ́на тумарэ́ пшалэ́н сарэ́ манушэ́ндыр сыр да́ро Ра́скэ-Дэвлэ́скэ, и лыджа́на лэн пэ грэ́ндэ и пэ марибны́тка вурдэна́, пэ гурувэндэ, пэ сыгнонэ верблюдэндэ – лыджа́на лэн пэ Мири́ свэ́нто бэ́рга дро Ерусалимо, – ракирэ́ла Рай Дэвэ́л, – адя́кэ сыр чхавэ́ Израилёскирэ янэ́на да́ро дро Ра́скирэ-Дэвлэ́скиро Кхэр, янэ́на лэс дро жужо́ (чысто) кхоро́.

Ереме́ё 31:34

И ёнэ буты́р на явэ́на тэ сыклякирэ́н, кажно ману́ш лэ́скирэ суседос (котарис), и кажно ману́ш лэ́скирэ пшалэ́с, ракири́: ‘Джинэ́н Рас-Дэвлэ́с’, – пал-дова́ со ёнэ джинэ́на Ман: най тыкнэстыр кэ най баро́’, – ракирэ́ла Рай Дэвэ́л. ‘Пал-дова́ со Мэ отмэка́ва лэ́нгиро чорипэ́н, и Мэ буты́р на ява́ва тэ рипирав лэ́нгиро грэ́хо.’

Езэкилё 34:25

“И кэра́ва Мэ лэ́нца раманёно (ми́рно) завето, и вытрадава Мэ пхувья́тыр захалэ мурдалэ́н (зверен), соб (кай) ёнэ тэ дживэ́н бидаракирэс пэ фэ́лда (мал), тэ совэн дрэ вэша́.

Езэкилё 47:5

Выгиндя́ ишчо (инкэ́) тысёнцо, ада́й сыс дасаво сы́гно панынг, со нашты́ сыс ма́нгэ тэ пириджав, пал-дова́ со пани́ сыс адя́кэ хор, со трэиндя́ тэ плывинав тэ пириджав дава́ панынг сыс нашты́.

Дание́лё 11:45

И чхувэ́ла ёв кралитка ша́тры пэ́скирэ фелатинятыр машки́р мо́рё (дэрья́в) и славу́тно свэ́нто бэ́рга; явэ́ла ёв кэ пэ́скиро ко́нцо (яго́ро) и нико́н на подэла васт лэ́скэ.

Дание́лё 12:4

Нэ ту, Даниеле, гарав далэ́ лава́ и запечатын лылвари́ кэ палатуно́ (последнё) часо; бут мануша́ прогинэна ла, и явэ́ла тэ барьёл джиныбэ́н.”

Osija 2:18

Пэ дова́ дывэ́с Мэ чхува́ва завето ваш лэ́нгэ фэлдытконэ мурдалэ́нца (зверенца), болыбнытконэ чирикленца и цапненца (ползучонэ джидыпнэнгэ), савэ́ ползынэна пир пхув. И Мэ пхагирава лу́ко и курта́ла, соб (кай) ёнэ тэ на явэ́н пэ доя́ пхув, и Мэ кэра́ва адя́кэ, соб (кай) ёнэ тэ пасён би дара́киро, и соб (кай) тэ на явэ́л марибэ́н.

Ioil 3:17

“И тумэ́ явэ́на тэ джинэ́н, со Мэ сом Рай Дэвэ́л, тумаро́ Дэвэ́л, Саво́ дживэ́ла пэ свэ́нто бэ́рга пэ Сио́но. Тэ́ньци Ерусалимо явэ́ла свэ́нто, и ние́кх явирэ-тхэмэскиро ману́ш ние́кхвар на явэ́ла тэ джал пир дава́ фо́ро нэвэ́стыр.

Isajos 32:16

Тэ́ньци сэ́ндо явэ́ла тэ рикирэ́л зор пэ кадая́ чхучи́ пхув, и чачуно́ сэ́ндо явэ́ла тэ дживэ́л пэ лачхи́ фэ́лда.

Ереме́ё 31:23

Адя́кэ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л: “Ке́ли Мэ яна́ва лэн плено́стыр, ёнэ нэвэ́стыр явэ́на тэ ракирэ́н дава́ лав пэ Юдэякири пхув и дрэ ла́кирэ фо́рья: ‘Тэ бахтякирэ́л Рай Дэвэ́л тут, о чачипна́скиро кхэр, о свэ́нто бэ́рга!’

Заха́рия 8:3

Адя́кэ ракирэ́ла Рай Дэвэ́л: ‘Обрисёвава Мэ кэ Сио́но и Мэ ла́ва тэ джива́в дро Ерусалимо, и лэ́ла тэ кхарэлпэ Ерусалимо ‘чачипна́скиро фо́ро’, и бэ́рга янголэ́нгирэ-болыбна́скирэ Ра́скирэ-Дэвлэ́скири – Свэнтымакири Бэ́рга.’