Isajos 11:4 - Библия - Пэ Балтитко Романи чиб (Романэс) 2019

⁴ Ёв явэ́ла тэ сэндякиринэл чорорэн чачипна́са; кодолэнгирэ, кон страдынэла пэ пхув, рэ́нды чачипна́са россэндякирэла; Ёв Пэ́скирэ вуштэнгирэ дэстэса марэла пхув, Пэ́скирэ вуштэнгирэ духо́са замарэла грэхитконэ́ манушэ́с.

Biblija - Pe Baltitko Romani čib (Romanes) 2019

⁴ Jov javéla te sendiakirinel čororen čačipnása; kodolengire, kon stradynela pe phuv, réndy čačipnása rossendiakirela; Jov Péskire vuštengire destesa marela phuv, Péskire vuštengire duhósa zamarela grehitkoné manušés.

Isajos 11:4 Referans Kwoze

2 Фесалоникийцэнгэ 2:8

И тэды би законоскиро грэхэнгиро ману́ш сыкавэ́ла пэс, савэ́с Рай Дэвэ́л Ису́со замарэла (мулякирэ́ла) Пэ́скирэ уштэ́нца, ке́ли явэ́ла.

Sykadyipén 19:15

И Лэ́скирэ мо́стыр джа́ла яври́ востро (чолалы́) курта́ла и Ёв явэ́ла тэ мулякирэ́л расы (народы). Ёв явэ́ла тэ чалякирэл лэн саструнэ́ дэстэ́са, и Ёв явэ́ла тэ штакирэл моля́киро (виноскиро) пресо барэ́ холя́тыр, ке́ли Сарэзорья́киро Дэвэ́л древа́н холясо́ла.

Малахия 4:6

И ёв рискирэ́ла дадэ́нгиро ило́ кэ чхавэ́, чхавэ́нгиро ило́ кэ дада́, соб (кай) Мэ, сыр ява́ва, тэ на обчхував пхув прокошыбнаса.

Ióvo 4:9

Ёнэ хасёна Дэвлэ́скирэ пхурдыпнастыр, Лэ́скирэ-духоскири холы́ похала лэн сарэ́са.

Матфеё 5:5

Бахталэ́ исын ковлэ́-илы́тка, пал-дова́ со пхув явэ́ла лэ́нгири.

Isajos 61:1

Ра́скирэ-Дэвлэ́скиро Ду́хо (Фа́но) исын пэ Ма́ндэ, пал-дова́ со Рай Дэвэ́л помакхця Ман тэ пхэна́в бахтало́ лав (бахталы́ зан) чорорэнгэ; бичхадя́ Ман, соб (кай) тэ састякирав манушэ́н розмардэ илэ́са, тэ пхэна́в пал во́ля одолэ́нгэ, кон исын дрэ наволя (бэшыбэн); тэ пхэна́в манушэ́нгэ дрэ бэшыбэн, со вудара́ бэшыбнытка исын псирадэ (откэрдэ).

Jakov 3:13

Кон исын тумэ́ндыр тэ явэ́л годьваро́ и тэ джинэ́л саро́; мэк ёв тэ сыкавэ́л дава́ пэ рэ́ндо пэ́скирэ лачхэ́ джиибнаса и ковлэ́-илытконэ годыпнаса;

Galatenge 5:23

ёнэ исын штыл (тиха), обрикирэна пэс, – кадасавэ́ манушэ́н притырдэла кэ пэ Зако́но.

Ереме́ё 33:15

‘дрэ долэ́ дывэса́ и дро дова́ часо Мэ кэра́ва адя́кэ, со чачипнаскири Рандь [Отбарипэн-р.с.] выбарьёла Давидо́скэ, и Ёв явэ́ла тэ сэндякирэ́л и тэ кэрэ́л пир чачипэ́н пэ пхув.

Isajos 30:33

Пал-дова́ со Тофето ґара́ кэрдо́; ёв сыс кэрдо́ ваш крали́скэ, ёв исын хор и бугло; дрэ яг лэ́скири бут кашта́ чхудэ́; пхурдыпэн Ра́скирэ-Дэвлэ́скиро лэс захачкирэла лэс сыр хачкирды се́ра (дзэвэ́ля).

Isajos 9:7

Зор Лэ́скири и рама́нё (миро) на пириячэ́ла пэ Давидо́скиро троно дро Лэ́скиро кралипэ́н, соб (кай) Ёв (Дэвэ́л) тэ подрикирэ́л лэс сэндоса и чачипна́са далэ́ дывэсэ́стыр и пэ саро́ ве́ко. Зэвлыныпэн Ра́скирэ-Дэвлэ́скиро кэрэ́ла дава́.

Psalmy 2:9

Ту розмарэса лэн саструнэ́ дэстэса (жэзлоса) и ту розмарэса лэн пэ котэра́ (куски) сыр пиритконэскиро кхоро́ (сасудо).’”

Sykadyipén 2:16

Палдава́ приґалёв пэ́скиро грэ́хо: ко́ли ту на приґалёса, тэды Мэ ява́ва кэ ту сыг, и Мэ ява́ва тэ маравпэ тумэ́нца куртала́са, со выджа́ла Мирэ́ мо́стыр.

Sykadyipén 1:16

и сыс Лэ́стэ эфта́ чэргэня́ дро Лэ́скиро чачо́ васт, и Лэ́скирэ мо́стыр выджа́лас востро (чолалы́) дуе́-ригэ́нгири курта́ла (мечо), и Лэ́скиро муй зяинэлас сы́рбы кхам сарэ́ пэ́скирэ зорья́тыр.

Titoske 3:2

тэ на калякирэн никонэ́с, а тэ явэ́н раманёнэса (мирнонэса), тэ явэ́н штыл (тиха), ковлэ́-илы́тка кэ сарэ́ мануша́.

Isajos 32:1

Акэ, кра́ли явэ́ла тэ кралинэ́л пир чачипэ́н и тхага́рья (кня́зи) явэ́на тэ хулаинэн пир зако́но.

Isajos 29:19

И раманёна (мирна) мануша́ ишчо (инкэ́) буты́р явэ́на тэ радынэ́нпэ пал Растэ-Дэвлэ́стэ, чорорэ́ мануша́ явэ́на зоралэ́с тэ радынэ́нпэ пал Свэнтонэ́-Израилёскирэ Дэвлэ́стэ.

Isajos 16:5

Крали́тко штэ́то явэ́ла зорало́ лачхипна́са, и бэшэ́ла пэ лэ́стэ дро чачипэ́н, дрэ ша́тра Давидоскири, сэнда́ри, саво́ родэ́ла чачипэ́н, кэрэ́ла чачо́ сэ́ндо.

Sykadyipén 19:11

И мэ дыкхцём псирадо (отпхандло) Болыбна́скиро Раё и, акэ, сыс парно́ грай. Пэ лэ́стэ сыс бэшто́ уклисто́/э́ Кодова́, Кон кхарэ́лапэ Чачуно́ и Патяибны́тко, Саво́ сэндякирэ́ла чачунэ́с и марэлапэ пал чачипэ́н.

2 Коринфянэнгэ 10:1

А мэ, Па́вли, кокоро́, манга́ва тумэн пир напхувитко ковлыпэн Христосо́скиро, мэ, саво́ сом ковлэ́-илы́тко тумэ́нца, нэ саво́ сом муршкано́, ке́ли мэ на сом тумэ́нца;

Apostolengiri Butý 9:1

Нэ Па́вли уса́ бутэды́р страхакирдя и камдя́ тэ мулякирэ́л Исусо́скирэ сыкляибнытконэ́н и явдя́ кэ пэ́рво раша́нгиро барыдыро́.

Матфеё 11:5

Корорэ́ мануша́ дыкхэ́на нэвэ́стыр и лангалэ псирэ́на; проказытка ячэ́на жужэ́, и кашукэ мануша́ шунэ́на, мулэ́ отджидёна, и богэнгэ пхэнэ́лапэ бахталы́ зан (звесь);

Софония 2:3

родэ́н Рас-Дэвлэ́с сарэ́, савэ́ исын ковлэ́-илэ́скирэ пэ пхув, кон рикирдя Лэ́скиро чачуно́ Зако́но, родэ́н чачипэ́н, родэ́н тэ явэ́н рахмана (спокойна); сашты́ тэ явэ́л, со тумэ́ гарадёна дро дывэ́с, сыр явэ́ла Ра́скирэ-Дэвлэ́скири холы́.

Ереме́ё 5:28

Ёнэ ячнэ́ тхулэ, ёнэ зяинэна и, ґалён, со ёнэ пиригинэ́ любо ме́ра тэ кэрэ́н фуипэ́н, ёнэ на сэндякирэна пир рэ́ндо сыр трэй, пиротоскиро (сиротэнгиро) рэ́ндо, нэ лэ́нгэ удэлапэ кэ миштыпэ́н. Ёнэ на затэрдёна пал одолэнгиро чачипэ́н, кон исын дрэ трэ́бима.

Isajos 3:14

Дэвэ́л сэндякирэлпэ пхурэдырэнца Пэ́скирэ народо́стыр, лэ́скирэ ранца: “Тумэ́ обчордэ винагра́днико; дрэ тумарэ́ кхэра́ ракхэлапэ дова́, со тумэ́ чордэ чорорэстыр.

Isajos 1:17

Высыклён тэ кэрэ́н лачхипэ́н, родэ́н чачипэ́н, зракхэн чорорэс, уштэ́н (затэрдён) пал бидадэскирэстэ / пиротостэ (сиротастэ), подрикирэн пивля (удова).

Psalmy 110:2

Рай Дэвэ́л бичхавэ́ла Тырэ́-зорьякиро крали́тко дэсто́ Сионо́стыр: “Ту хулаин машки́р Тырэ́ вэргэ́ндэ.”

Psalmy 18:8

Тэ́ньци пхув тринскирдяпэ и издрандыя, тэлатунэ́ бара́ бэргэндыр кхардэпэ (двигиндлэпэ) и издрандынэ, пал-дова́ со Дэвэ́л холя́сыя.

2 Kralip 8:15

И Дави́до сыс крали́са пэ саро́ Израилё, и кэрдя́ Дави́до сэ́ндо и чачипэ́н пэ сарэ́ пэ́скирэ манушэ́ндэ.

Isajos 13:11

Мэ отхава (отда́ва) палэ свэтоскэ пал налачхэ́ рэ́нды, а грэхитконэ́ манушэ́нгэ – пал лэ́нгирэ грэ́хи; Мэ хасякира́ва пхутькирибэ́н кодолэнгиро, кон древа́н задэлапэ, Мэ хасякира́ва пхутькирибэ́н кодолэнгиро, кон притасавэла чорорэн.

Isajos 14:30

Тэ́ньци чорорэ́ явэ́на чалэ, кон мангэлас ловэ́ – куч задживэна, а тыро́ ро́до Мэ хасякира́ва бокхаса, бокх домарэла тыро́ ячаибэ́н.

Isajos 26:6

Ѓэра́ лэс (дава́ фо́ро) марэна, гэра чорорэскирэ-манушэ́нгирэ, и одолэнгирэ пирэ́ (сто́пы), савэ́ ловэ́ вымангэна.

Isajos 30:28

Лэ́скиро пхурдыпэн – сыр пани́, саво́ ишчо (инкэ́) кэ мэн ґаздэ́лапэ, соб (кай) тэ розпхурдэл народы сарэ́са; дрэ лэ́нгиро муй явэ́ла савари, со лыджа́ла кэ хохаибэ́н (блэ́ндо).

Isajos 30:31

Ра́скирэ-Дэвлэ́скирэ занятыр издрала Асуро, савэ́с марэна дэстэса.

Isajos 32:7

Фрэнто (холямо́) ману́ш кэрэ́ла хасибны́тка рэ́нды: ёв думинэ́ла, пал фуипэ́н, соб (кай) тэ хасякирэ́л чорорэс хоханэ́ лавэ́нца и тэды, ко́ли чороро́ кэрэ́ла пир чачипэ́н.

Isajos 33:22

Пал-дова́ со Рай Дэвэ́л исын амаро́ Сэнда́ри, Рай Дэвэ́л дэ́ла амэ́нгэ Зако́но, Рай Дэвэ́л исын амаро́ Кра́ли, Ёв зракхэ́ла амэн.

Isajos 40:7

Чар зашутёла, лулуди́ (цвэто) зашутёла, а ко́ли пхурдэла пэ лэ́стэ Рай-Дэвэ́л, адя́кэ и народо – ёв исын чар.

Isajos 49:2

И создыя́ Ёв Мирэ́ ушта́ сыр востро курта́ла; Лэ́скирэ вастэ́са Ёв учхакирэлас Ман; Ёв кэрдя́ Ма́ндыр востро марибны́тко буст (стрела), Ёв ракхэлас Ман дро Пэ́скиро колчано.

Ióvo 15:30

Ёв на уджала цямлыпнастыр, бари яг вышутькирэла лэ́скирэ рандя́ сы́рбы балваляса,

Psalmy 76:10

ке́ли Ту уштыян тэ сэндякирэс, соб (кай) тэ зракхэс сарэ́ ковлэ́-илытконэ манушэ́н.

Isajos 2:4

Ёв явэ́ла тэ сэндякирэ́л бут народы, Ёв сыкавэ́ла сэндарискиро лав кэ бут ро́ды; пирикэрэна пэ́скирэ курталы (мечы) пэ плуги (пхарадя) и чхурдыпнытка бустя́ (коп΄и) пэ чхиндлэ́ (серпы), на явэ́на тэ сыклён сыр, тэ лыджа́н марибэ́н.

Osija 6:5

Палдава́ Мэ вычингиравас лэн пир пророкэ́ндэ, Мэ мулякиравас лэн Мирэ́ лавэ́нца; и Миро сэ́ндо пэ лэ́ндэ явэ́ла сы́рбы дуд (свэ́то), со ґаздэ́лапэ.