Isajos 11:15 - Библия - Пэ Балтитко Романи чиб (Романэс) 2019

¹⁵ И вышутькирла Рай Дэвэ́л рэка (лэнь), со исын пашы́л мо́рё (дэрья́в) Египто́скиро, протырдэла Ёв Пэ́скиро васт кэ рэка (лэнь) дрэ зоралы́ балва́л, розмарла ла пэ эфта́ яви́р рэкицы, адя́кэ, со дрэ тривики явэ́на ла тэ пириджан.

Biblija - Pe Baltitko Romani čib (Romanes) 2019

¹⁵ I vyšut'kirla Raj Devél reka (len'), so isyn pašýl mórjo (derjáv) Jegiptóskiro, protyrdela Jov Péskiro vast ke reka (len') dre zoralý balvál, rozmarla la pe eftá javír rekicy, adiáke, so dre triviki javéna la te piridžan.

Isajos 11:15 Referans Kwoze

Заха́рия 10:11

И ёнэ джа́на пир бари би́да пир мо́рё (дэрья́в) и Мэ хасякира́ва валны моритка адя́кэ, со тэрдёна сарэ́ хорипна рэкакирэ (лэнякирэ), тыкнёла Асуроскиро пхутькирибэ́н и отлэна скипетро Египто́стыр.

Sykadyipén 16:12

И шо́вто Янго́ло вычхудя́ пэ́скиро тахта́й дрэ бари рэка (лэнь) Евфрато: рэка (лэнь) вышутия, соб (кай) тэ явэ́л скэдыно́ дром кральенгэ долэ́ рига́тыр, кай кхам уштэ́ла.

Isajos 50:2

Со́скэ на сыс никонэ́с, ко́ли Мэ явавас, и нико́н на отпхэндя́, ке́ли Мэ кхардём? Ци Миро васт буты́р на зракхэ́ла, ци нанэ Ма́ндэ зор, соб (кай) тэ зракхав? Акэ, Мирэ́ страхаса Мэ шутькирава мо́рё (дэрья́в), кэра́ва чхучи́ пхув рэкэндыр (лэнорьендыр); мачхэ́ дрэ лэ́ндэ кирнёна и мэрэ́на, пал-дова́ со нанэ пани́.

Isajos 19:16

Дро дова́ дывэ́с ячэ́на Египтя́ни сыр джувля́, издрана и явэ́на тэ дарэ́н (даран) Ра́скирэ-Дэвлэ́скирэ, болыбна́скирэ-янголэ́нгирэ вастэ́стыр, саво́ Ёв ґаздэ́ла пэ лэ́ндэ.

Езэкилё 30:12

И Мэ вышутькирава рэ́ки (лэня́), и отда́ва пхув дрэ захалэ-манушэ́нгирэ васта́, явирэ-пхувьенгирэ манушэ́нгирэ вастэ́са Мэ кэра́ва, соб (кай) тэ явэ́л кадая́ пхув и саро́, со исын пэ ла́тэ, чхучэ́ (пусто). Мэ, Рай Дэвэ́л, Дэвэ́л, пхэндём дава́.

Езэкилё 29:10

Акэ, Мэ подджава пэ тырэ́ рэ́ки (лэня́), Мэ кэра́ва Египто́скирэ пхувья́тыр чхучи́ пхув, со на явэ́ла чхучэдыр ла́тыр; ме́жы Мигдолостыр кэ /жы́ко, Сиена, кэ Ефиопиякирэ ме́жы.

Isajos 7:20

Дро дова́ дывэ́с обмуравэла Рай Дэвэ́л мурадлуняса (бритваса), сави́ Ёв залыя долэ́ бутярнэндэ палэ рэка (лэнь), Асирия́кирэ крали́стэ шэро́ и бала́ пэ ґэра́, обчхинэла чхора (брода).

Vygiiben 14:21

И чхудя́ Мо́йза пэ́скиро васт пэ мо́рё (дэрья́в), и традыя́ Рай Дэвэ́л мо́рё (дэрья́в) зоралэ́ васточнонэ балваляса сари́ рат, и кэрдя́пэ мо́рё (дэрья́в) шукэ́ пхувья́са, и отгинэ́ паня́.

Vygiiben 14:29

А Израилёскирэ чхавэ́ прогинэ́ пир шуки́ пхув машки́р мо́рё (дэрья́в): пани́ сыс лэ́нгэ вантаса пир чачо́ (право) и пир зэ́рво (ле́во) риг.

Isajos 8:7

то янэ́ла кэ ёв Рай Дэвэ́л баро́ пани́ – Асирия́кирэ крали́с лэ́скирэ барипнаса; и ґаздэ́лапэ дава́ пани́, выджа́ла пэ́скирэ брэгэндыр.

Isajos 43:16

Адя́кэ ракирэ́ла Рай Дэвэ́л, Саво́ откэрдя дром пэ мо́рё (дэрья́в), Саво́ откэрдя дром пир зоралэ́ паня́.

Isajos 44:27

Мэ, Дэвэ́л, Саво́ ракирэ́ла кэ панескиро хорипэ́н (бездна): “Вышутёв, и тырэ́ рэ́ки (лэня́) Мэ вышутькирава.”

Isajos 51:11

И рисёна одолэ́, савэ́н зракхця́ Рай Дэвэ́л, и явэ́на пэ Сио́но багаибнаса, ра́дыма лэ́нгири николи на пириячэ́ла; ёнэ явэ́на бахталэ́ и весе́ла (лошалэ́); ясва и бибахталэ́ ґондя́ (ўздохи) отджана.

Isajos 63:12

Саво́ лыджия́ Мойза́с пал чачо́ васт, Ёв лыджалас Пэ́скирэ зоралэ́ вастэ́са, Ёв розлыджия (укэдыя) анги́л лэ́ндэ пани́, соб (кай) тэ кэрэ́л Пэ́скэ ве́чно лав?

Vygiiben 14:22

И гинэ́ Израилёскирэ чхавэ́ машки́р мо́рё (дэрья́в) пир шуки́ пхув: пани́ лэ́нгэ сыс вантаса пир чачо́ (право) и пир зэ́рво (ле́во) риг.