Isajos 11:14 - Библия - Пэ Балтитко Романи чиб (Романэс) 2019

¹⁴ Приурняна пэ Филистимлянэнгирэ псикэ́ кэ западо (кэ пал-панитко риг); обчорэна сарэ́н чхавэ́н вастоко́стыр, протырдэна пэ́скиро васт кэ Едомо кэ Моа́во; Амоноскирэ чхаворэ́ явэ́на лэ́нгирэ бутярнэнца.

Biblija - Pe Baltitko Romani čib (Romanes) 2019

¹⁴ Priurniana pe Filistimlianengire psiké ke zapado (ke pal-panitko rig); občorena sarén čhavén vastokóstyr, protyrdena péskiro vast ke Jedomo ke Moávo; Amonoskire čhavoré javéna léngire butiarnenca.

Isajos 11:14 Referans Kwoze

Ioil 3:19

Еги́пто явэ́ла сыр голоты́ня, и Эдо́мо сыр чхучи́ мал (сцеп), пал нахратыма, со ёнэ кэрдэ́ проти чхаворэндэ Юдаскирэндэ, пал-дова́ со ёнэ прочхудэ бибангипнаскиро рат пэ лэ́нгири пхув.

Дание́лё 11:41

И заджа́ла адя́кэ-паць ёв пэ Славу́тно Пхув, и бут тхэма (страны) пэрэ́на и зракхэнапэ лэ́скирэ вастэ́стыр фэ́ни (то́ка) Эдо́мо, Моа́во и барэды́р паш Амонэнгирэн чхавэнгири.

Ереме́ё 49:28

Пал Кидаро и пал кралипэна́ Асороскирэ, савэ́ о Навуходоносо́ро, кра́ли Вавилоно́скиро, розмардя́. Адя́кэ ракирэ́ла Рай Дэвэ́л: “Уштэ́н, джа́н упрэ́ проти Кидаро и лучкирэн манушэ́н [чхавэ́н-р.с.] вастоко́стыр.

Isajos 25:10

Васт Ра́скирэ-Дэвлэ́скиро пасёла пэ дая́ бэ́рга и Моа́во явэ́ла домардо пэ пэ́скиро штэ́то, сыр пхус змарэна ґэрэ́нца дро гнэё.

Amoso 9:12

соб (кай) мануша́ Израилёскирэ тэ закэдэн дова́, со ячэ́лапэ Едомостыр, и сарэ́ Наюды́тка на́цыи, савэ́ кхарэ́на Миро лав”, – ракирэ́ла Рай Дэвэ́л, Саво́ кэрэ́ла саро́ дава́.

Матфеё 8:11

Мэ пхэна́ва тумэ́нгэ, со бут яви́р явэ́на вастоко́стыр и западостыр (пал-панендыр) и бэшэна пал сками́нд Авраамоса, Исакоса и Яковоса дро Кралипэ́н дро Болыбна́скиро Раё,

Софония 2:5

Бида пэ манушэ́ндэ, савэ́ дживэ́на пэ брэ́го морёскиро (дэрьявэ́скиро); би́да пэ манушэ́ндэ Критостыр! Ра́скирэ-Дэвлэ́скиро лав исын проти тумэ́ндэ, о Хананеи, пхув Филистимиякири: “Мэ розмарава пэ котэра́ тут; со на ячэ́лапэ ние́кх тэ дживэ́л.”

Isajos 60:14

И явэ́на кэ ту чхавэ́ одолэ́-манушэ́нгирэ, савэ́ тут притасавэнас; ёнэ бандёна тэл тыро́ васт, и пэрэ́на кэ тырэ́ ґэра́ сарэ́, кон пэ ту́тэ дыкхця́ вучипна́са, и кхарна тут Ра́скирэ-Дэвлэ́скирэ фороса, Свэнтонэ́ Израилёскирэ Сионоса.

Isajos 59:19

И явэ́на тэ дарэ́н Ра́скирэ-Дэвлэ́скирэ лавэ́стыр пэ западо (пэ пал-панитко риг), дарэ́на Лэ́скирэ барэ́ патыватыр пэ доя́ риг, кай кхам ґаздэ́лапэ. Ко́ли вэ́рго явэ́ла, сыр рэка (лэнь), то пхурдыпэн Ра́скиро Дэвлэ́скиро лэс вытрадэла.”

Isajos 33:1

Бида ту́кэ одова́, кон исын мижэх чор, конэ́стыр на отлэнас, и чор, конэ́стыр на чорэнас! Ко́ли обчорэса саро́ [мэкэса тэ чорэс-р.с.], ту́тыр отлэна, ко́ли пириячэса тэ чорэс, ту́тыр чорэна.

Isajos 16:14

Нэ акана́, акэ, со Рай Дэвэ́л пхэндя́: “Пир далэ́ трин бэрша́ сы́рбы бутярнэстэ, конэ́с лынэ́ пэ буты́, бут мануша́ явэ́на тэ дыкхэ́н вучипна́са пэ сла́ва Моавоскири, и на́бут бизорья́кирэ мануша́ ячэ́напэ.”

Čysly 24:17

Мэ дыкха́ва Лэс, нэ акана́, хай, лэс нанэ, акэ, дыкха́ва Лэс, нэ нанэ Лэс пашы́л. Джа́ла чэргэн Яковостыр и ґаздэ́лапэ кхенингоскиро дэсто́ Израилёстыр, и розмарэла Моавоскиро тхагарьен и хасякирэ́ла сарэ́н Сифоскирэ чхавэ́н.

Isajos 9:12

Сирияни вастоко́стыр, Филистимля́ни западостыр; и ёнэ явэ́на тэ хан Израилё пхэрдэ́ мо́са. И на проджа́ла ишчо (инкэ́) Лэ́скири холы́, и васт Лэ́скиро исын протырдыно.

Isajos 14:29

“На ра́дынпэ Филистиякири пхув, со пхадёла дэсто́, саво́ тут марэлас, пал-дова́ со сапитконэ родо́стыр выджа́ла сап, а далэ́ сапэстыр – сап, саво́ явэ́ла тэ вурнял.

Isajos 15:1

Ангилпхэныбэ́н пал Моавостэ. – Адя́кэ! Ратя́киро явэ́ла обчордо и хасякирдо Ар-Моа́во; адя́кэ! Ратя́киро-Кир-Моа́во явэ́ла обчордо и хасякирдо!

Isajos 63:1

Кон дава́ джа́ла Едомостыр, джа́ла дрэ лолэ́ и́ди Восоростыр, адасаво́ баро́ дро Пэ́скиро урибэ́н, Саво́ выджа́ла дро Пэ́скирэ-зорьякиро пхэрдыпэн? “Мэ сом Одова́, Кон пхэнэ́ла чачипэ́н, зорало́, соб (кай) тэ зракхав.”

Ереме́ё 40:11

И адя́кэ-паць и сарэ́ Юдэи (Юды), кон сыс дро Моа́во и машки́р Амонитянэндэ, дрэ Идумея (Эдо́мо), и дрэ яви́р тхэма, шундлэ́, со кра́ли Вавилоно́скиро мэкця́ паш Юдэ́н, и со ёв чхудя́ пэ лэ́ндэ Годолияс, чхавэ́с Ахикамоскирэс (чхавэ́с Сафаноскирэс),

Ереме́ё 48:40

Пал-дова́ со ракирэ́ла Рай Дэвэ́л: “Акэ, Вавило́но явэ́ла тэ вурнял сыр о́рло (ки́до), и ёв росчхувэла пэ́скирэ пхака́ пир рига́ упралэстыр пэ Моа́во.

Ереме́ё 49:22

Акэ, о вэ́рго ґаздэ́лапэ сыр о́рло (ки́до) и ёв явэ́ла тэ вурнял и тэ росчхувэл пэ́скирэ пхака́ упралэстыр пэ Восоро (Боцра). Дрэ дава́ дывэ́с ячэ́лапэ ило́ зоралэ́-муршэнгиро сы́рбы ило́ джувля́киро, савья́ мэнчынэна дукха́ тэ биянэ́л.

Езэкилё 25:14

Мэ отхава холы́ пэ Эдо́мо Мирэ́ народоскирэ, Израилёскирэ вастэ́са; ёнэ явэ́на тэ кэрэ́н дрэ Идумея пир Мири́ холы́ и Миро холямипэн, и ёнэ ґалёна, сыр Мэ выродава лэ́ндыр,” – ракирэ́ла Рай Дэвэ́л, Дэвэ́л.

Avakumo 1:8

Лэ́нгирэ граё исын сыгэды́р леопардэндыр и ёнэ исын холямэдыр бэльвэлитконэ рувэндыр. Лэ́нгирэ уклистэнгирэ халадэ́ традэ́на барипнаса; лэ́нгирэ грая явэ́на дурипнастыр; ёнэ праста́на сы́рбы вурняла о́рло (ки́до), саво́ сыгэды́р явэ́ла тэ хал дорэсыбэ́н.

Софония 2:9

Палдава́ “Тэ джива́в Мэ”, – ракирэ́ла янголэ́нгирэ-болыбна́скиро, Рай Дэвэ́л, Дэвэ́л Израилёскиро, – “Моавостыр ячэ́лапэ дова́, со сыс Содомаса, мануша́ Амоностыр явэ́на сыр Гомо́ра, – сыр пхув, сави́ забария цукнуда́са (стрекаваса) и ґанбине́нца (ямэнца) ваш лонд, и сави́ явэ́ла ўса́ды (сак) чхучи́: Мирэ́ мануша́, кон яця́пэ джидо́, росчорэна ла, и Мирэ́ мануша́, савэ́ ячнэ́пэ пэ штэ́то, лэн дая́ пхув сыр пэ́скиро мэкно́ миштыпэ́н.

Сэндарьенгири Лылвари́ 6:3

Ке́ли почхувэла дрэ пхув (посеинэла) Израилё, то явэ́на Мадианитяни и Амаликитяни и мануша́ вастоко́стыр, и псирэ́на лэ́ндэ;

Ереме́ё 49:2

Палдава́, акэ, явэ́на дывэса́,” – ракирэ́ла Рай Дэвэ́л, – “со явэ́ла шундлы марибнаскири зан (глос) дрэ Рава Амоноскирэ-чхавэнгири. И далэ́ форо́стыр ячэ́напэ руинэнгирэ бэ́ргицы, и Равакирэ гава́ явэ́на хачкирдэ́ яга́са. Тэ́ньци Израилё лэ́ла палэ дая́ пхув сыр пэ́скиро миштыпэ́н одолэ́ндыр, кон лыя́ лэ́стыр,” – ракирэ́ла Рай Дэвэ́л.

Софония 2:7

Брэ́го явэ́ла штэ́то манушэ́нгэ, кон ячэ́лапэ Юда́скирэ кхэрэ́стыр; ёнэ явэ́на тэ чаравэн лэ́нгирэ-бакрэ́нгирэ ґурты одо́й, бэльвэленца ёнэ явэ́на тэ пасён дрэ кхэра́ Аскалоноскирэ: пал-дова́ со о Рай Дэвэ́л, лэ́нгиро Дэвэ́л, затэрдёла пал лэ́ндэ, и рискирэ́ла палэ лэ́нгирэ манушэ́н плено́стыр”.