Isajos 11:13 - Библия - Пэ Балтитко Романи чиб (Романэс) 2019

¹³ Ефре́мо пириячэ́ла тэ дэл якхало (тэ завидынэл), сарэ́, кон ґаздыя́пэ пэ Юдастэ, явэ́на хаськирдэ; Ефре́мо на явэ́ла тэ дэл якхало Юда́скэ, Юда на газдэлапэ прэ Ефремостэ.

Biblija - Pe Baltitko Romani čib (Romanes) 2019

¹³ Jefriémo pirijačéla te del jakhalo (te zavidynel), saré, kon ĥazdyjápe pe Judaste, javéna xas'kirde; Jefriémo na javéla te del jakhalo Judáske, Juda na gazdelape pre Jefriemoste.

Isajos 11:13 Referans Kwoze

Ереме́ё 3:18

Дрэ долэ́ дывэса́ мануша́ Юдэя́кирэ кхэрэ́стыр явэ́на кэ Израилёскиро кхэр, и ёнэ явэ́на кхэтанэ́ тэ джа́н пхувья́тыр, со исын пэ паш-рати́тко (шылалы) риг кэ пхув, со Мэ дыём тумарэ́ дадэ́нгэ сыр мэкно́ миштыпэ́н.

Osija 1:11

Тэды чхавэ́ Юда́скирэ и чхавэ́ Израилёскирэ кэдэнапэ кхэтанэ́ и ёнэ чхувэ́на пэ́скэ екхэ шэралэс, и ёнэ джа́на криг чужонэ́ пхувья́тыр, пал-дова́ со баро́ явэ́ла дывэ́с Израилёскиро.

Isajos 9:21

Мана́сия ха́ла Ефремос, Ефре́мо ха́ла Манасияс, а кхэтанэ́ ёнэ ха́на Юдас. И на пириячэ́ла Лэ́скири холы́, и васт Лэ́скиро исын протырдыно.

Ереме́ё 33:24

‘Адя́кэ ракирэ́ла Рай Дэвэ́л: ‘Ци ґалыян ту дова́, со адалэ́ мануша́ ракирэ́на: ‘Ци далэ́ дуй кхэри́тка ро́ды (пле́ми): Юда́скиро и Израилёскиро дурьякирдя Рай Дэвэ́л Пэ́стыр, савэ́ Ёв выкэдыя́ Пэ́скэ?’ Палдава́ ёнэ лынэ́ тэ дыкхэ́н вучипна́стыр пэ Мирэ́ манушэ́ндэ сы́рбы ёнэ акана́ на гинэ́на лэн буты́р сыр нацыя.’

Ереме́ё 50:4

Дрэ долэ́ дывэса́ и дро дова́ часо’, – ракирэ́ла Рай Дэвэ́л, – ‘чхавэ́ Израилёскирэ и сарэ́ чхавэ́ Юда́скирэ явэ́на кхэтанэ́, и ёнэ явэ́на, рови, соб (кай) тэ родэ́н Рас-Дэвлэ́с, пэ́скирэс Дэвлэ́с.

Езэкилё 28:25

Адя́кэ ракирэ́ла Рай Дэвэ́л, Дэвэ́л: Ко́ли Мэ скэда́ва Израилёскиро кхэр народэндыр, машки́р савэ́ ёнэ исын рострадынэ; то Мэ сыкава́ва пэ лэ́ндэ, со Мэ сом Свэ́нто, соб (кай) тэ дыкхэ́л манушэ́нгиро ро́до; ёнэ явэ́на тэ дживэ́н пэ пэ́скири пхув, сави́ Мэ дыём Мирэ́ писхари́скэ, Яково́скэ.