Isajos 11:11 - Библия - Пэ Балтитко Романи чиб (Романэс) 2019

¹¹ Явэ́ла дро дова́ дывэ́с адя́кэ: ишчо (инкэ́) протырдэла Рай Дэвэ́л Пэ́скиро васт, соб (кай) тэ рискирэ́л ячаибэ́н Пэ́скирэ народо́стыр, саво́ ячэ́лапэ кэ Асуро, дро Еги́пто, кэ Патросо, кэ Хусо, кэ Еламо, кэ Сенааро, кэ Емафо, пэ островы, савэ́ исын пир мо́рё (дэрья́в).

Biblija - Pe Baltitko Romani čib (Romanes) 2019

¹¹ Javéla dro dová dyvés adiáke: iščo (inké) protyrdela Raj Devél Péskiro vast, sob (kaj) te riskirél jačaibén Péskire narodóstyr, savó jačélape ke Asuro, dro Jegípto, ke Patroso, ke Xuso, ke Jelamo, ke Sienaaro, ke Jemafo, pe ostrovy, savé isyn pir mórjo (derjáv).

Isajos 11:11 Referans Kwoze

Mihiejo 7:12

Дро дова́-са́мо дывэ́с, ёнэ явэ́на плено́стыр кэ ту, мануша́лэ Израилёскирэ, Асириятыр и Египто́скирэ форье́ндыр; Египто́стыр аж кэ рэка (лэнь) Евфрато, морёстыр (дэрьявэстыр) кэ мо́рё (дэрья́в), бэрга́тыр кэ бэ́рга.

Римлянэнгэ 11:26

и адя́кэ саро́ Израилё зракхэ́лапэ. И сыр исын чхиндло́ пал дава́: “Зракхибнари явэ́ла Сионо́стыр; и Ёв отрискирэла бидэвлыткима Яковостыр.

Isajos 10:20

Явэ́ла дро дова́ дывэ́с: Израилёскиро ячаибэ́н и одолэ́; кон зракхцяпэ Яково́скирэ кхэрэ́стыр, на явэ́на тэ допатян буты́р одолэ́скэ, кон домардя́ лэн, нэ ёнэ явэ́на тэ патя́н Ра́скэ-Дэвлэ́скэ, Свэнтонэ́-Израилёскирэ Дэвлэ́скэ сарэ́ илэ́са.

Osija 11:11

Ёнэ явэ́на сы́гэс тринскирибнаса сы́рбы чирикля́ Египто́стыр, сы́рбы голумбы Асирия́кирэ пхувья́тыр. Нэ Мэ да́ва во́ля лэ́нгэ тэ дживэ́н дрэ лэ́нгирэ кхэра́,’ – ракирэ́ла Рай Дэвэ́л.

Isajos 66:19

И Мэ чхува́ва пэ лэ́ндэ ґерты́к (досыкаибэн), Мэ бичхава́ва зракхнэ́ манушэ́н лэ́ндыр кэ народы: дро Фарсисо, дрэ Пула и Луда, кэ одолэ́, кон лэ́ла дро васт лу́ко тэ надтырдэл, дрэ Тубала и дрэ Явана, пэ дуратунэ́ островы, савэ́ на шундлэ́ пал Ма́ндэ и на дыкхнэ́ Мири́ паты́в; и ёнэ пхэнэ́на дрэ народы пал Миро барипэ́н.

Isajos 42:4

На пэрэ́ла Ёв бизорьякоро, на кхинёла кэ дова́ часо, сыр Ёв кэрэ́ла сэ́ндо пхувьякэ; и пэ Зако́но Лэ́скиро ужакирэ́на лачхипна́са островы.”

Isajos 24:15

Шарэ́н Рас-Дэвлэ́с пэ васто́ко, пэ островы, шарэ́н Ра́скирэ-Дэвлэ́скиро, Израилёскирэ-Дэвлэ́скиро лав!

Isajos 10:9

Ци на Халнё, ци на дова́, со исын Кархемисо, ци Емафо на дова́, со исын Арпадо? Ци Сама́рия на дова́, со исын Дама́ско?

Džiibén 11:2

И сыс адя́кэ: вастоко́стыр гинэ́ ёнэ дромэ́са, пэ Синароскири пхув латхнэ́ ёнэ до́ло и лынэ́ тэ дживэ́н одо́й.

Džiibén 10:22

Симаскирэ чхавэ́ сыс: Еламо, Асуро, Арфаксадо, Лудо, Ара́мо.

Džiibén 10:10

Кралипэ́н лэ́скиро вагэдыр (англэды́р) сыс: Вавило́но, Эре́хо, Акадо и Халнэ, пэ Сенаароскири пхув.

2 Коринфянэнгэ 3:16

Нэ ко́ли вари-кон рисёла кэ Рай Дэвэ́л, тэ́ньчи дова́ похтан (учхакирибэн) пэ шэро́ злэлапэ.

Римлянэнгэ 11:15

Ко́ли лэ́нгиро отгиибэн янэ́ла свэтоскэ рама́нё (миро) Дэвлэ́са, тэды со ж явэ́ла, ке́ли Дэвэ́л прилэ́ла лэн нэвэ́стыр? А дава́ явэ́ла сы́рбы отджидыибэн мулэ́ндыр.

Заха́рия 9:2

И пэ Емафо, саво́ исын пашы́л лэ́стэ, пэ Ти́ро и Сидоно, пал-дова́ со ёв исын древа́н годо́.

Заха́рия 5:11

Тэ́ньци пхэндя́ ёв ма́нгэ: “Соб (кай) тэ кэрэ́н ваш ла́кэ кхэр пэ пхув Сэнаар, и, ке́ли саро́ явэ́ла кэрдо́, тэды ёй чхувэ́лапэ одо́й пэ пэ́скиро фунда́менто.”

Софония 2:11

О Рай Дэвэ́л явэ́ла трашано ваш лэ́нгэ; пал-дова́ со Ёв розмарэла сарэ́ дэвлорэн пэ пхув; мануша́ явэ́на тэ дэн паты́в Лэ́скэ, кажно ману́ш пэ пэ́скиро штэ́то, и пэ островы (джипа́) сарэ́ манушэ́нгирэ-родэнгирэ.

Osija 1:11

Тэды чхавэ́ Юда́скирэ и чхавэ́ Израилёскирэ кэдэнапэ кхэтанэ́ и ёнэ чхувэ́на пэ́скэ екхэ шэралэс, и ёнэ джа́на криг чужонэ́ пхувья́тыр, пал-дова́ со баро́ явэ́ла дывэ́с Израилёскиро.

Дание́лё 11:18

Пало́ дова́ ёв обрискирэла пэ́скиро муй кэ пхувья́ пашыл море (дэрьяв)-кэ островы (джипа́-р.с.) и лэ́ла пэ́скэ бут лэн; нэ вари-саво́ тхага́ри чхувэ́ла ко́нцо пэ лэ́нгири ладж, и ишчо (инкэ́) пэ́скири ладж чхувэ́ла пэ лэ́стэ, крали́стэ, паш-ратитконэстэ.

Дание́лё 8:2

И дыкха́вас мэ дова́ дыкхибэ́н, и ке́ли дыкха́вас, мэ со́мас дрэ Суза, шэрутно фо́ро кай сыс тва́рдыма/диз [крепость-ю.о.], кай исын Эламоскири округа, и дыкха́вас мэ дро дыкхибэ́н, сы́рбы мэ со́мас пашы́л рэка (лэнь) Улай.

Езэкилё 30:14

Мэ кэра́ва адя́кэ, со Пафросо явэ́ла чхучо́, Мэ бичхава́ва яг пэ Цоано, Мэ ява́ва тэ сэндякирав Но.

Езэкилё 27:6

Васаноскирэ дэмбэндыр кэрэ́нас тырэ́ ровля (вёслы) , прэдки (скамейки) тырэ́, кэрэ́нас мануша́ Ашуростыр букитконэ каштэ́стыр, и укэдэнас лэн слонытконэ кокалоса Китимсконэ островэндыр.

Ереме́ё 49:23

Пал Дама́ско. – “Емафо [Хамато-ю.о.] и Арпадо ладжакирдэ́, пал-дова́ со ёнэ шундлэ́ фуй нэвипэн. Лэ́нгиро ило́ биладыя (замыя́) криг; мо́рё (дэрья́в) кунинэлапэ тугатыр; ёв на дэ́ла ра́да пэ́скэ тэ явэ́л штыл.

Ереме́ё 44:1

Лав, саво́ сыс Еремеёскэ пал сарэ́ Юдэ́ндэ, кон дживдя́ пэ пхув Египто́скири, савэ́ ячнэ́ тэ дживэ́н кэ Магдола [Мигдола-ю.о.], и дро Тафнисо (Тафанеса), дро Нофо, и пэ пхув Пафрососкири, ракири́:

Ереме́ё 31:10

Шунэ́н лав Ра́скирэ-Дэвлэ́скиро, о мануша́лэ нацые́ндыр, и пхэнэ́н дава́ зоралэ́с сарэ́нгэ пэ островы, со исын дур, и пхэнэ́н: “Ёв, Кон росчхудя́ тэ дживэ́л Израилё, скэдэ́ла лэс, и Ёв явэ́ла тэ ракхэ́л Пэ́скирэ манушэ́н, сыр чхупна́ри (пастырё) Пэ́скиро ґурто.

Ереме́ё 25:25

и сарэ́ кралье́н Зимриятыр, и кэ сарэ́ кра́лья Эламостыр, и кэ сарэ́ кра́лья Мидиятыр;

Isajos 45:14

Адя́кэ ракирэ́ла Рай Дэвэ́л: “Египтя́ни, савэ́ кэрэ́на буты́, и Ефиопляни, савэ́ бикнэна, и Савейцы, вучэ́ мануша́, явэ́на тырэ́ манушэ́нца; ёнэ пал ту́тэ явэ́на тэ джа́н пхандлэ зандирьенца (цэпэнца), явэ́на, пэрэ́на пэ чанга́, лэ́на тэ мангэ́н тут, ракири́: “Екх (фэ́ни) ту́тэ исын Екх Дэвэ́л, и явирэ нанэ Дэвлэ́с.”

Isajos 42:12

Мэк тэ дэн паты́в Ра́скэ-Дэвлэ́скэ, мэк тэ шарэ́н Лэс пэ островы.

Isajos 42:10

Бага́н Дэвлэ́скэ нэви́ гилы́, шарэ́н Лэс сарэ́ пхувья́кирэ ягорэндыр; тумэ́, кон традэ́ла пир мо́рё (дэрья́в), сарэ́, кон дживэ́ла одо́й, островы и одолэ́, кон пэ лэ́ндэ дживэ́ла!

Isajos 11:16

Тэ́ньци ваш ячаибэ́н Лэ́скирэ народо́стыр явэ́ла баро́ дром, сыр дава́ сыс ваш Израилё, ко́ли ёв выджа́лас Египто́скирэ пхувья́тыр.

Psalmy 68:22

Чачо́, Дэвэ́л роспхаравэла Лэ́скирэ вэргэ́нгирэ шэрэ́, балэнгирэ чэката одолэнгирэ, савэ́ дживэ́на дрэ грэ́хи.

Džiibén 14:1

Дава́ сыс адя́кэ: ке́ли дживдя́ Амрафело, Сенаароскиро (Шиноароскиро) кра́ли, о Ариохо, Еласароскиро кра́ли, Кедорлаомеро, Еламоскиро кра́ли, и Тидало, Гоимэнгиро кра́ли,

Ester 10:1

Пало́ (после) дова́ чхудя́ такса кра́ли Артаксе́рксо тэ подэн пэ пхув и пэ морёскирэ (дэрьявэ́скирэ) островы (джипа́).

Isajos 1:9

Ко́ли б на ячкирдя́ Рай Дэвэ́л, болыбна́скирэ-янголэ́нгиро, амэ́нгэ набаро́ ячаибэ́н, то са́мас бы амэ, сыр Содо́мо, амэ зджа́сас (поджа́сас) бы пэ Гомо́ра.

Isajos 19:21

И Рай Дэвэ́л сыкавэ́ла Пэс дро Еги́пто: и Египтя́ни дро дова́ дывэ́с уджинэна Рас-Дэвлэ́с, и янэ́на свэ́нта дыибэна́ и дэ́на лав (совла́х) Ра́скэ-Дэвлэ́скэ и сполнинэна.

Isajos 19:22

И лэ́лапэ Рай Дэвэ́л пал Еги́пто мэрибнытконэ дукхаса, лэ́лапэ и высастякирэла; ёнэ обрисёна кэ Рай Дэвэ́л и Ёв шунэ́ла лэн и высастякирэла.

Isajos 37:31

Ячаибэ́н, саво́ исын дро Юда́скиро кхэр, зракхцяпэ и выбарьёла тэлэ́, и янэ́ла барьякирдо́ (пло́до) упра́л.

Езэкилё 29:14

Мэ рискира́ва Еги́пто наволятыр, Мэ яна́ва лэн пэ пхув Парфос, пэ пхув, кай ёнэ сыс бияндлэ, одо́й явэ́на ёнэ назоралэ кралипнаса.

Езэкилё 32:24

Еламо сарэ́ пэ́скирэ бутыпнаса исын пашы́л лэ́скири копли́ца, сарэ́ ёнэ исын домардэ́, сарэ́ пынэ́ куртала́тыр, сарэ́ на сыс обчхиндлэ́ и адя́кэ гинэ́ пэ дова́ свэ́то; одолэ́ сыс мануша́, савэ́ янэ́нас дар пэ джидэ́-манушэ́нгири пхув и лыджа́на пэ́скири ладж кхэтанэ́ манушэ́нца, савэ́ мынэ́.

Езэкилё 38:8

Ке́ли проджа́на (накхэна) бут дывэса́, тут выкхарэна, ту явэ́са пэ пхув, со исын зракхны куртала́тыр, скэдыны бутэ́ народэндыр, пэ Израилёскири бэ́рга, савэ́ сыс чхучэ́, нэ акана́ рисёна мануша́, савэ́ дживэ́на пэ кадая́ пхув, явирэ народэндыр, сарэ́ ёнэ явэ́на тэ дживэ́н дурэды́р би дара́киро.

Дание́лё 1:2

И дыя́ о Рай Дэвэ́л дро лэ́скиро васт э Иокимос, Юдэя́кирэ крали́с, и ада́кицы кхорэ́ (сасу́ды) Дэвлытконэ́ кхэрэ́стыр, и ёв бичхадя́ лэн пэ пхув Сеноар, кэ лэ́скирэ Дэвлэ́скиро кхэр, и яндя́ адалэ́ сарэ́ кхорэ́ дрэ пиралы́ ваш казна лэ́скирэ дэвлэскири.

Džiibén 2:13

И явирья рэка (лэнь) кхардэ́ Гихоно; ёй тхадэ́ла пир сари́ Кушоскири пхув.

Яви́р Зако́но 9:29

‘А ёнэ исын Тырэ́ мануша́ и Тыри́ миштыпна́скири ме́ра, савья́са Ту вылыджиян лэн Египто́скирэ пхувья́тыр Тырэ́ барэ́ зорья́са и Тырэ́ вучэ́ псикэса.’

4 Kralip 17:24

И пирилыджия тэ дживэ́н кра́ли Асирия́кирэ манушэ́н Вавилоно́стыр, и Кутатыр, и Аватыр, и Емафатыр, и Сепарваиматыр, и обчхудя́ тэ дживэ́н лэн дрэ Самариякирэ фо́рья пэ штэ́то Израилёскирэ чхавэ́нгиро. И ёнэ заухтылдэ Сама́рия, и лынэ́ тэ дживэ́н дрэ ла́кирэ фо́рья.

Isajos 21:2

Дарано дыкхибэ́н сыкадэ ма́нгэ: о чор чорэла, о прахари отлэла; заджа́, Еламо, ґаздэпэ, Мидо, сарэ́ ясва мэ залава.

Isajos 22:6

И Еламо лыджа́ла курта́ла. Мануша́ исын бэштэ́ пэ вурдэна́ и Киро дорэсэ́ла шчы́то.

Isajos 49:12

Акэ, явэ́на мануша́ дурипнастыр, явэ́на паш-ратятыр (северостыр) и морёстыр (дэрьявэстыр), а яви́р явэ́на Синимоскиро пхувья́тыр.”

Osija 11:10

Ёнэ джа́на пала́л пал Растэ-Дэвлэ́стэ; Ёв явэ́ла тэ рыкинэл сы́рбы шчэр (ле́во). Сыр Ёв лэ́ла тэ рыкинэл, тэ́ньчи Лэ́скирэ бияты явэ́на тэ джа́н сыгэды́р тринскирибнаса пал-панендыр (западостыр).

Заха́рия 8:7

Адя́кэ ракирэ́ла янголэ́нгирэ-болыбна́скиро Рай Дэвэ́л: ‘Акэ, Мэ выракхава Мирэ́ манушэ́н вастокоскирэ рига́тыр и рига́тыр, кай пэрэ́ла кхам;