Isajos 11:10 - Библия - Пэ Балтитко Романи чиб (Романэс) 2019

¹⁰ И явэ́ла дро дова́ дывэ́с: кэ корнё (рукх) Исеёскиро, саво́ ячэ́ла сыр сцяго тэ прикхарэл народы, обрисёна Наюды́тка на́цыи, и барипнаса явэ́ла лэ́скиро откхиныбэн.

Biblija - Pe Baltitko Romani čib (Romanes) 2019

¹⁰ I javéla dro dová dyvés: ke kornjo (rukh) Isiejoskiro, savó jačéla syr sciago te prikharel narody, obrisjona Najudýtka nácyi, i baripnasa javéla léskiro otkhinyben.

Isajos 11:10 Referans Kwoze

Luka 2:32

Ёв явэ́ла сыр Дуд (Свэ́то) тэ откэрэл Тыри́ во́ля ваш Наюдэ́нгэ. Ёв янэ́ла сла́ва Тырэ́ манушэ́нгэ, Израилёскэ.”

Isajos 11:1

И выбарьёла отбарипэн Есеёскирэ корнёстыр (рукхэстыр); кадава́ рукх выбарьякирэла нэви́ рандь.

Joannostir 12:32

Нэ ке́ли Мэ ява́ва ґаздыно́ пхувья́тыр, тэды Мэ ла́ва сарэ́н манушэ́н кэ Пэ.”

Матфеё 12:21

И Лэ́скирэ лавэ́скэ сарэ́ на́цыи явэ́на тэ патя́н.”

Матфеё 8:11

Мэ пхэна́ва тумэ́нгэ, со бут яви́р явэ́на вастоко́стыр и западостыр (пал-панендыр) и бэшэна пал сками́нд Авраамоса, Исакоса и Яковоса дро Кралипэ́н дро Болыбна́скиро Раё,

Apostolengiri Butý 11:18

Ке́ли ёнэ шундлэ́ саро́ дава́, ячнэ́ штыл и лынэ́ тэ славинэ́н Дэвлэ́с, ракири́: “Бицяло́, со и Наюдэ́нгэ Дэвэ́л дыя́ во́ля тэ рискирэ́н пэ́скиро джиибэ́н кэ Дэвэ́л и тэ дживэ́н.”

Sykadyipén 22:16

Мэ сом, Ису́со, бичхадём Мирэ́ Янголо́с тэ допхэнав тумэ́нгэ дава́ пир кхангирья. Мэ сом Давидо́скирэ ратэстыр и лэ́скирэ-чхавэ́нгиро чхаво́, ярко Злокоскири Чэргэн.”

Agiejo 2:9

“Нэви́ Кхангири́ явэ́ла бари сыр кодоя, со сыс вагэдыр (ґарэдыр),’ – ракирэ́ла янголэ́нгирэ-болыбна́скиро, Рай-Дэвэ́л. “И пэ дава́ штэ́то Мэ да́ва рама́не (миро)”, – ракирэ́ла янголэ́нгирэ-болыбна́скиро, Рай-Дэвэ́л.

Isajos 49:22

Адя́кэ ракирэ́ла Рай Дэвэ́л: “Акэ, Мэ ґазда́ва Миро васт кэ народы, Мэ сыкава́ва Миро стяго (флаго) родыцэнгэ и янэ́на пэ васта́ тырэ́ чхавэ́н, а чхае́н тырэ́н – пэ псикэ́.

Psalmy 91:1

Кодова́, Саво́ дживэ́ла дро Най Вучэдырэскиро штэ́то, явэ́ла тэ дживэ́л тэл Сарэзорьякири зэр (тенё).

Isajos 60:3

Наюды́тка народы явэ́на кэ тыро́ дуд (свэ́то), кра́лья явэ́на кэ зяиныбэн, саво́ исын упрэ́ пэ ту́тэ.

Džiibén 49:10

На отджала Юдастыр скипетро и законоскиро дыибнари лэ́скирэ трушулэндыр, кэ дава́ часо, пака явэ́ла Раманёскиро (Примирителё), и лэс явэ́на тэ кандэ́н мануша́.

1 Petr 5:10

Нэ Дэвэ́л, Саво́ бахтякирэ́ла, и Саво́ кхардя́ тумэн дрэ вечна Пэ́скири сла́ва, ко́ли тумэ́нгэ и приявэлапэ набаро́ часо тэ страдынэл, Ёв Кокоро́ кэрэ́ла тумэн зоралэды́р и дэ́ла зор, соб (кай) тумэ́ тэ на кунинэнпэ дро пэ́скиро патяибэ́н;

Юдэ́нгэ 4:1

Палдава́, пака пхэндло́ лав амэ́нгэ тэ заджа́н пэ доя́ пхув тэ откхинён Лэ́са, на хасия́, тэды ява́са тэ ракхаспэ, соб (кай) тэ на явэ́л адя́кэ, со вари-кон явдя́ древа́н кори́г (по́знэс).

Apostolengiri Butý 28:28

Палдава́ мэ кама́м, соб (кай) тумэ́ тэ джинэ́н, со Дэвлэ́скиро зракхибэ́н сыс бичхадо́ Наюдэ́нгэ; ёнэ и ушунэна.”

Isajos 66:19

И Мэ чхува́ва пэ лэ́ндэ ґерты́к (досыкаибэн), Мэ бичхава́ва зракхнэ́ манушэ́н лэ́ндыр кэ народы: дро Фарсисо, дрэ Пула и Луда, кэ одолэ́, кон лэ́ла дро васт лу́ко тэ надтырдэл, дрэ Тубала и дрэ Явана, пэ дуратунэ́ островы, савэ́ на шундлэ́ пал Ма́ндэ и на дыкхнэ́ Мири́ паты́в; и ёнэ пхэнэ́на дрэ народы пал Миро барипэ́н.

Isajos 60:5

Тэ́ньци дыкхэ́са и обрадынэсапэ, издрала, буґлёла тыро́ ило́: барвалыпэ́н морёскиро (дэрьявэ́скиро) явэ́ла кэ ту, барвалыпэ́н манушэ́нгиро, явэ́ла тыро́.

Isajos 59:19

И явэ́на тэ дарэ́н Ра́скирэ-Дэвлэ́скирэ лавэ́стыр пэ западо (пэ пал-панитко риг), дарэ́на Лэ́скирэ барэ́ патыватыр пэ доя́ риг, кай кхам ґаздэ́лапэ. Ко́ли вэ́рго явэ́ла, сыр рэка (лэнь), то пхурдыпэн Ра́скиро Дэвлэ́скиро лэс вытрадэла.”

Isajos 28:12

Лэ́нгэ ракирэ́нас: “Акэ, исын откхиныбэн, дэн, соб (кай) тэ откхинёл кхино ману́ш, акэ, исын штылыпэн.” Нэ ёнэ на закамлэ тэ шунэ́н.

Isajos 2:11

Проджа́ла манушэ́скиро пхутькирибэ́н, пэрэ́ла манушэ́нгиро вучипэ́н, екх Рай Дэвэ́л явэ́ла вучо́ дро дова́ дывэ́с.

Psalmy 149:5

Мэк свэ́нта тэ явэ́н ра́да славатыр, мэк ёнэ тэ бага́н зоралэ́с пэ лэ́нгирэ чхуибэна.

Psalmy 116:7

Рисёв тэ откхинёс пэ́скэ, миро ди; пал-дова́ со Рай Дэвэ́л бахтякирдя́ тут.

Psalmy 91:4

Ёв учхакирэ́ла тут Пэ́скирэ порэнца и ту латхэса гарадаипэн тэл Лэ́скирэ пхака́: лэ́скиро чачипэ́н явэ́ла тэ бронинэл и тэ затэрдёл пал Ту́тэ.

Ереме́ё 6:16

Рай Дэвэ́л ракирэ́ла адя́кэ: “Тэрдён пэ дрома́, и дыкхэ́н, и пхучэ́н пал пхуранэ́ дрома́, кай исын лачхо́ дром и джа́н пир дава́ дром, и тумэ́ латхэ́на де́скэ тэ откхинён. Нэ ёнэ отпхэндлэ́: “Амэ на джа́са пир дава́ дром.”

Isajos 14:3

Явэ́ла адя́кэ дро дова́ дывэ́с: ко́ли Рай Дэвэ́л залэла ту́тыр тыри́ дукх, тыри́ дар, тыро́ пхарипэ́н, дрэ саво́ ту са́нас,

Sykadyipén 5:5

И екх годэпхурэндыр пхэндя́ ма́нгэ: “На ров! Дыкх! О Шчэр (Ле́во) Юда́скирэ родо́стыр, Давидо́скирэ ратэстыр, сэмэ́нца, лыя́ упралыпэ́н, соб (кай)/ёв тэ дэл ра́да тэ отпхандэл сви́тко и лэ́скирэ эфта́ чэргэнорья.”

Čysly 10:33

И гинэ́ дро дром ёнэ Ра́скирэ-Дэвлэ́скирэ бэрга́тыр, трин дывэса́ сыс дро дром, и ковчэго Ра́скирэ-Дэвлэ́скиро заветоса гия́ анги́л лэ́ндэ трин дывэса́, соб (кай) тэ выдыкхэн лэ́нгэ штэ́то, кай тэ тэрдён.

Isajos 11:12

И кхарэ́ла кэ Пэ Наюды́тка на́цыи и скэдэ́ла Ёв вытрадынэ́ манушэ́н Израилёстыр, и росчхурдынэ Юдэ́н скхарэла штарэ́ ягорэндыр пэ пхув.

Isajos 62:10

Джа́н андрэ́, джа́н дурэды́р дрэ по́рта, кэрэ́н дром народоскэ! Кэрэ́н, кэрэ́н дром, укэдэн бара́, ґаздэ́н стяго ваш народы!

Заха́рия 6:13

Ёв кэрэ́ла Кхангири́ Ра́скирэ-Дэвлэ́скири и прилэ́ла сла́ва, и лэ́ла тэ бэшэ́л сыр барыдыро́ пэ Пэ́скиро троно; явэ́ла и раша́й пэ Пэ́скиро троно, и лавэнгиро рама́нё (миро) явэ́ла машки́р дова́ и яви́р.

1 Паралипоменоно 2:12

Воозостыр бия́ндыя Овидо, Овидостыр бия́ндыя Иесе́ё (Есеё);

Psalmy 145:11

Ёнэ явэ́на тэ роспхэнэ́н пал Тырэ́-кралипнаскири сла́ва и тэ ракирэ́л пал Тыро́ зоралыпэ́н,

Isajos 2:2

И явэ́ла дро палатунэ́ (последня) дывэса́: Дэвлэ́скирэ-Кхэрэ́скири бэ́рга явэ́ла чхуды́ упрэстыр, сыр яви́р бэ́рги, и явэ́ла ґаздыны вучэды́р, сыр яви́р набарэ́ бэ́ргицы и выджа́на кэ ёй сарэ́ народы.

Isajos 2:3

И джа́на бут народэнгирэ мануша́ и пхэнэ́на: “Явэ́н, ґаздасапэ пэ Ра́скирэ-Дэвлэ́скири бэ́рга, дро Яково́скирэ-Дэвлэ́скиро Кхэр, Ёв высыклякирэла амэн, и амэ ява́са тэ псирас Лэ́скирэ дромэ́нца,” пал-дова́, со выджа́ла Зако́но Сионо́стыр, а лав Ра́скирэ-Дэвлэ́скиро – Ерусалимо́стыр.

Isajos 42:4

На пэрэ́ла Ёв бизорьякоро, на кхинёла кэ дова́ часо, сыр Ёв кэрэ́ла сэ́ндо пхувьякэ; и пэ Зако́но Лэ́скиро ужакирэ́на лачхипна́са островы.”