Isajos 11:1 - Библия - Пэ Балтитко Романи чиб (Романэс) 2019

¹ И выбарьёла отбарипэн Есеёскирэ корнёстыр (рукхэстыр); кадава́ рукх выбарьякирэла нэви́ рандь.

Biblija - Pe Baltitko Romani čib (Romanes) 2019

¹ I vybarjola otbaripen Jesiejoskire kornjostyr (rukhestyr); kadavá rukh vybarjakirela neví rand'.

Isajos 11:1 Referans Kwoze

Ереме́ё 23:5

“Акэ, явэ́на дывэса́”, – ракирэ́ла Рай Дэвэ́л, – ке́ли Мэ чхува́ва упрэ́ нэвэ́стыр Давидо́скэ Рандь (Отбарипэн) чачуны́, Крали́с, ёв явэ́ла тэ раинэл и тэ кэрэ́л саро́ годэс. Ёв явэ́ла тэ кэрэ́л чачуно́ сэ́ндо и пир чачипэ́н пэ пхув.

Sykadyipén 22:16

Мэ сом, Ису́со, бичхадём Мирэ́ Янголо́с тэ допхэнав тумэ́нгэ дава́ пир кхангирья. Мэ сом Давидо́скирэ ратэстыр и лэ́скирэ-чхавэ́нгиро чхаво́, ярко Злокоскири Чэргэн.”

Заха́рия 6:12

и пхэн лэ́скэ: – “Адя́кэ ракирэ́ла янголэ́нгирэ-болыбна́скиро Рай Дэвэ́л: ‘Акэ, Мурш, – лав Лэ́скиро Отбарьякирибэн, Ёв барьёла Пэ́скирэ корнёстыр (рукхэстыр) и кэрэ́ла Кхангири́ Дэвлэ́скири.

Sykadyipén 5:5

И екх годэпхурэндыр пхэндя́ ма́нгэ: “На ров! Дыкх! О Шчэр (Ле́во) Юда́скирэ родо́стыр, Давидо́скирэ ратэстыр, сэмэ́нца, лыя́ упралыпэ́н, соб (кай)/ёв тэ дэл ра́да тэ отпхандэл сви́тко и лэ́скирэ эфта́ чэргэнорья.”

Заха́рия 3:8

Вышу́н, Ису́се, баро́ раша́й, ту и кхардэ́ пша́ла тырэ́, савэ́ бэшэна анги́л ту́тэ, мурша́, савэ́ исын славутна: акэ, Мэ лыджа́ва дынари́с Мирэс, отбарьякирибэн.

Ереме́ё 33:15

‘дрэ долэ́ дывэса́ и дро дова́ часо Мэ кэра́ва адя́кэ, со чачипнаскири Рандь [Отбарипэн-р.с.] выбарьёла Давидо́скэ, и Ёв явэ́ла тэ сэндякирэ́л и тэ кэрэ́л пир чачипэ́н пэ пхув.

Isajos 53:2

Ёв выбария анги́л Лэ́стэ сыр чарори, сыр отбарипэн шукэ́ пхувья́тыр; Ёв на выдыкхэлас, сыр ману́ш патывалэ́ минаса, на сыс дрэ Лэ́стэ барипэ́н; амэ Лэс дыкхцям, и Лэ́стэ на сыс дасаво, со б притырдыя амэн кэ Ёв.

Isajos 9:7

Зор Лэ́скири и рама́нё (миро) на пириячэ́ла пэ Давидо́скиро троно дро Лэ́скиро кралипэ́н, соб (кай) Ёв (Дэвэ́л) тэ подрикирэ́л лэс сэндоса и чачипна́са далэ́ дывэсэ́стыр и пэ саро́ ве́ко. Зэвлыныпэн Ра́скирэ-Дэвлэ́скиро кэрэ́ла дава́.

Римлянэнгэ 15:12

И нэвэ́стыр Исаё ракирэ́ла: “Ёв явэ́ла Есеёскиро родо́стыр и Ёв явэ́ла тэ хулаинэ́л манушэ́нца: пэ Лэ́стэ На́юды явэ́на тэ розгинэн.”

Isajos 4:2

Дро дова́ дывэ́с сыкавэлапэ дро шукарипэ́н и дрэ паты́в отбарипэн Ра́скирэ-Дэвлэ́скиро, а пхувитко барьякирдо́ (пло́до) – дрэ барипэ́н и шарибэ́н ваш одолэ́ Израильсконэ чхавэ́нгэ, савэ́ зракхнэпэ.

Isajos 11:10

И явэ́ла дро дова́ дывэ́с: кэ корнё (рукх) Исеёскиро, саво́ ячэ́ла сыр сцяго тэ прикхарэл народы, обрисёна Наюды́тка на́цыи, и барипнаса явэ́ла лэ́скиро откхиныбэн.

1 Kralip 17:58

И пхуця́ лэс Са́уло: “Конэ́скиро ту сан чхаво́, тэрно́ ману́ш?” И отпхэндя́ Дави́до: “Есеёскиро Вифлеемостыр, тырэ́ писхарискиро чхаво́.”

Ruta 4:17

Пашатунэ́ (суседки) дынэ́ лэ́скэ лав и ракирдэ́: “Ноэминьятэ бия́ндыя чхаво́”, и дынэ́ лэ́скэ лав: Овидо. Ёв исын Есеёскиро дад, Давидо́скирэ дадэ́скиро.

Матфеё 1:1

Лылвари́ (книга) пал Исусо́скиро Христосо́скиро ро́до, Давидо́скирэ Чхавэ́скиро, Аврамоскирэ Чхавэ́скиро.

Юдэ́нгэ 7:14

Амэ джина́са, со амаро́ Рай Дэвэ́л сыс Юда́скирэ родо́стыр, пал Савэ́стэ Мо́йза (Моисеё) нисо́ на пхэндя́ пал рашандэ кадалэ́ родо́стыр.

2 Kralip 23:3

Пхэндя Дэвэ́л Израилёскиро, и ракирдя́ пал ма́ндэ бэ́рга Израилёскири: “Яв хула́са пэ манушэ́ндэ, яв чачуно́, хулаин дара́са (дарьяса) Дэвлэскирьяса.

Isajos 6:13

И ко́ли ячэ́лапэ дэ́што паш пэ ла́тэ и рисёла, усае́кх явэ́ла пхув чхучи́, нэ сыр теревинфостыр и дэмбостыр, ко́ли ёнэ исын чингирдэ тэлэ́, исын ячаибэ́н, адя́кэ свэ́нто ячаибэ́н ячэ́лапэ.”

Isajos 9:6

Пал-дова́ со Бия́то бия́ндыя амэ́нгэ, чхаво́ исын дыно́ амэ́нгэ; Ёв лэ́ла зор дро Пэ́скиро васт, и дэ́на Лэ́скэ лав: Лачхо́ Годыпнари, зорало́ Дэвэ́л, Дад, конэ́стэ исын ве́чно джиибэ́н, далэ́-свэтоскиро Тхага́ри (Князё).

Езэкилё 37:25

Тэ́ньци ёнэ явэ́на тэ дживэ́н пэ пхув, сави́ Мэ дыём Мирэ́ писхари́скэ Яково́скэ, пэ сави́ дживэ́нас лэ́нгирэ дада́; одо́й ёнэ явэ́на ве́чнэс тэ дживэ́н ёнэ, лэ́нгирэ чхаворэ́, лэ́нгирэ – чхаворэнгирэ чхаворэ́; и Миро писха́ри Дави́до явэ́ла тхага́ри пэ лэ́ндэ пэ сарэ́ ве́ки.

Mihiejo 5:2

“Нэ ту, Вифлее́мо-Ефрафэ! На дыкхи́ пэ дова́, со ту сыр фо́ро сан тыкно́ машки́р тысёнцы штэ́ты пэ Юдаскири пхув, ту́тыр явэ́ла Ма́нгэ Одова́, Савэ́скэ трэй тэ явэ́л Барэ́ Ра́са пэ Израилё; Савэскиро ро́до джа́ла ґаратунэ́ англыпна́стыр, вечнонэ дывэсэ́ндыр.”

1 Паралипоменоно 2:12

Воозостыр бия́ндыя Овидо, Овидостыр бия́ндыя Иесе́ё (Есеё);

Psalmy 145:11

Ёнэ явэ́на тэ роспхэнэ́н пал Тырэ́-кралипнаскири сла́ва и тэ ракирэ́л пал Тыро́ зоралыпэ́н,

Езэкилё 17:22

Адя́кэ ракирэ́л Рай Дэвэ́л, Дэвэ́л: “Лава́ Мэ рандь (вэтка) вучэ́ кедроскирэ упралыпнастыр, Мэ чхува́ва ла дрэ пхув. Лэ́скирэ упратунэ вэткэндыр Мэ отчхинава тэрны́ вэтка, чхува́ва ла дрэ пхув пэ вучи́ и шука́р бэ́рга.