Isajos 10:3 - Библия - Пэ Балтитко Романи чиб (Романэс) 2019

³ Со тумэ́ явэ́на тэ кэрэ́н дро дывэ́с, саво́ явэ́ла, ко́ли явэ́ла дура́л тумаро́ хасибэ́н? Кэ кон подджана тумэ́ тэ подэн васт, кай ячкирэна тумаро́ барвалыпэ́н?

Biblija - Pe Baltitko Romani čib (Romanes) 2019

³ So tumé javéna te kerén dro dyvés, savó javéla, kóli javéla durál tumaró xasibén? Ke kon poddžana tumé te poden vast, kaj jačkirena tumaró barvalypén?

Isajos 10:3 Referans Kwoze

Luka 19:44

и роспхагирэна саро́ пэ пхув и замарэна тырэ́ чхаворэ́н: и на ячэ́ла бар пэ бар, пал-дова́ со ту на уджиндян часо, ке́ли Дэвэ́л явдя́ тэ зракхэ́л тут.”

Osija 9:7

Явнэ́ дывэса́ тэ дыкхэ́н лэн, явнэ́ дывэса́ ваш сэ́ндо: ту, Израиле, явэ́са тэ джинэ́с пал дава́! О магико исын на барэ-годя́киро; а ману́ш, саво́ россэндякирэлас дро ду́хо (фа́но), исын бигодякиро, пир дова́, со древа́н хор исын тыро́ чорипэ́н, и древа́н зорало́ исын тыро́ намалыпэн (врогима).

Ióvo 31:14

со ж тэды трэиндя́ ма́нгэ тэ кэра́в, ке́ли Дэвэ́л лэ́ла тэ сэндинэл? И ко́ли Ёв пхучэла ма́ндыр, со ж тэды ма́нгэ явэ́лас тэ отпхэнав Лэ́скэ?

1 Petr 2:12

и дживэ́н пир чачипэ́н машки́р Наюдэ́ндэ, соб (кай) одолэ́, кон ракирэ́ла чорипэ́н пэ тумэ́ндэ, со тумэ́ сан фуй, тэ дыкхэ́н тумарэ́ лачхэ́ рэ́нды и тэ славинэ́н Дэвлэ́с, ке́ли Ёв явэ́ла.

Софония 1:18

Ни лэ́нгиро руп, ни сувнака́й нашты́ (на змогинэна) тэ зракхэн лэн дро дова́ дывэ́с барэ́ Ра́скирэ-Дэвлэ́скирэ холынатыр. Лэ́скирэ-зэвлыныпнаскири яг ха́ла сарэ́са сари́ пхув, пал-дова́ со Ёв янэ́ла сы́гэс ко́нцо (яго́ро) пэ сарэ́ндэ, кон дживэ́ла пэ пхув.

Isajos 26:21

Акэ, Рай Дэвэ́л выджа́ла Пэ́скирэ штэто́стыр тэ чхувэ́л ка́ра пэ манушэ́ндэ, савэ́ дживэ́на пэ пхув, пал лэ́нгирэ грэ́хи, и пхув откэрэла рат, саво́ прилыя́ дрэ пэ́стэ и на гаравэла пэ́скирэ замардэн.

Isajos 20:6

И пхэнэ́на дро дова́ дывэ́с мануша́, савэ́ одо́й дживэ́нас: “Акэ, савэ́ исын одолэ́, пэ конэ́стэ исыс амари́ наде́я, кэ кон прастандыям пал подрикирибэ́н, соб (кай) тэ зракхаспэ Асирия́кирэ крали́стыр! И сы́рбы амэ зракхасапэ?”

Isajos 5:26

И Ёв ґаздэ́ла сцяго (дэ́ла припхэныбэ́н) кэ народы, савэ́ дур дживэ́на, выкхарэла одолэ́с, саво́ дживэ́ла пэ пхувья́киро яго́ро (краё), и, акэ – ёв локхэс и сы́гэс явэ́ла.

Pritčy 11:4

Барвалыпэ́н на дэ́ла ни саво́ лачхипэ́н дро хасибны́тко дывэ́с, нэ чачипэ́н зракхэ́ла мэрибна́стыр.

Яви́р Зако́но 28:49

Бичхавэ́ла пэ ту́тэ Рай Дэвэ́л манушы́тко нацыя (народо) дурипнастыр, ягороскирэ пхувья́тыр: сыр о́рло (ки́до) привурняна мануша́, савэнгири чиб ту на галёса,

Ереме́ё 5:31

проро́ки ангилпхэнэна хохаибэ́н, рашая́ хулаинэна лэ́нгирэ лавэ́нца, и Мирэ́ мануша́ камэ́на дава́. Нэ со ёнэ явэ́на тэ кэрэ́н дро ко́нцо (дро яго́ро)?”

Isajos 39:3

И явдя́ проро́ко Исаё кэ кра́ли Езэки́я и пхэндя́ лэ́скэ: “Со ракирэ́нас адалэ́ мануша́? Каты́р ёнэ явнэ́?” Езэки́я пхэндя́: “Дурал явнэ́ ёнэ кэ мэ, явнэ́ Вавилоно́стыр.”

Isajos 33:14

Пиридарандынэ (страха́дынэ) грэхи́тка мануша́ пэ Сио́но, дарэ́на и издрана бидэвлыткарья! “Кон амэ́ндыр выдживэла паш яг, сави́ саро́ похала, кон выдживэла паш яг, сави́ хачола ве́чнэс?”

Isajos 30:16

И ракирэ́нас: “Над, амэ пэ грэ́ндэ нашаса”, – пал дава́ и нашэ́на”, “Нашаса пэ лачхэ́ грэ́ндэ”, – палдава́ потрадэнапэ пал тумэ́ндэ сы́гэс.

Isajos 5:14

Пал саро́ дава́ буґлыя лю́но (адо), и откэрдя пэ́скиро муй; зджа́ла одори́к лэ́нгиро пхутькирибэ́н, лэ́нгиро барвалыпэ́н, лэ́нгиро шумо и саро́, со радынэла лэн.

4 Kralip 7:15

И традынэ пал лэ́ндэ кэ Иорда́но, и ґа́да, саро́ дром сыс засчхудо иде́нца и багажоса, савэ́ чхурдынэ́ Сирияни, ке́ли сыгнякирдэ пэ́скиро нашыбэн. И рисинэ́ мануша́, савэ́ сыс бичхадэ́, и роспхэндлэ́ крали́скэ.

Džiibén 31:1

И шундя́ Яково Лаваноскирэ-чхавэ́нгирэ лава́, савэ́ ракирдэ́: “Яково лыя́ пэ́скэ саро́, со сыс амарэстэ дадэ́стэ, и амарэ́-дадэ́скирэ миштыпна́стыр кэрдя́ саро́ дава́ барвалыпэ́н.”

Osija 5:13

Ке́ли Ефре́мо дыкхця́ пэ́скири дукх, и Юда дыкхця́ пэ́скиро фра́нсо (рана), тэды гия́ Ефре́мо кэ Асуро, и бичхадя́ пал крали́стэ Иаревостэ (Яревостэ), нэ ёв на дэ́ла ра́да тэ састякирэл тумэн, ци тэ драбакирэл тумэн тумарэ́ рискирдэ́ франсостыр (ранатыр).

Isajos 13:6

Ровэ́н, джа́ла Ра́скирэ-Дэвлэ́скиро дывэ́с, джа́ла, сыр зор, сави́ пхагирэ́ла саро́, Сарэзорьякирэстыр.

Isajos 17:4

“И явэ́ла адя́кэ дро дова́ дывэ́с, со тыкнёла сла́ва Яковоскири, и тхулыпэн лэ́скирэ масэ́ндыр явэ́ла шукэдыр.

Isajos 26:14

Мулэ́ на отджидёна, Рефаимы на уштэна, пал-дова́, со Ту явдя́н и хасякирдян лэн; хасякирдян рипирибэ́н пал лэ́ндэ.

Isajos 29:6

Рай Дэвэ́л, болыбна́скирэ-янголэ́нгиро, явэ́ла кэ ту громоса и зоралэ́ заня́са, со пхув явэ́ла тэ издрал, зоралэ́ балваляса, яга́са, сави́ саро́ схачкирэ́ла.

Isajos 30:5

Сарэ́ ёнэ явэ́на ладжакирдэ́ пал народо, саво́ лэ́нгэ на трэй, нисаво́ подрикирибэ́н лэ́стыр на явэ́ла, екх ладж и бизладо.”

Isajos 30:7

На подрикирэ́ла лэн Еги́пто, палдава́ Мэ пхэндём лэ́нгэ: “Лэ́нгири зор – штылэ́с тэ бэшэ́н.”

Ереме́ё 4:30

И ту, росчордо Ерусалимо, со ту явэ́са тэ кэрэ́с? Мэк ту и тэ урье́спэ дро куч лоло́ плашчо, мэк ту и тэ шукарьякирэс пэс гожонэ вянкэнца сувнака́стыр, мэк ту и тэ подмакхэс пэ́скирэ якха́ макхлуняса (краскаса), нэ ивья́ (напра́снэс) ту саро́ гожакирэса пэс, Тырэ́ дро́га мала́ дыкхэ́на вучипна́стыр пэ ту́тэ, ёнэ родэ́на тэ мулякирэ́н тут.

Ереме́ё 9:9

Ци Мэ на сэндякирава пхарэ́с лэн пал саро́ дава́, – ракирэ́ла Рай Дэвэ́л. ‘Ци Мэ на отда́ва палэ холынаса дасавэ́ нацыякэ сыр дая́?’

Ереме́ё 22:7

И Мэ приракхава/ скэда́ва вымарибнаскирэн (истребителе́н) пэ ту́тэ, кажнонэс пэ́скирэ марибнытконэ́ састырэса; и ёнэ чингирэна тэлэ́ выкэдынэ́ (фэдырша) кедры, и ёнэ чхурдэна лэн дрэ яг.

Osija 9:5

Со явэ́на тумэ́ тэ кэрэ́н дро дывэ́с, ке́ли трэй тэ явэ́л скэдыибэ́н, дро дывэ́с свэнкитко Ра́скирэ-Дэвлэ́скиро?

Mihiejo 7:4

Най фэдэды́р ману́ш лэ́ндыр исын сы́рбы канрало хру́сто, а най чачунэдыр ману́ш исын вострэдыр (чолалэдыр) тыностыр пхусадытконэ хрустэндыр; явдя́ дывэ́с Тырэ́-ракхибнарьенгиро, со Ту явэ́са тэ сэндинэс, акана́ явэ́ла лэ́нгиро конфузо (бу́нто).

Isajos 28:20

Набаро́ явэ́ла чхуибэ́н, соб (кай) тэ пасён, набуглы учхакирды явэ́ла, соб (кай) ла́са тэ запатькираспэ (тэ закрэнцынаспэ).

Amoso 5:19

Дава́ явэ́ла сы́рбы дова́, ко́ли ману́ш насця шчэрэстыр (левостыр), и рич пирилыя лэс, ци сы́рбы ману́ш, саво́ гия́ андрэ́ кхэр, причхудя пэ́скиро васт кэ ва́нта, и сап дандырдя лэс.