Isajos 10:22 - Библия - Пэ Балтитко Романи чиб (Романэс) 2019

²² Ко́ли б тэ явэ́л ту́тэ, Израиле, ада́кицы манушэ́н, кицы́ исын пра́хо пэ мо́рё (дэрья́в), обрисёла екх ячаибэ́н: хасибэ́н явэ́ла пир чачипэ́н, пир чачипэ́н пхэндло́, со явэ́ла хасибэ́н.

Biblija - Pe Baltitko Romani čib (Romanes) 2019

²² Kóli b te javél túte, Izrailie, adákicy manušén, kicý isyn práho pe mórjo (derjáv), obrisjola jekh jačaibén: xasibén javéla pir čačipén, pir čačipén phendló, so javéla xasibén.

Isajos 10:22 Referans Kwoze

Isajos 6:13

И ко́ли ячэ́лапэ дэ́што паш пэ ла́тэ и рисёла, усае́кх явэ́ла пхув чхучи́, нэ сыр теревинфостыр и дэмбостыр, ко́ли ёнэ исын чингирдэ тэлэ́, исын ячаибэ́н, адя́кэ свэ́нто ячаибэ́н ячэ́лапэ.”

Sykadyipén 20:8

и ёв джа́ла анги́л тэ хохавэ́л манушы́тка на́цыи (народы), савэ́ исын пэ штар пхувья́кирэ вэ́нглы, Гога и Магога. На́лачхо явэ́ла тэ кэдэл кхэтанэ́ лэн пэ марибэ́н, лэ́нгиро кицыпэн (количэство) явэ́ла баро́-сыр морёскиро (дэрьявэ́скиро) пра́хо.

Дание́лё 9:27

Тэ́ньци ёв чхувэ́ла зор пэ завето ваш бутэнгэ пэ екх эфтытко, и дрэ паш эфтытко пириячэлапэ свэ́нто яныбэ́н, и маруно́ свэ́нто дыибэ́н, и пэ пхак (крыло) свэнтонэ́ штэтоскиро явэ́ла чхучакирдо джунгалыпэ́н (брыткима) и анги́л дова́, сыр сыкадыно хасибэ́н пэрэ́ла пэ чхучибнаристэ (спустошытелёстэ).”

Римлянэнгэ 2:5

А пир тыро́ накандыпэн и напорискирдо кэ Ёв ило́, ту кокоро́ пэ́скэ кэдэса буты́р холы́ пэ дывэ́с ваш Дэвлэ́скири холы́, ке́ли Ёв откэрэла Пэ́скиро сэ́ндо,

Apostolengiri Butý 17:31

пал-дова́ со Ёв выкэдыя́ дывэ́с, ке́ли Ёв явэ́ла тэ сэндякирэ́л свэ́то чачунэ́ сэндоса пир Манушэ́стэ, Савэс Ёв выкэдыя́, Ёв сыкадя́ дава́ выкэдыибэн сарэ́ манушэ́нгэ, ке́ли отджидякирдя́ Лэс мулэ́ндыр.”

Isajos 8:8

И проджа́ла ёв пир Юдэ́я, вучэ́с дой ґаздэ́лапэ, доджа́ла кэ мэн и росчхурдэла пэ́скирэ пхака́ (крылы) дро саро́ Тырэ́-пхувья́киро буглыпэн, Эмануиле!”

Isajos 6:11

Мэ пхэндём: “Ци ґара́ (длу́гэс) дава́ явэ́ла, Раё, Дэ́вла?” Ёв пхэндя́: “Пириячэ́ла, ко́ли далэ́ фо́рья явэ́на чхучэ́, нико́н на явэ́ла тэ дживэ́л дрэ лэ́ндэ, ко́ли джа́на мануша́ далэ́ кхэрэндыр, ко́ли дая́ пхув явэ́ла сарэ́са чхучи́.

3 Kralip 4:20

Юда и Израилё, дрэ савэ́ сыс бут мануша́, сыр исын пра́хо пашы́л мо́рё (дэрья́в), ханэ́, пинэ́ и радындлэпэ.

Džiibén 18:25

Нашты́ тэ явэ́л, соб (кай) Ту тэ кэрэ́с адя́кэ, соб (кай) Ту тэ хасякирэс чачунэ́ манушэ́с кхэтанэ́ злыднитконэса, соб (кай) дова́-паць тэ явэ́л чачунэ́ манушэ́са; со и злыднитконэса; нашты́ тэ явэ́л Ту́тыр! Сэнда́ри сарэ́ пхувья́киро тэ кэрэ́л на пир чачипэ́н?”

Osija 1:10

Нэ чхавэ́ Израилёскирэ явэ́на ада́кицы бут, кицы́ исын пра́хо пэ мо́рё (дэрья́в), со нашты́ тэ вымеринэс и тэ гинэс. И явэ́ла адя́кэ: пэ штэ́то, кай ракирдэ́ лэ́нгэ: “Тумэ́ на сан Мирэ́ мануша́,” акана́ одо́й пхэнэ́на лэ́нгэ: “Тумэ́ сан чхавэ́ джидэ́ Дэвлэ́скирэ.”

Isajos 46:3

Шунэ́н ман, кхэр Яково́скиро, сарэ́, кон яця́пэ Израилёскирэ кхэрэ́стыр, конэ́с Мэ прилыём бияныпнастыр и Мэ лыджавас да́кирэ лочовя́тыр.

Isajos 48:19

И ро́до б тыро́ тэ явэ́л, сыр пра́хо; выджа́нас бы ту́тыр бут мануша́; на выкхосэласпэ, на хасёлас б тыро́ лав анги́л Ма́ндэ.”

Isajos 60:22

Тыкнэ́ манушэ́стыр тысёнцо бияндёла, самонэ бизорьякирэстыр манушэ́стыр бияндёла зорало́ народо. Мэ, Рай Дэвэ́л, сы́гэс кэра́ва дава́, ко́ли явэ́ла лэ́скиро часо.”

Isajos 65:8

Адя́кэ ракирэ́ла Рай Дэвэ́л: “Ко́ли барьёла винаградо, тэ́ньчи ракирэ́на: ‘На чхин лэс, пака ёв выбарьёла, дрэ лэ́стэ исын бахтякирибэ́н; адя́кэ Мэ кэра́ва ваш Мирэ́ писхарье́нгэ, соб (кай) тэ на хасякира́в сарэ́н.

4 Kralip 19:31

Пал-дова́ со Ерусалимо́стыр выджа́ла ячаибэ́н, и зракхно Сионоскирэ бэрга́тыр, Ра́скирэ-Дэвлэ́скиро, болыбна́скирэ-янголэ́нгиро зэвлыныпэ́н кэрэ́ла дава́.

Isajos 37:31

Ячаибэ́н, саво́ исын дро Юда́скиро кхэр, зракхцяпэ и выбарьёла тэлэ́, и янэ́ла барьякирдо́ (пло́до) упра́л.

Isajos 59:20

“И явэ́ла Одова́, Кон выкинэла Сио́но и Яково́скирэ чхавэ́н, савэ́ отгинэ́ чорипна́стыр”, – ракирэ́ла Рай Дэвэ́л.

Ереме́ё 3:14

“Рисён тумэ́, отгиибнытка чхавэ́”, – пхэндя́ Рай Дэвэ́л, – пал-дова́ со Мэ сом тумаро́ Хула́й. Мэ ла́ва екхэ́с кажнонэ́ форо́стыр, и дуе́н кажнонэ́ сэмёстыр (родо́стыр), и Мэ яна́ва тумэн пэ Сио́но.

Ереме́ё 44:28

Нэ кодолэ́ на́бут мануша́, савэ́ нашэ́на куртала́тыр, рисёна палэ кэ пхув Юдэякири пхувья́тыр Египто́стыр, и сарэ́, кон ячэ́лапэ Юдэя́тыр, савэ́ гинэ́ пэ пхув Египто́скири тэ дживэ́н одо́й сыр чу́жа, уджинэна, конэскирэ лава́ рисёна дро чачипэ́н, Мирэ́ ци лэ́нгирэ.