Isajos 10:21 - Библия - Пэ Балтитко Романи чиб (Романэс) 2019

²¹ Ячаибэ́н обрисёла, Яково́скиро ячаибэ́н рисёла кэ зорало́ Дэвэ́л.

Biblija - Pe Baltitko Romani čib (Romanes) 2019

²¹ Jačaibén obrisjola, Jakovóskiro jačaibén risjola ke zoraló Devél.

Isajos 10:21 Referans Kwoze

Isajos 9:6

Пал-дова́ со Бия́то бия́ндыя амэ́нгэ, чхаво́ исын дыно́ амэ́нгэ; Ёв лэ́ла зор дро Пэ́скиро васт, и дэ́на Лэ́скэ лав: Лачхо́ Годыпнари, зорало́ Дэвэ́л, Дад, конэ́стэ исын ве́чно джиибэ́н, далэ́-свэтоскиро Тхага́ри (Князё).

Apostolengiri Butý 26:20

а англэды́р манушэ́нгэ, савэ́ дживдэ́ кэ Дама́ско и кэ Ерусалимо, коригэды́р пир сари́ Юдэякири пхув и Наюдэ́нгэ мэ пхэнавас лав, соб (кай) ёнэ тэ рискирэ́н пэ́скиро джиибэ́н кэ Дэвэ́л и, соб (кай) лэ́нгиро рискирибэн тэ явэ́л мол пир лэ́нгирэ лачхэ́ рэ́нды.

Osija 14:1

[13.16-ю.о.] Мануша́ Самариятыр явэ́на бангэ́ палдова́, со ёнэ кэрдэ́ бу́нто проти лэ́нгирэ Дэвлэ́стэ. Ёнэ пэрэ́на куртала́тыр, лэ́нгирэ бияты явэ́на росчингирдэ (пэкадэ) пэ котэра́, и лэ́нгирэ пхарэ́ джувлятыр отлэна тыкнэмасэн.’

Osija 7:16

Ёнэ рисинэ́ палэ, нэ на кэ Са́мо Барыдыр; ёнэ исын сыр дошвало лу́ко. Лэ́нгирэ тхага́рья пэрэ́на куртала́тыр пал пэ́скири чиб, со ракирдя́ холямипэн (дерзости). Пэ пхув Египто́скири лэ́ндыр явэ́на тэ санпэ.

Osija 7:10

Израилёскиро пхутькирибэ́н допхэнэ́ла дро муй лэ́скирэ манушэ́нгэ, нэ ёнэ на рисинэ́ палэ кэ Рай Дэвэ́л, лэ́нгиро Дэвэ́л, и ёнэ на родэ́на Лэс дро саро́ дава́.

Osija 6:1

Дрэ смэнтныма пэ́скири ёнэ пэ зло́ко (ра́нко) явэ́на тэ родэ́н Ман и тэ ракирэ́н: ‘Явэ́н, и рисёваса амэ кэ Рай Дэвэ́л: пал-дова́ со Ёв дукхадя, и Ёв састякирэла амэн; Ёв пэкадя́ амэн, и Ёв пирипхандэла амарэ́ фра́нсы (раны).

Isajos 55:7

Мэк грэхи́тко ману́ш тэ мэкэл пэ́скиро дром и пэ́скирэ налачхэ́ ду́мы, мэк тэ явэ́л ёв кэ Рай Дэвэ́л, и Дэвэ́л отмэкэ́ла лэ́скиро грэ́хо; мэк ёв тэ явэ́л кэ Дэвэ́л амаро́, Савэ́скэ сарэ́ исын дро́га.

Isajos 19:22

И лэ́лапэ Рай Дэвэ́л пал Еги́пто мэрибнытконэ дукхаса, лэ́лапэ и высастякирэла; ёнэ обрисёна кэ Рай Дэвэ́л и Ёв шунэ́ла лэн и высастякирэла.

Isajos 9:13

Нэ народо на обрисёла кэ Одова́, Кон марэла лэс, на родэ́ла Рас-Дэвлэ́с, болыбна́скирэ-янголэнгирэс.

Isajos 7:3

И пхэндя́ Дэвэ́л Исаёскэ: “Выджа пэ́скирэ чхавэ́са, Шэарясувоса кэ Аха́зо, одори́к, кай лэ́на пани́, пэ дром кэ фэ́лда, кай макхэна бакрэнгири вы́лна (шэрсь).

Isajos 46:3

Шунэ́н ман, кхэр Яково́скиро, сарэ́, кон яця́пэ Израилёскирэ кхэрэ́стыр, конэ́с Мэ прилыём бияныпнастыр и Мэ лыджавас да́кирэ лочовя́тыр.

Е́здра 1:4

И пэ кажно штэ́то, пир савэ́ дживэ́на Юды дро пле́но, мэк штэтытка мануша́ тэ помогинэн лэ́нгэ рупэ́са, сувнака́са, и явирэ дарэнца, кхэритконэ́ мурдалэ́нца, адя́кэ-паць сыр и тэ дэн свэ́нто дыибэ́н, со кон камэ́ла, ваш Кхэр (Кхангири́) Дэвлэ́скиро, саво́ исын дро Ерусалимо.’”

Isajos 37:31

Ячаибэ́н, саво́ исын дро Юда́скиро кхэр, зракхцяпэ и выбарьёла тэлэ́, и янэ́ла барьякирдо́ (пло́до) упра́л.

Isajos 59:20

“И явэ́ла Одова́, Кон выкинэла Сио́но и Яково́скирэ чхавэ́н, савэ́ отгинэ́ чорипна́стыр”, – ракирэ́ла Рай Дэвэ́л.

Ереме́ё 50:20

Дро долэ́ дывэса́ и дро дова́ часо’, – ракирэ́ла Рай Дэвэ́л, – ‘явэ́на тэ родэ́н чорипэ́н дро Израилё, нэ нисо́ на латхэ́на, и явэ́на тэ родэ́н грэ́хи Юдастэ, нэ ёнэ ничы́ на латхэ́на, нэ Мэ отмэка́ва банг кодолэ́нгэ, савэ́н Мэ ячкирава джидэнца (ракхава тэ дживэ́н).’